انا عاوز اغير المهنه

**reda elgohary** · 21-02-2015 01:15 PM

ربنا يثبتك .

**eng/muhamad** · 22-02-2015 02:48 PM

المشاركة الأصلية كتبت بواسطة hisham80

أنا شايف أن سنك صغير ومشكلتك في الشركه مش المجال اصبر شويه وحاول تاخد خبره على اقد ما تقدر وربنا هيكرمك أنت بساطه كمان كم سنه حتكون استشاري ممتاز كلنا مرينا بنفس المشكله في الأول مرتب صغير مشاكل أهم حاجه أنك في طريق صح وببتكتسب خبره

اتمنى كلام حضرتك يكون صح و انا و الله بحاول امشى صح على قد ما اقدر و ربنا معانا بقى

المشاركة الأصلية كتبت بواسطة amr011111

ياريت تدينا فكره عن الحاجات الغلط اللى بتعملها والاستشارى مش بيكتشفها
اصل لو الاستشارى مكتشفهاش يبقى عنده قصور كبير
الحاجه التانيه ممكن تغير مجال الشغل
يعنى ممكن تشتغل فى مجال التصميم او فى مجال الشوب دروينج او فى مجال التسعير او تشتغل سيفتى ومجالات اخرى كتير

صعب اتكلم فى تفاصيل بس حتى لو فى مشكله و تقول انك هتعرض الحل على الاستشارى المدير يعترض و يقولك طالما مش هيشوفها كبر دماغك

المشاركة الأصلية كتبت بواسطة gade2

واضح ان الموضوع منتشر مش انا بس

واضح

المشاركة الأصلية كتبت بواسطة reda elgohary

ربنا يثبتك .

يا رب

**shndoo** · 22-02-2015 05:25 PM

المشاركة الأصلية كتبت بواسطة eng/muhamad

السلام عليكم
زى ما العنوان بيقول انا عاوز اغير المهنه بس مش فى البطاقه ولا جواز السفر لالالا
انا عاوز اغيرها بجد اعاوز اغير مجال الهندسه
ناس هتقول مجنون و بيتبتر على النعمه حد طايل يبقى مهندس كلامكوا كله صح
الهندسه مهنه حلوه و لها احترامها و مكانتها كل ده على عينى و على راسى
بس انا مش مرتاح انا سنى 25 سنه و شغال مقاولات و طبعا المهندسين عارفين يعنى ايه مهندس مقاول يعنى تكدب على الاستشارى يعنى تعمل حاجات غلط عشان تمشى الدنيا يعنى حاجات كتير اوى و انا بصراحه بحاول قدر الامكان معملش كده و ده بيسبب مشاكل فى شغلى كتير ان انا متمسك باخلاقيات معينه الحمد لله بس الوسط المحيط صعب جدا لو مسرقتش عشان توفر للمقاول يبقى انت وحش لو فى مشكله اضحك على الاستشارى اهمحاجه يستلم مش مهم تتحل صح ولا غلط و اشياء من هذا القبيل
فانا فعلا مش مرتاح فى المهنه دى و عارف ان مفيش حد مرتاح فى الشغل
لكن انا اصلا من قبل الجامعه كان نفسى ادرس اقتصاد و بحب اتابع عالم المال و الاعمال و كان نفسى اشتغل فى حاجهلها علاقه بالاقتصاد و البورصه و الحاجات دى
هل سهل ان انا اغير المهنه لمهنه كويسه مع المحافظه على المستوى المادى و الاجتماعى
هل لو مثلا روحت قدمت فى وظيفه تانيه خالص غير مجال الهندسه ممكن شركه تقبلنى؟
هل هل هل هل حاجات كتير شاغله دماغى و مش لاقى لها اجابات

والله و كأنى انا الى كاتب الموضوع ماعدا التغير للبورصة

**Astro BoY** · 22-02-2015 06:42 PM

سافر الكويت ...الكويت اكتر بلد محتاجة معماريين وبنائيين ومهندسين معمار وكدة لائنها بلد تعتبر لسة بتتبنى

**samyyousef** · 22-02-2015 06:57 PM

افضل ميزة لديك هي صغر سنك...يجب ان تاخذ القرار مبكرا.....اذا تاخرت في اخذ القرار سواء بالاستمرار او التغيير سيزداد الامر صعوبة
اذا نويت التغيير فيجب عليك الدراسة
دعك من عبارة المستوى الاجتماعي.....فهو ليس بالمهنة.....
لا تتنازل عن الصدق و الامانة في اي مهنة او مجال

**eng/muhamad** · 24-02-2015 07:04 PM

حد يقولى ابدا ازاى ؟
هل لو شوفت اعلان لوظيفه عجبتنى و قدمت فيها ممكن اقبل و لا صعب
هل كصاحب عمل سهل يقبل يشغل مهندس فى وظيفه تانية

**eng/muhamad** · 22-05-2015 08:18 PM

للعلم انا مهندس مدنى بره مصر و تحديدا فى قطر
و نفسي اغير مهنتى حتى لو هرجع مصر
انا بقدم فعلا فى وظايف بعيده عنى بس مفيش حد بيكلمنى خالص
هل هناك طريق اخر
للاسف مهندس مقاول دى مش ماشية معايا خالص
انا مش معترض على مهندس مقالو اطلاقا بس نفسي اشتغلها فى شركه عندها سيستم شركه تكون بتنفذ القوانين مهما كانت العواقف
شركة بتحل حلول هندسية صحيحه
اتمنى رايكوا فى الموضوع

**amr011111** · 24-05-2015 09:24 AM

المشاركة الأصلية كتبت بواسطة eng/muhamad

للعلم انا مهندس مدنى بره مصر و تحديدا فى قطر
و نفسي اغير مهنتى حتى لو هرجع مصر
انا بقدم فعلا فى وظايف بعيده عنى بس مفيش حد بيكلمنى خالص
هل هناك طريق اخر
للاسف مهندس مقاول دى مش ماشية معايا خالص
انا مش معترض على مهندس مقالو اطلاقا بس نفسي اشتغلها فى شركه عندها سيستم شركه تكون بتنفذ القوانين مهما كانت العواقف
شركة بتحل حلول هندسية صحيحه
اتمنى رايكوا فى الموضوع

الموضوع بتاعك حله انك تدور على شركه تانيه . عاوز تحل حلول صح اتعلم اتوكاد كويس اوى وساب كذلك واشتغل تصميم وبالتوفيق