هلي يمكن مقارنة لانسر byd l3
رقم العضوية : 164099
تاريخ التسجيل : 18Aug2014
المشاركات : 227
النوع : ذكر
الاقامة : المحلة
السيارة: لانسر٢٠٠٧
السيارة[2]: داتسون١٩٧٦
الحالة :
رقم العضوية : 118508
تاريخ التسجيل : 31Dec2011
المشاركات : 543
النوع : ذكر
الاقامة : القاهرة
السيارة: الحمد لله
السيارة[2]: Toktok hatchback
دراجة بخارية: لا
الحالة :
بص أنا عاشق للانسر و بالأخص الكريستالة, و كنت ناوى أجيبها بس الحالة اللى فى السوق تعبانة
قولت أشوف byd f3 واحد زميلى فى الشغل معاه واحده و بيشكر فيها أوى و بيقول قطع غيارها بسعر قطع غيار الشاهين مع مكنة لانسر و عفشة كورولا و سعر أقل و موديل أعلى لإنها صينى
الكلام لحد الآن مشجع
لحد مسألت بالصدفة أحد الإخوة المحترمين معاه لانسر بومه, ربنا يبارك له فيها
قالى هتشترى صينى بسعر الصينى و تغير قطع غيار يابانى بسعر اليابانى (يعنى العفشة مثلاً بتتغير بسعر الكورولا يابانى مش الـ بى واى دى الصينى, و المكنه نفس الكلام) و فى الآخر تيجى تبيع تبيع بسعر الصينى حتى لو كل مسمار فيها يابانى من توكيل ميتسوبيشى و تويوتا.
العربية سمعتها حلوة جداً بس دى النقطة اللى خلتنى أبعد عنها مش أكتر.
رقم العضوية : 170409
تاريخ التسجيل : 08Jan2015
المشاركات : 258
النوع : ذكر
الاقامة : القاهرة
السيارة: فيرنا 2012 at
السيارة[2]: تويوتا كورولا عيون
الحالة :
اه ممكن انا هقولك المختصر المفيد . نظريا l3 احسن مليون مرة . لكن عمليا الوضع مختلف . L3 عربية صيني بس دي مش مشكلة كبيرة المشكلة في التقفيل المصري . لانسر عربية مكونات يباني و تقفيل يباني . فرق السما من العمي . لكن لانسر عربية عقيمة بدون كماليات بدون عناصر امان بدون رفاهيه . في المقابل عناصر امان قويه جدا في l3 و رفاهيه مش موجودة الا في عربيات اعلي من 400 الف وكماليات رائعة جدا . بس في النهايه اعتمادية l3 قليلة و عربية هيبقي اكيد فيها مشاكل دائمه لان كل قطعة فيها عمرها قصير ولان تقفيلها مصري ومكونتها صيني ممكن يكون فيها حاجات مش مضبوطة صح . كمان لو سبت التوكيل هتكره العربية و هتقرفك جامد . الخلاصة كل عربية بتمنها و العربيتين في فرق كبير جدا في تمنهم
رقم العضوية : 46389
تاريخ التسجيل : 07Sep2009
المشاركات : 121
النوع : ذكر
الاقامة : 6أكتوبر - الشيخ زايد
السيارة: وان - توينتي -آيت
السيارة[2]: بي وايد - إف3
دراجة بخارية: نوب
الحالة :
المقارنة مش في محلها..
الياباني عموماً والميتسوبيشي خصوصاً يعني اعتمادية مع شوية كماليات.
الصيني عموماً يعني بحر كماليات، والبي واي دي خصوصاً يعني تكنولوجيا، والـ f3, l3 يعني إعتمادية.. لأن الهيكل والبناء والتعليق وكل حاجة فيهما واحد الفرق في الشكل وشوية أوبشن لصالح l3. والعربية متجربة حتى النخاع في التاكسي من 2006 ومعظم سواقين التاكسي بيشكروا فيها ودول اكتر ناس بتهلك عربيات.
ملحوظة: الموتور اللي فيهما الآن هو موتور byd بتكنولوجيا هوندا؛ غير الموتور بتاع موديلات ما قبل 2014 كان تكنولوجيا ميتسوبيشي.. هو لسة بيتجرب لكن الناس بيشكروا فيه حتى الآن (داخل في سنة على الطريق).. العيب الجوهري حتى الآن للأسف هو التوكيل؛ وتقدر تاخد جولة في موضوعات القسم من القديم للحديث للتعرف على أداء التوكيل من خلال تجارب ملاك السيارة.
رقم العضوية : 157318
تاريخ التسجيل : 13Mar2014
المشاركات : 2,257
النوع : ذكر
الاقامة : Stuttgart-Hamburg
السيارة: E63 AMG / Audi R8 / Audi A6
السيارة[2]: peugeot 508 2015 Highline
دراجة بخارية: Honda NC700X
الحالة :
فرق الاعتمادية لصالح اللانسر و داياموند موتورز ممتاز و بالنسبة للbyd فرق الكماليات في صالحها و اعتماديتها مش وحشة و لكن بتخسر جامد في سعر إعادة البيع :)
المفضلات