الموضوع: الأكاديمية البحريه

ياريت الي يعرف ااااي معلومه حتى لو صغيره يقولهالي

الاكاديميه محترمه و مستواها محترم ... توكل عل الله

انا سمعت عنها كتير
هى فى اسكنريه ولا الدقى
طيب وايه اقسام هندسه الى فيها ولا هى قسم واحد
والمصاريف تقريبا كام


ممنوع إستخدام اللون الأحمر حيث أنه مخصص للمداخلات الإدارية
م ب 3

المشاركة الأصلية كتبت بواسطة yahiaashraf

انا طالب logistics ( كلية النقل الدولى واللوجيستيات ) انجليزى بالاكادمية

من حيث تستاهل فهى تستاهل فعلا اهم حاجة انك لما ببتخرج بتبقى هيئة دبلوماسية والشهاده بتاعتها معترف بيها محليا ودوليا
كل الكليات هناك الدراسة فيها باللغة الانجليزية ما عدا كلية الادارة والتكنولوجيا وكلية النقل الدولى واللوجيستيات دول الوحيدين اللى فيهم عربى او انجليزى اللى يريحك بس خلى بالك
انت لما بتقدم على اى كلية بتدخل امتحان شبه التويفل كده على الكمبيوتر وبيبقى من 100 النجاح فيه من 40 يعنى اقل من كده لو كلية ادارة او logistics مش هينفع تدخل انجليزى وهتبقى عربى
وهتاخد ماده زيادة لمدة ترم واحد فقط اسمها esp0 دى لة انجليزية بس متخفش يعنى عادى
يعنى هتلاقى زمايلك اللى نجحوا فه متسجلهم فى الترم 6 مواد وانت هتبقى 7 لكن من ترم 2 هتبقوا زى بعض

بالنسبة للواسطه ونظام القبول مفيش حاجة اسمها واسطة فى القبول على حسب مجموعك بتدخل الكليات المتاحه
بالنسبة لفرص العمل دى حاجة يعلمها الله بقى :)


الميزة كمان ان الاكادمية بتديلك هيبه كده لانها تبع جامعة الدول العربية انا كاتب فى البطاقة طالب بالاكادمية العربية للعلوم والتكنولوجيا والنقل البحرى لما حد يشوفها تلاقيه يتعدل فى الكلام :)

شكرررررا لرد حضرتك بس بسؤال معلش هل حكاية ان بعد التخرج ( هكون هيئه دبلوماسيه ) دي خاصه بالملاحه البحريه ولا حتى بالهندسه العاديه الي موجوده في الكليه !!

وبالنبسه لحكاية الشغل هل بيبقى في شركات ولا بيبقى متاح ليا اني ادخل حاجه تبع الجيش ؟؟

ومعلش سؤال كمان بالنسبه لحكاية فرص العمل دي انا مش قصدي اني هلاقي شغل اكيد يعني بس انا قصدي هل في نسبه كتيره مش لاقيه شغل ولا نسبه بسيطه لان زي ما حضرتك عارف انا لو دفعت الفلوس دي كلها ومشتغلتش اهلي هيخلوني ابات في الجوامع

__________

معلش انا مشكلتي اني كنت مسافر السعوديه مع اهلي بدرس هناك بس حصل ظروف واضطريت انزل في بداية 3 ثانوي وبالنسبه ليا الدراسه هنا صعععبه جدددددددا زي زي حال اي حد هيحصله نفس الموقف
عشان كدا خايف اني الدراسه تبقى صعبه اوي في الكليه

ومعلش هوا لو في حد تعرفه اتخرج منها او يعني اشتغل بعد التخرج المرتب هيبقى في حدود كام السؤال الي لازم يتسأل يعني


وبالنسبه لحكاية انه ممكون يبقى ضابط بحري بعد التخرج !

بمعلش كما هوا حضرتك تنصحني ادخل ايه :)

وانا اسف طولت اوي على حضرتك :)

المشاركة الأصلية كتبت بواسطة sohip

انا سمعت عنها كتير
هى فى اسكنريه ولا الدقى
طيب وايه اقسام هندسه الى فيها ولا هى قسم واحد
والمصاريف تقريبا كام

الي اعرفه وممكن افيد حضرتك بيه ان لهم اكتر من فرع :

الاسكندرية - القاهره - القرية الذكيه - بور سعيد - جنوب الوادي

بس مش كل الفروع فيها هندسه ومش كل الفروع فيها ملاحه يعني ممكن تلاقي فرع مفيهوش هندسه وفرع تاني فيه .

قسم هندسه فيه :

حاسب - الاكترونيات واتصالات-ميكانيكا-كهرباء وتحكم - تشييد وبناء - صناعية واداريه - الهندسه المعماريه

والمصاريف لسنه 2014-2015 :

لو المجموع اعلى من 95% : بيبقى 3360 دولار في الفصل ( الترم ) الواحد \ وهيا 5 سنين يعني 10 فصول 33600 لل5 سنين

لو المجموع من 85% ل 95% : بيبقى 4440 دولار في الفصل لمدة 10 فصول = 44400 دولار لل5 سنين

لو المجموع أقل من 85% : بيبقى 5160 دولار في الفصل لمدة 10 فصول برضه = 51600 دولار لل5 سنين

+

مصاريف السكن والزي ( مش عارف الزي دا لطلبة هندسه برضه ولا لأ ) ومعرفش المصاريف دي كام بس كنت فاكر انها كتير برضه :(

طيب بالنسبه للـــــ guc
ايه نظام التحويل ليها

المشاركة الأصلية كتبت بواسطة sohip

طيب بالنسبه للـــــ guc
ايه نظام التحويل ليها

والله للأسف معرفش عنها اي معلومات لاني مفكرتش فيها يعني بس حضرتك لو كتب ( guc ) في جوجل هتلاقي الموقع ادخل وشوف هتلاقي كل حاجه مشروحه بالتفصيل