عايز اعمل نضاره هل لازم اروح لدكتور عيون ؟

السلام عليكم

انا يا جماعه عينى اليمين ضعيفه جدا 36\6 والشمال تمام 6\6 والحمدلله
المهم وانا بعمل كشف طبى عشان وظيفه من حوالى اسبوع الدكتور قالى مينفعش تسكت عليها حاول تعمل نضاره عشان انت كده بتحمل على العصب جامد وقالى انى عايز اعمل كشف نظر بالكمبيوتر

السؤال بقى هل انا محتاج اروح لدكتور عيون ويعملى كشف النظر ولا ممكن اروح عند اى مكان بتاع نضارات واعمل عنده كشف النظر الكمبيوتر ؟

مع العلم انى وانا طفل كان عندى "حول " وعملت عملية حول من 13 سنه والحمدلله بعد العمليه الحول انتهى
هل ممكن اعمل كشف نظر من دون الرجوع لدكتور عيون يطلع مش مظبوط ويرجع الحول تانى ولا حاجه ؟ ولا عادى مفيش مشكله ومش لازم اروح لدكتور ممكن اعمله فى اى مكان ؟؟

وعليكم السلام
لازم دكتور طبعا
محل النضارات ده بيعملك النضارة مش أكتر حسب المقاس اللي الدكتور بيديهولك

طبعا طبيب عيون
المحلات تعملك كشف نظارة فقط
الطبيب كشف كامل على العين+ كشف نظارة
دى عين مش هزار
تحياتي

تمام شكرا يا جماعه ان شاء الله فى اقرب فرصه أحجز عند دكتور عيون كويس أضمن وأأمن