طلب ترشيح نوع سيارة مناسب فيرنا و لا ماروتى

انا اريد شراء سيارة معقولة و حاولت اشترى مستعمل لكن الامور لم تتوفق و صرفت نظر عن المستعمل و قررت اجيب جديد زيرو و امكانياتى كالتالى :
المبلغ لغاية 90 ألف
انا فى محافظة كفر الشيخ و مافيهاش اى توكيلات للصيانة او قطع الغيار و طنطا و المنصورة قريبين منى لكن سفر برضه
مشاويرى داخل المدينة و شوارعها اغلبها ضيق و السفر قليل و مسافات متوسطة يعنى اقصاها ساعتين سفر كل فترة طويلة
لسة باتعلم السواقة و حاليا سواقتى ضعيفة
فكرت فى الفيرنا و الماروتى لانهم الاكثر انتشارا بس ما اعرفش ايه الانسب و هل فيه نوع تانى انسب منهم

ماورتى هاتبقى مناسبه اكتر لطلباتك وهاتوفرى مبلغ مش قليل
وممكن التو

كل ما ذكرتيه حضرتك يشير الى الماروتى. . . سياره موفره جدا

طبعاً الفيرنا
سيارة ممتازة بالنسبة لفئتها السعرية
ولو تريد عربية أفضل منهم وفى نفس المستوى السعرى ولكن بشكل وبإمكانيات أكثر فخامة ولكن عيبها الوحيد قطع الغيار الأغلى نسبياً مقارنةً بالفيرنا والماروتى البيرليانس fsv
والله أعلم

هيوانداى i10

المانوال ب80
الاوتو ب88
الاوتو فول اوبشن ب 93

و انصحك بالاوتوماتيك

فيرنا

الفيرنا مناسبة

اقتباس:

---

المشاركة الأصلية كتبت بواسطة j a g u a r

ماورتى هاتبقى مناسبه اكتر لطلباتك وهاتوفرى مبلغ مش قليل
وممكن التو

---

و انا كمان يشوف الماروتى مناسبة بس هل هى تنفع يتسافر بها ؟
الالتو مشكلتها عندى عدم الانتشار و قطع غيار غير متوفرة

اقتباس:

---

المشاركة الأصلية كتبت بواسطة scientist9508

كل ما ذكرتيه حضرتك يشير الى الماروتى. . . سياره موفره جدا

---

الماروتى مناسبة بس هل هى تنفع يتسافر بها ؟
و كمان يشوفها واطية قوى يمكن اوطى من الفيرنا

اقتباس:

---

المشاركة الأصلية كتبت بواسطة abo.moazz

طبعاً الفيرنا
سيارة ممتازة بالنسبة لفئتها السعرية
ولو تريد عربية أفضل منهم وفى نفس المستوى السعرى ولكن بشكل وبإمكانيات أكثر فخامة ولكن عيبها الوحيد قطع الغيار الأغلى نسبياً مقارنةً بالفيرنا والماروتى البيرليانس fsv
والله أعلم

---

البرليانس عجبانى جدا بس برضه المشكلة فى عدم الانتشار و عدم توافر قطع الغيار

اقتباس:

---

المشاركة الأصلية كتبت بواسطة م أحمد

هيوانداى i10

المانوال ب80
الاوتو ب88
الاوتو فول اوبشن ب 93

و انصحك بالاوتوماتيك

---

حضرتك لفت نظرى لل i10 هى تقريبا فى نفس سعر الفيرنا و فرامل امان اكتر و انا مش محتاجة المحرك العالى بتاع الفيرنا
هاسأل كدة عندنا على توافر قطع غيارها و كمان امكانية الصيانة خارج التوكيل علشان احدد الافضلية بينها و بين الفيرنا

اقتباس:

---

المشاركة الأصلية كتبت بواسطة sarafa

الماروتى مناسبة بس هل هى تنفع يتسافر بها ؟
و كمان يشوفها واطية قوى يمكن اوطى من الفيرنا

---

لا لو هاتسافرى بيها يبقى بلاشها
هيا هتسافر وكل حاجه بس ماتورها مش مخصص للسفر والاداء هايبقى ضعيف

ومع التحميل بتهبط

حرام الماروتي تتصنف عربيه وتشتريها زيرو كمان
الفيرنا مبلوعه علي اﻻقل

معلش يا جماعة أنا شايف إن الحكم بتاعنا حسب نظرتنا الشخصيه للعربيات مش حسب ظروف الشارى

الظروف اللى أختنا الفاضله بتتكلم فيها بتقول
طرق ضيقة نسبياً و مفيش توكيل يعنى أى عطل ميكانيكى أو كهربى هتبقى محتاجة تصرف سريع يا إما هتقضيها ونش إنقاذ و ده خارج من محافظة لمحافظة يعنى هيلطش 1000 ج على الأقل على الأسعار الحاليه !!!
السفر ساعتين مش أزمة يعنى بس المهم عدم تجاوز حاجز الـ 100 كم /س للأمان و ده لأى عربيه مش الماروتى بس
أنا شايف إن الماروتى تصلح جداً و توفرى مبلغ محترم إنتى أولى بيه و صيانتها سهله أى حد يشتغل فيها مش محتاجة مراكز صيانه

أنا معنديش ماروتى و لا فيرنا علشان محدش يقول متعصب لها, و كنت عامل موضوع قريب أجيبها و لا لأ بس ده برضو يرجع لظروف كل واحد.

اقتباس:

---

المشاركة الأصلية كتبت بواسطة sarafa

البرليانس عجبانى جدا بس برضه المشكلة فى عدم الانتشار و عدم توافر قطع الغيار

---

حضرتك بتجاوبى على نفسك
يبقى الفيرنا طبعاً
قطع غيار ببلاش ومتوفرة فى كل حتة
حجم العربية مش كبير ومش صغير زى الماروتى لكن مناسب بشكل مرضى لركوب 4 أفراد بحقائبهم بشكل مريح
موتور مناسب جداً يصلح للتحرك داخل المدينة وللسفر
عربية حمالة أسية
البنود اللى فاتت دى كلها مش هتلاقيها فى الماروتى ..
الفيرنا عربية ممتازة عيبها الوحيد عدم الثبات وده بسبب موتورها الكبير على عفشتها .. بس أعتقد إنك مش هتعملى بيها سباقات .. مع العلم إن الفيرنا أنا جيبت بيها سرعة 190 كم / س مستريح
وأعتقد والله أعلم إن الفيرنا متتقارنش بالماروتى نهائى .. الماروتى فئة منفردة مش هتلاقى عربيات كتير فى نفس الفئة بتاعتها
الفيرنا لما نيجى نقارنها تتقارن بالأفيو وباللوجان وبالبرليانس وباللانوس وبالإيميجراند
والله أعلم .............

الفيرنا افضل من الماروتى فى كل حاجه واعتقد ان كفر الشيخ الفيرنا فيها كتير علشان شغاله تاكسى يعنى قطع الغيار ممكن تلاقيها بسهوله

بشكر الجميع على الاهتمام و ابداء النصيحة والمساعدة ...
الحقيقة كان سبب تفكيرى فى الماروتى انى كنت هاوفر مبلغ محترم نقريبا النص
بس انا توكلت على الله و صليت استخارة و اشتريت الفيرنا المانوال gls
استلمتها و عجبتنى الحمد لله و بتمنى ربنا يرزقنى خيرها و يبعد عنى شرها
بشكركم جدا و لو فيه اى نصائح ممكن تنصحونى بها للعربية الجديدة يعنى ايه المستلزمات الخاصة بها و يا ترى الفيرنا بتحتاج تليين و لا لا

اقتباس:

---

المشاركة الأصلية كتبت بواسطة sarafa

بشكر الجميع على الاهتمام و ابداء النصيحة والمساعدة ...
الحقيقة كان سبب تفكيرى فى الماروتى انى كنت هاوفر مبلغ محترم نقريبا النص
بس انا توكلت على الله و صليت استخارة و اشتريت الفيرنا المانوال gls
استلمتها و عجبتنى الحمد لله و بتمنى ربنا يرزقنى خيرها و يبعد عنى شرها
بشكركم جدا و لو فيه اى نصائح ممكن تنصحونى بها للعربية الجديدة يعنى ايه المستلزمات الخاصة بها و يا ترى الفيرنا بتحتاج تليين و لا لا

---

الف مبروك وربنا يباركلك فيها ويكفيكى شرها ويديكى خيرها
الفيرنا كويسه لداخل المدينه ولخارج برضه بس من غير جري عن سرعه 100
حاولى تبقى واحده واحده لغايه ما تتعودى عليها وعلى ابعادها
ومتقرصيش على الغيار و rpm ميعلاش عن 2و نص ويبقى كويس لو بتتركن فى جراج او مكان كويس