ماتريكس - ستيب واي - أوبترا - فيرنا - لانوس
أنا بصراحة لجأت للموقع ده لأني عرفت ان فيه أهل خبرة كتير جدا ما شاء الله
و اصحابي تعبوني من كتر الآراء التي يكون بعضها غير متخصص
فقررت ألجأ لأصحاب الخبرة
طبعا المقارنة دي هيكون فيها موضوع مهم و هو عامل موديل العربية
يعني مثلا الماتريكس اخرها 2011 و اللي في المقارنة هي موديل 2009 و بالتالي تعتبر قديمة نسبيا
و الستيب واي موديل 2015
و الأوبترا 2012
و الفيرنا و اللانوس من موديل 2013 إلى 2015
طبعا كل ده في حدود 85 ألف تقريبا
المطلوب تكون عربية اعتمادية و اقتصادية قليلة الأعطال و المشاكل إلى جانب الشكل الجيد و الأداء الجيد و طبعا يكون سعر إعادة البيع جيد ما يتخسفش بيها الأرض
البعض أيضا يقترح علي لانسر مودبل 2002 - 2006 مثلا أو أوكتافيا a4 نفس العمر تقريبا .. لكن بصراحة أنا متخوف من نقطة قطع غيار الألماني و الياباني خصوصا إنهم هيبقوا عواجيز فلازم هحتاج صيانات ليهم و ده اللي مقلقني بصراحة
علما بإني راكب ابيزا 92 لكن كانت لقطة بصراحة كانت مرفوعة 15 سنة و كأنها جديدة
أرجوكم تفيدوني أفادكم الله :)
