الموضوع: حد له فى الطيران يفهمنا ايه اللى بيحصل دة

ده حضرتك اسمه Cross Wind Landing

المشاركة الأصلية كتبت بواسطة MMamdouh

حد له فى الطيران يفهمنا ازاى دة
بيحصل... انا اعرف ان الدريفت بيتعمل بالعربيات بس لكن دى اول مرة اشوفة فى الطيارات

http://www.youtube.com/watch?v=_tt4m...eature=related

MMamdouh

ده اسمه زي ما قال الاخ mshamy
فكرته ببساطه ان في هوا شديد نوعا ما بيبقا اتجاهه ((بعرض)) المدرج .. غالبا بيبقا عامل من 45-90 درجه على اتجاه المدرج فعلشان سرعه الطياره و الايروديناميكيه بتاعت الهيكل مصممه ان الهوا يجيلها من الامام فقط .. فالحاله دي ممكن تقلب الطياره على الجنب
فاللي بيعمله الطيار انه بيخفف السرعه جدا و يستعمل الفلابر على 10 او 20 درجه (يعني بتعتمد على قوه الرياح) و ده وظيفته انه بيوجه قوه الدفع بدل ما انها تكون لورا .. تكون لورا تحت بالدرجه المحدده سابقا .. ودي بتعمل على تعليق الطياره في الجو علشان تديها قدره على المناوره
بعد كدا الطيار بيواجه اتجاه الهوا دا (علشان كدا الطياره بتبان انها ماشيه بالعرض) -بالتوجيه- وفي نفس الوقت هيا ماشيه في اتجاه المدرج -بالدفع الذاتي- لان المحركات دلوقتي بقت موجهة لتعليق الطياره (ما بين قوه دفع المحرك و جذب الارض) وعمليه معادله الهوا اللي جاي بالعرض ده (طبعا سرعه الهبوط هنا بتكون اقل بكتير .. يعني بدل سرعه الهبوط العاديه اللي هيا بتبقا من 270-350 ... لأ في الحاله دي ممكن توصل 170 -اعتمادا على وزنها)
الطيار بيحافظ على الوضعيه دي لحد ما يلمس بالعجلات الخلفيه الارض ..بعدها بسرعه جدا (قبل العجلات الاماميه ما تنزل).. يقوم بتوجيه الطياره عن طريق الدفه الخلفيه اللي على الذيل انها تبقا مضبوطه على المدرج ...وبعدين يسحب الفرامل الهوائيه لحد ما كل الطياره تبقا على المدرج وفرامل باقصى طاقه علشان يزود ال downforce
احيانا وهي نادره جدا انو بالرغم من الداون فورس الرهيب بتاع الطياره.. الهوا برضو ممكن يقلبها للجنب برضو وفي الحاله دي كل اللي بيعمله الطيار انو يشتغل بالمحركات على اقصى طاقه ممكنه و يطلع بالطياره تاني و يعيد نفس الفيلم ده
ببساطه هيا فيها مهاره متوسطه و بيبقا الطيار متعود عليها جدا بشكل آلي
>>> واجه الهوا >>> عادل قوته بالمحرك و زود قوه التعليق >>> اعمل سلايدنج او طيران شراعي لحد ما توصل المدرج بالدفع الذات >>> بمجرد ما تهبط على المدرج استعمل ال downforce
تحياتي

بالفعل كما ذكر الأخوة ده اسمو Cross Wind Landing

ونقوم بتطبيق هذا التكنيك في الهبوط أثناء وجود رياح عمودية على ممر الهبوط

ولأن الطائرة لها اتجاه Heading وفي نفس الوقت مسار Track على الأرض فأنه يتم ضبط اتجاه الطائرة بما يحقق المسار الأرضي المطلوب وهو فى هذه الحالة خط منتصف الممر Runway Centerline وذلك بوضع مقدمة الطائرة مباشرة ضد اتجاه الريح Nose Into Wind.

الهبوط Cross Wind Landing يتم بطريقتين:

1- طريقة CRAB

كما ذكرنا بوضع مقدمة الطائرة ضد إتجاه الريح والمحافظة على المسار الأرضي لخط منتصف الممر RW CL باستخدام دفة الطائرة Rudder وحتى الوصول للحظة الـتسطح مع الأرضFLARE وبضغط دفة عكسية يتم عدل مقدمة الطائرة لجعلها متوازية مع خط منتصف الممر ومنع جناح الطائرة من الميل فى هذه اللحظة عن طريق التحكم به باستخدام جنيح الدوران Aileron فى الجهة المقابلة لضغط الدفة العكسية وذلك لتفادى الأحمال الجانبية لحظة لمس عجل الهبوط Landing Gear للممر .

2- طريقة SIDEL SLIP

وهى نفس طريقة الـ CRAB وتتطلب مهارة أعلى ولكن عند الوصول للممر وبدء التسطح مع الأرض FLARE يتم تسقيط الجناح ضد الرياح وفنفس اللحظة عدل مقدمة الطائرة بإستخدام الدفة والأستمرار على هذا الوضع وحتى لمس أرض الممر بعجلة واحدة فقط يليها العجلة الأخرى وأخيراً عجلة المقدمة

أى حد عاوز درس خصوصي فالطيران يسيب اسمو وتليفونو وعنوانو وهنتصل بيه قبل 2050 بإذن الله

امكانية معايشة ظروف زى دى موجودة على برامج العاب محاكاه الطيرانflight simulators، والكثير منها متاح على الانترنت مجانا، اللى بيحب الحاجات دى ممكن يدور على برنامج اسمه rs flight simulator وهيعيش معاه احلى عيشة

المشاركة الأصلية كتبت بواسطة sab3aawy

امكانية معايشة ظروف زى دى موجودة على برامج العاب محاكاه الطيرانflight simulators، والكثير منها متاح على الانترنت مجانا، اللى بيحب الحاجات دى ممكن يدور على برنامج اسمه rs flight simulator وهيعيش معاه احلى عيشة

بالفعل وفي Microsoft Flight Simulator X بس اللى له قلب يحملو بقى 8 جيجا.

المشاركة الأصلية كتبت بواسطة mshamy

ده حضرتك اسمه Cross Wind Landing

عامل زى ميكون اسم عربية صيتى.....

حاسس اني بقرا هيروغليفي