الموضوع: بولو 98 مشكلة فى تدوير العربية الصبح

معلش لانى فعلا قرفت ومحتاج حل العربية بقالها فترة لما باجى بادور الصبح بتدور وتبطل مرة والتانية وبعد كدة بتدور بس لما بدوس بنزين بتطلع عفرة بيضاء كتير الكل قالى شيل فيشة حساس المية وفعلا لما شيلتة بقت عادى المهم روحت عن سيد عبدة اللى فى الحلمية غيرلى الحساس واشتغلت شوية وبعد كدة رجعت عملت نفس العيب رجعتلة وغيرلى حساس تانى وقالى يمكن الاول بايظ المهم غيرلى الحساس وتانى يوم عملت نفس العيب المهم قولت مش هاروحلة تانى وحد نصحنى بواحد اسمة وائل فى الحرفيين المهم روحتلة وحط العربية على الجهاز وقالى ان البوابة بايظة بس دة عيب مالوش علاقة بتدوير العربية و ان العربية مش حاسة بالحساس وفتح الكنترولل وقاس فيشة الكنترول وهل موصلة بالحساس ولا لاء ولقاها موصلة المهم انى غيرت البوابة وغيرت حساس تانى استيراد المهم روحت بالعربية وبجربها تانى يوم للاسف نفس العيب برضو العربية بتدور وتبطل مرتين تلاتة وبعد كدة تشتغل بعد ما اكبس بنزين وتطلع عفرة بيضاء من الشكمان مع العلم ان كل اللى بص على العربية قالى الموتور مظبوط لانة بيجيب مية . مش عارف اعلم اية وفعلا زهقت من الصنايعية وزهقت انى افضل رايح جى عليهم خاصة انى لما بروح بتبقى العربية سخنة وطبعا العيب مابيبقاش موجود هل فى حل ولا لاء ..

طيب انا غيرت الحساس 3 مرات فاعتقد مش منة .. معلش طلب هو فين مكان ال tps وهل البوجيهات ممكن تعمل كدة ؟؟