انا خريج تجارة و مش لاقي شغل فا عايز اعرف رايكم في مجال الماركتينج هل المجال دة كويس و لا لأ ، انا سألت في نيو هورايزون لقيت الكورس ب 3500 ادوس فيه ولا تضييع للفلوس ؟
و ايه الفرق بين الكورس دة و ال seo
و شكرا
عرض للطباعة
انا خريج تجارة و مش لاقي شغل فا عايز اعرف رايكم في مجال الماركتينج هل المجال دة كويس و لا لأ ، انا سألت في نيو هورايزون لقيت الكورس ب 3500 ادوس فيه ولا تضييع للفلوس ؟
و ايه الفرق بين الكورس دة و ال seo
و شكرا
المجال كويس طبعا
بس حضرتك محددتش كورس نيو هورايزون بيدي إيه بالضبط ؟؟
ايه الـ curriculum بتاعه تحديدا علشان نقدر نفيدك في الفرق بينه وبين الـ SEO اللي هو جزء من الديجيتال ماركيتينج مش كله وهو باختصار تهيئة موقعك لمحركات البحث بحيث تظهر في النتائج الأولى في البحث وهو اختصار لكلمة Search Engine Optimization
الماركتنج علم كبير ولازم تخصص ودراسه وخبره
طبعا مجال قوى جدا ومحترم ومطلوب فى الشركات الكبيره والدول العربيه او الاوربيه كمان
دراسته لازم تحصل على حاجه محترمه علشان تلاقى شغل لنفس مستواك
الكورسات او الدبلومات الكامله هتلاقيها فى الاكاديميه البحريه او الجامعه الامريكيه
او لو حابب بقا تجيب من الاخر MBA Major Marketing
وتوكل على الله المشوار طويل بس خد خبره واشتغل فى السوق كتير وهتعمل حاجه كويسه
بالنسبه ل SEO ده جزء صغير موجود داخل الديجيتال ماركت الى هو جزء من الماركتنج نفسه برضه
وبيتكلم عن تهئيه المواقع والمنتديات وبرامج الموبايل على جوجل ومحركات البحث عموما
هو الكورس عبارة عن
marketing: introduction , customer behavior ,marketing research , the marketing mix , marketing communication
advertising:the role of advertising , types of advertising, advertiser ..........
selling : international selling , legal and ethical issues in selling ..........
كل حاجة من دول 40 hours
ايه راى حضرتك ؟
هو يبدو إنه بيتكلم في التسويق بشكل عام مش التسويق الإلكتروني فمش هقدر أفيدك هل هيكون مفيد بالنسبة ليك ولا لأ لأني مجربتش الشركة دي قبل كده أنا أسمع إنهم كويسين في مجال البرمجة لكن في مجال التسويق الله أعلم
لو مهتم بمجال التسويق الإلكتروني ممكن تتابع الجروبات دي التابعة لحملة ديجتاليزر
https://www.facebook.com/groups/Dgtl...ital.Executive
https://www.facebook.com/groups/Dgtlzr.Seo
https://www.facebook.com/groups/Dgtlzr.Online.Adv
لا متخليش ظنك بربنا انه بيعاقبك ولا حاجه انت لسه فى اول حياتك واعرف ان البلاء موكل بالمنطق يعنى متفضلش مقتنع بحاجه هتحصلك وتركز فيها كبر دماغك وركز فى مستقبلك
الموضوع الخبره والكورسات هى البيضه ولا الفرخه للسوق دايما للمبتدئين
لكن انا بقولك مش هتعرف تروح ورش عمل او تدريب الا وانت فاهم قواعد واسس العلم ده كويس اوى وبعدين تدور على الخبره لان حاجه واحده مش كافيه ولا الكورسات بس ولا الخبره بس لكن تجمع بينهم بشكل مبتكر دايما
التسويق ده علم كبيره يشمل كل شيىء المبيعات - التسويق الالكترونى - البحوث التسويقيه - الترويج والاعلانات والتسعير وحاجات كتير جدا
هل شوفت مرتبات Junior فى اى اداره تسويق فى شركه بيبتدى من كام ؟
هل شوفت طلبات الوظايف فى المواقع الاجنبيه فى الخليج او مواقع التوظيف فى مصر طالبين ايه بالزبط علشان تدرسه وتخلى بالك منه ؟
انا نصحتك بمكانين هما الى فيهم خلاصه التسويق الاكاديميه البحريه والجامعه الامريكيه
دايما مسئول التسويق ده شخص مبتكر وبيفكر عكس الناس تماما فى كل شيىء تقليدى وهو الى بيبدع ويختلق كل شيىء جديد فى السوق بناء على احتياجات الناس ودراسته للشريحه والمناطق الجغرافيه والعوامل السياسيه والقانونيه وكل شيىء حواليه بيكون واعى ليه
وده هتاخده فى التسويق لما تدرسه اسمه تحليل PESTEL وحاجات تانيه اكتر باستفاضه
لو فى اى استفسار انا تحت امرك لحد ماتقف على رجليك وتزبط امورك فى المجال
مش قصدى والله بس فعلا ربنا يعز من يشاء و يذل من يشاء , مؤمن بربنا بس زى ما تقول ثقتى فى نفسى خلاص مبقتش موجودة و حتى اللغة قربت انساها !
مرتبات الjunior marketing specialist كويسة مش وحشة يعنى اعتقد مش هتقل عن 1500 او حتى 1200 بس بغض النظر عن المرتب انا مش باصصله لانى المصروف مكفى ( 23 سنة و لسة اهلى بيدونى مصروف :M_yes[1]: ) و كمان مفيش اى التزامات عليا ولا حتى بشرب سجاير
الفكرة ان مجال الماركتينج مجاله كبير بس برضه ملموم يعنى مثلا بعد 15 سنة شغل و كورسات مش هفكر اتعلم حاجة جديدة و هعتمد فقط على الخبرة
للاسف نفسى اقول للشركة اللى بعمل فيها انترفيو اقبلونى بس و هتلاقونى دراعكوا اليمين ههههههههه
اللى بيحصل ان بعمل انترفيو و ميكلمونيش بعدها او اوصل لتالت انترفيو و برضو محدش يتصل
حاسس انى لا قيمة لى و بصراحة مش هنجح فى السيلز (المتوفر حاليا) و الكول سنتر مش قابلها (جربتها و نجحت فيها بس الأكونت اتقفل )
عايز استفاد بعمرى قبل ما السن يجرى بيا
طالما معندكش مسئوليات ومش وراك التزامات وبتاخد مصروف بيقضيك الحمد لله يبقى تفرغ نفسك للدراسة والتعلم وطالما لغتك كويسة يبقى عليك وعلى الكورسات المجانية اللي بالإنجلش ومنتشرة على الإنترنت وركز في مجال الديجيتال ماركيتينج علشان شغل الأونلاين هو المستقبل دلوقتي وأكثر جدوى وربح من المجالات التانية