الموضوع: نصيحة فى شراء باسات

المشاركة الأصلية كتبت بواسطة gmail125

السلام عليكم ورحمة الله وبركاته

فى الحقيقة انا سعيد بإنضامى ضمن اعضاء المنتدى الكرام

وكنت اريد أخد إستشارة هامة من حضراتكم ملاك وأصحاب الباسات

لانى على وشك شراء تلك السيارة وكنت حابب اعرف افضل موديل " اتوماتيك " من 2006 الى 2010
لانى سمعت عن مشكلة فى نوعية الفتيس الخاص بموديلات معينة لكن لم أتمكن من معرفة التفاصيل
فما هو أفضل موديل للسيارة أى موديل ماتور بالتحديد ممكن يعمل بنزين 92 بدون مشاكل وايضاً هل قطع غيار السيارة هيختلف ثمنه بإختلاف سنة الموديل فى خلال 2006 الى 2011 " اتوماتيك " علما بأن الميزانية الحالية هى 165 الف جنيه
وشكرا مقدماً لحضراتكم

و عليكم السلام ورحمة الله وبركاته
الموديلات اللي بدأ يظهر فيها مشاكل الفتيس هي السيارات ال 1400 التيربو (122 حصان) إبتداء من 2009 و بالنسبة للبنزين يوصى باستخدام 95 ويمكن استخدام بنزين 92 بدون مشاكل ملحوظة (نسبة الإنضغاط 10:1
الموديلات 2006 ل 2008 ال 1600 (105 حصان) مشاكل الفتيس تكاد تكون معدومة إلا إذا لم يتم عمل صياناته في التوقيت الصحيح . بالنسبة للبنزين الموتور ال 1600 بتطلب بنزين 95 بشكل اساسي نظرا لأن نسبة الإنضغاط مرتفعة 12:1 وبالتالي فان استخدام بنزين 92 سوف يؤدي الى ضعف الأداء و قصر عمر المحرك الإفتراضي
قطع الغيار اسعارها واحدة لأنه نفس الشاسية 3c

رأيي الشخصي أنصحك انك تشتري 2011 هاي لاين او توب لاين بس بالشروط الأتية:
1- ان تكون السيارة تبع التوكيل و ليست خليجي
2- تكشف عليها في التوكيل
3- تتاكد من وجود تاريخ صيانة منتظمة للسيارة برقم الشاسية
4- يفضل ان تكون السيارة قد غيرت بالفعل و حدة الميكا ترونكس

بالتوفيق ان شاء الله

المشاركة الأصلية كتبت بواسطة gmail125

موش عارف اشكر حضرتك ازيا على نصائحك الغالية دى خاصة وأن حضرتك صاحب تجربة وخبرة

بس كنت حابب اعرف من حضرتك لو انا حبيبت اشترى موديل 2006 او 2007 او 2008
واحاول ابعد نهائيا عن الموديلات اللى فيها مشكلة الفتيس
هل لازم برضه يكون متغير للعربية الميكا ترونكس ولا كده خلاص المشكلة موش موجود اصلاً بالموديلات دى ولازم يكون fsi ولا tsi

ولو حضرتك تفضلى الافضل من بين الـ 3 موديلات دى اختار ايه ؟؟
مع العلم أن لى صديق هو معه باسات 2006 وبيحط بنزين 92 بس على ما اعتقد بيحط ايضا محسن مع البنزين علشان اداء الماتور
وبالتقريب كده تكلفة الكشف بالكامل عن تفاصيل العربية قبل الشراء فى التوكيل تتكلف حوالى كام ؟

لا شكر على واجب
الموديلات من 2006 الى 2008 تقريبا واحده و الفتيس واحد و لا يوجد به مشكلة الميكا ترونكس او الكلاتش لانه الفتيس القديم... بس زي ما قلت لحضرتك لازم تتأكد انه سليم و معمل الصيانة بتاعته في موعدها و اعتقد كلما كان الموديل أعلى كان احسن إلا إذا كانت قدامك حالة شاذه من 2006 او 2007...و اشدد لازم تكشف في التوكيل و الكشف لازم تتصل بيهم على 19525 و تحجز معياد و لازم يكون معاك رقم شاسيه العربية و الكشف بيتكلف 550 جنيه
و لو ربنا وفقك في عربية كويسة بلاش تحط محسن البنزين علشان الموضوع ده اشتغالة كبيرة جدا و عملية نصب ... لأن ليس له تأثير على البنزين 90 او 92 و انت طالع .,, منتجات رفع كفأة الأوكتين اها تأثير فقط على البنزين ذو الأوكتين المنخفض (يعني بنزين 80 بس)

ممكن سوال لو سمحت..
ماهى وحدة الميكاترونكس ووظيفتها ايه ؟ ولو باظت ايه اعراضها ؟ ولما بتتغير بتتكلف كام .. وهل كل الموديلات من بعد 2011 فيها المشكلة دى ؟

اسف على الاطالة بس نادر لما بنلاقى حد عنده خبرة عشان نسأله ..
سوال تانى .. الباسات عموما ايه مشاكلها لانى بفكر فيها وللاسف معنديش اى فكرة عنها وهل ممكن تمشى ببنزين 92 من غير مشاكل ولا لازم 95 ؟

وشكرا مقدما (:

المشاركة الأصلية كتبت بواسطة wma_eg

ممكن سوال لو سمحت..
ماهى وحدة الميكاترونكس ووظيفتها ايه ؟ ولو باظت ايه اعراضها ؟ ولما بتتغير بتتكلف كام .. وهل كل الموديلات من بعد 2011 فيها المشكلة دى ؟

اسف على الاطالة بس نادر لما بنلاقى حد عنده خبرة عشان نسأله ..
سوال تانى .. الباسات عموما ايه مشاكلها لانى بفكر فيها وللاسف معنديش اى فكرة عنها وهل ممكن تمشى ببنزين 92 من غير مشاكل ولا لازم 95 ؟

وشكرا مقدما (:

وحدة الميكا ترونكس اسمها عند الصنايعية "عقل الفتيس"
يعني هي المسؤلة عن تعشيق الترس المناسب مع السرعة المناسبة
اعراض التلف رعشة شديدة جدا عند تحريك عصاية الفتيس من ال d لل n او r و العكس
الحقيقة معنديش معلومات دقيقة عن سعرها ..بس اللي اعرفه ان طالما العربية بتعمل الصيانة بانتظام في التوكيل فهما بيغيروها مجانا حتى المصنعية
لو مش منتظم في الصيانة بيكون في نسبة تحمل على العميل على حسب مدى الانتظام في الصيانة
المشكلة بدأت تقل بشكل كبير مع موديلات ٢٠١٢ بس لم تختفي تماما
غير كدة مفيش مشاكل قابلتني في العربية غير قطع الغيار الغالية نوعا ما
بالنسبة للبنزين بتمشي ب ٩٢ من غير مشاكل ملحوظة خاصة في الشتاء و لكن في الصيف بتسمع صوت الكركرة بوضوح وده علشان موضوع ال cold air intake بس ما تتوقعش الاداء الوهمي للمحرك ده من غير ٩٥...فعلا بيفرق