انا عندى ريحت بنزين فى صالون العربيه مش عارف سببها ايه
انا شاكك فى خرطوم الفايس اللى داخل على العمه علشان الميكانيكى شاله من العمه و قالى ان العربيه عايزه نص عمره
ولا ممكن يكون فيه سبب تانى
عرض للطباعة
انا عندى ريحت بنزين فى صالون العربيه مش عارف سببها ايه
انا شاكك فى خرطوم الفايس اللى داخل على العمه علشان الميكانيكى شاله من العمه و قالى ان العربيه عايزه نص عمره
ولا ممكن يكون فيه سبب تانى
في اكتر من سبب لرائحة البنزين داخل السيارة :-
____________________________
- خرطوم الباكيوم الخاص بالتانك مقفول أو مثنى.
- عدم ربط الخراطيم المتصلة بالبنزين جيدا.
- عدم ضبط بك السرعة المتصل بالكهرباء.
- قد يكون بسبب تسريب البنزين إلى دورة الوقود.
ويشير الى الخطوات التى يجب اتباعها أثناء حدوث ذلك كالتالى:
- يرجى التأكد من خرطوم الفايس الموجود بشنطة السيارة والمغطى تحت كفر.
- التأكد من ضبط بك السرعة.
- التأكد من ضبط المحرك خاصة على السرعات العالية.
- التأكد من عدم وجود تنفيس للعادم من الشكمان.
- التأكد من غلق الهوايات الداخلية فى شنطة السيارة.
وشكرا ،،،
مراجعة الخراطيم كلها الخاصة بالتانك الاول وحاول تحدد الريحة هل هي بنزين خام ام محروق يعني الريحة من عند الكنبة ورا ولا من الموتور وساعتها هاتعرف بالظبط
الرائحه بتاعت عادم .... بنزين محروق
كان عندي نفس المشكلة في 128...لدرجة إني كنت بنزل من العربيه أنا وعيالي ريحة هدومنا عادم ..تحسنا كأننا واقفين قدام شكمان ..ولدرجة كمان إنك لو واقف بعيد وباصص للصالون بتاع العربيه من بعيد في النهار تحس إن في شبوره جوه العربيه..وطبعا مع الحر الجامد كنت تلاقي عنيك بتدمع وتحرقك من الدخنه اللي جوه العربيه ..وطلع في الآخر جوان الشكمان ..خلي بالك ..جوان الشكمان مش جوان الفرن
يا دى المصطلحات اللى انا مش عارفها
فين جوان الشكمان ؟؟
ياباشا جوان الشكمان ده اللي رابط الشكمان في الفرن ..وبعدين حضرتك هتغلب نفسك ليه ..روح لأي حد بتاع جكمانات نضيف يشيكلك على جوان الشكمان..وإنت واقف هيبص عليه يقولك فيه حاجه ولا لأ..وتقوم مناوله 5جنيه ..إحتمال قائم وحضرتك بتدور على حل للمشكله ...يبقى واجب برضه تبص بصه على الجوان ده