**كاسيت الفلوانس فيس ليفت و تظبيط الفلاش ميمورى**

لو كنت من مستخدمى الفلاشات زى حالاتى على كاسيت الفلوانس فيس ليفت
و حاطط عليها الاف الأغانى زى حالاتى برده
و مستخدملك بتاع ٣~٤ جيجا كده و شكلك كمان ناوى تزود عن كده
و الكاسيت بيقرا بعض الأغانى و بعضهم لأ .... مع انك متأكد ان الأغانى دى موجودة على الفلاشة و شايفها بنفسك على الكمبيوتر بس الكاسيت مش شايفهم مع انهم برده mp3 و بنفس ال bitrate

** اليك الحل السحرى بعد عدة تجارب:
- الفلاشة بتبقى متفرمتة بنظام FAT و بتبقى متقسمة داخلياً لأقسام و القسم ليه حد أقصى و بعده الكاسيت مش هيشوف الأغانى
- مترميش الأغانى كلها على ال root
- اعمل فيلات files و قسم الالف اغنية بتوعك على الفيلات دى بحيث لا يزيد سعة الفايل الواحد عن 350MB فى المتوسط كحد أقصى
- طول ما انت بتعمل فيلات و بتقسم عليها الأغانى هتلاقى الفلاشات بكل الأحجام و الماركات و السعات شغالة زى الحلاوة

مثال:
عندك الف اغنية من ١ الى ١٠٠٠
- اعمل اول فايل و سمية A
- حط اول ٥٠ اغنية (٥٠ اغنية Xمتوسط الأغنية 5MB) فى الملف A
- اعمل ملف تانى و سمية AA
و حط ال ٥٠ أغنية التاليين
و هكذا إلى ان تنتهى من كل الأغانى
ميزة تسمية الملفات A ثم AA و هكذا ان الأغانى هتلعب ورا بعض و لا كأنك مقسمهم
ممكن تنشأ ملفات بأى أسامى لو مش عايز تشغيل متصل زى : أغانى عربى....أغانى أجنبية....و هكذا

أرجو أن يكون الموضوع مفيد و تحت أمركم فى أى إستفسار

تحياتى

شكراً على الشرح

هانى باشا .. بعد التحية والسلام
الفلاشة عندى لا 3 جيجا ولا 4 جيجا .. الفلاشة سعتها 16 جيجا
الــ ver.1 حوالى 24 فولدر حجمهم يزيد عن 8 جيجا ، وجارى العمل بالـ ver.2 ليصل حجم الملفات بها إلى حوالى 11 جيجا منهم فولدر واحد حجمه حوالى 3 جيجا يحتوى على مابين 500 : 600 فايل ومافيش أى مشاكل فى تشغيلها وقراءة كل الفايلات .
طبعا فى أول الأمر لاحظت أن عدد كبير من الفايلات لا يتم قراءتها .. وبعد بحث وتجارب وجدت المشكلة فى وجود بيانات باللغة العربية فى إسم الفايل .. غيرت إسم الفايل من العربى إلى الإنجليزى ولكن المشكلة فى بعض الفايلات مازالت موجودة .
إكتشفت أخيراً سبب المشكلة وتم علاجها بنسبة 100% (ولكن بعد تعب وتفرغ ويك إند)
من file properties إفتح details tab لو وجدت أى حرف باللغة العربية فى أى من بيانات الفايل إمسحه أو إكتبه بالإنجليزية .. وإدعيلى
http://img673.imageshack.us/img673/3742/2nugnS.png

وتقبل تحياتى ،،،

يا جماعه هو مش ممكن الكاسيت يقرا عربى فى التراكات او الاسماء ا؟الاستاذ هاني بيقول ممكن تسمى الفةيلات اغانى عربى او اجنبي

اقتباس:

---

المشاركة الأصلية كتبت بواسطة heeshooheeshoo

هانى باشا .. بعد التحية والسلام
الفلاشة عندى لا 3 جيجا ولا 4 جيجا .. الفلاشة سعتها 16 جيجا
الــ ver.1 حوالى 24 فولدر حجمهم يزيد عن 8 جيجا ، وجارى العمل بالـ ver.2 ليصل حجم الملفات بها إلى حوالى 11 جيجا منهم فولدر واحد حجمه حوالى 3 جيجا يحتوى على مابين 500 : 600 فايل ومافيش أى مشاكل فى تشغيلها وقراءة كل الفايلات .
طبعا فى أول الأمر لاحظت أن عدد كبير من الفايلات لا يتم قراءتها .. وبعد بحث وتجارب وجدت المشكلة فى وجود بيانات باللغة العربية فى إسم الفايل .. غيرت إسم الفايل من العربى إلى الإنجليزى ولكن المشكلة فى بعض الفايلات مازالت موجودة .
إكتشفت أخيراً سبب المشكلة وتم علاجها بنسبة 100% (ولكن بعد تعب وتفرغ ويك إند)
من file properties إفتح details tab لو وجدت أى حرف باللغة العربية فى أى من بيانات الفايل إمسحه أو إكتبه بالإنجليزية .. وإدعيلى
http://img673.imageshack.us/img673/3742/2nugns.png

وتقبل تحياتى ،،،

---

هشام باشا،
حضرتك شكلك سميع على مستوى عالمى، ايه كمية الروائع اللى فى الصورة اللى حضرتك رافعها دى؟ دى درر و لألىء لا تقدر بثمن
تحياتى على الذوق الراقى

اقتباس:

---

المشاركة الأصلية كتبت بواسطة rumish

يا جماعه هو مش ممكن الكاسيت يقرا عربى فى التراكات او الاسماء ا؟الاستاذ هاني بيقول ممكن تسمى الفةيلات اغانى عربى او اجنبي

---

للأمانة أنا مجربتش أغانى أسمائها بالعربى او فيلات تكتب بالعربى قبل كده
أنا كنت رامى كمية أغانى كبيرة ورا بعض كلها بالأنجليزى على ال root على طول و عملت كل المحاولات علشان تظبط و مظبتتش غير لما قسمت الأغانى الكتير على فيلات
بس واضح ان الفيلات اللى بالعربى فيه بعض منها ما بيظهرش كما ذكر المحترم هشام بيه

تحياتى

حضرتك انا عندى الكاسيت مش بيقرا اى حرف عربى بس بعض لتراكات العربى بتشتغل من غير ما يظهر اسم و التراكات اللى بالانجليزى بتظهر تمام
ياريت لو فى طريقه تظهر الاسماء العربى حتى لو فى التليفون بس لان صعب احول كل الاسماء انجليزى
و ياريت لو فى طريقه لتفعيل الاوك فى تحكم الدريكسيون
جزاكم الله خيرا لافاداتكم و عذرا على الاطاله

اقتباس:

---

المشاركة الأصلية كتبت بواسطة rumish

يا جماعه هو مش ممكن الكاسيت يقرا عربى فى التراكات او الاسماء ا؟الاستاذ هاني بيقول ممكن تسمى الفةيلات اغانى عربى او اجنبي

---

كاسيت الفلوانس لايفقه اللغة العربية إطلاقا ولابد من خلو الـ file properties من أى حرف عربى

اقتباس:

---

المشاركة الأصلية كتبت بواسطة Hany Saad

هشام باشا،
حضرتك شكلك سميع على مستوى عالمى، ايه كمية الروائع اللى فى الصورة اللى حضرتك رافعها دى؟ دى درر و لألىء لا تقدر بثمن
تحياتى على الذوق الراقى

---

هانى باشا .. أشكرك على مجاملتك وذوقك ، وأنا تحت أمرك لو أنت غاوى

ما شاء الله
تسلم ايدكم
رينو كله موضوعات مهمة ومفيدة
الواحد يجيب فلوانس وهو مطمن :)

اقتباس:

---

المشاركة الأصلية كتبت بواسطة hany saad

لو كنت من مستخدمى الفلاشات زى حالاتى على كاسيت الفلوانس فيس ليفت
و حاطط عليها الاف الأغانى زى حالاتى برده
و مستخدملك بتاع ٣~٤ جيجا كده و شكلك كمان ناوى تزود عن كده
و الكاسيت بيقرا بعض الأغانى و بعضهم لأ .... مع انك متأكد ان الأغانى دى موجودة على الفلاشة و شايفها بنفسك على الكمبيوتر بس الكاسيت مش شايفهم مع انهم برده mp3 و بنفس ال bitrate

** اليك الحل السحرى بعد عدة تجارب:
- الفلاشة بتبقى متفرمتة بنظام fat و بتبقى متقسمة داخلياً لأقسام و القسم ليه حد أقصى و بعده الكاسيت مش هيشوف الأغانى
- مترميش الأغانى كلها على ال root
- اعمل فيلات files و قسم الالف اغنية بتوعك على الفيلات دى بحيث لا يزيد سعة الفايل الواحد عن 350mb فى المتوسط كحد أقصى
- طول ما انت بتعمل فيلات و بتقسم عليها الأغانى هتلاقى الفلاشات بكل الأحجام و الماركات و السعات شغالة زى الحلاوة

مثال:
عندك الف اغنية من ١ الى ١٠٠٠
- اعمل اول فايل و سمية a
- حط اول ٥٠ اغنية (٥٠ اغنية xمتوسط الأغنية 5mb) فى الملف a
- اعمل ملف تانى و سمية aa
و حط ال ٥٠ أغنية التاليين
و هكذا إلى ان تنتهى من كل الأغانى
ميزة تسمية الملفات a ثم aa و هكذا ان الأغانى هتلعب ورا بعض و لا كأنك مقسمهم
ممكن تنشأ ملفات بأى أسامى لو مش عايز تشغيل متصل زى : أغانى عربى....أغانى أجنبية....و هكذا

أرجو أن يكون الموضوع مفيد و تحت أمركم فى أى إستفسار

تحياتى

---

عملت كل الي فات لكن مش عاوزة تظبط معايا .
الفلاشه عندي 32 جيجا ز فولدر العربي 3.83 جيجا و القران 2.61 جيجا و الغربي 1.54 جيجا
الأغاني بتتعاد كتير جدا أكتر من مره و في أغاني مش بسمعها إلا كل سنه مرة .
ملحوظه :
كل التراكات مكتوبه أنجليزي .

السلام عليكم ورحمة الله
تحية طيبة لكل الاعضاء الكرام
انا عندى استفسار بخصوص كاسيت الفلوانس هل الكاسيت فيه خاصية اختيار الفلدر المطلوب تشغيلة ذى الكيا مثلا ودا طبعا من على الفلاشة انا حاولت تقسيم الفلاشة حتى اتمكن من اختيار الفلدر ولم اجد طريقة لذلك
رجاء الافادة حول هذا الموضوع.
وشكرا

اقتباس:

---

المشاركة الأصلية كتبت بواسطة mada_hero

السلام عليكم ورحمة الله
تحية طيبة لكل الاعضاء الكرام
انا عندى استفسار بخصوص كاسيت الفلوانس هل الكاسيت فيه خاصية اختيار الفلدر المطلوب تشغيلة ذى الكيا مثلا ودا طبعا من على الفلاشة انا حاولت تقسيم الفلاشة حتى اتمكن من اختيار الفلدر ولم اجد طريقة لذلك
رجاء الافادة حول هذا الموضوع.
وشكرا

---

ايوة فيه الخاصية دي عن طريق لف البكرة الكبيرة يمين او شمال لتغيير الاغنية في نفس الفولدر
ثم تدوس على زرار الرجوع هيرجع للفولدرات كلها و تختار الفولدر عن طريق لف البكرة
بس اول خطوة لازم تلف البكرة عشان الكاسيت يفهم انك عايز تغير الاغنية و بعد كده ترجع للفولدرات

الف شكر ياباشا على سرعة الرد
هجرب الطريقة دى وانشاء الله تنجح

للأسف.....
عملت كل الكلام اللي مكتوب هنا و مفيش فايدة

فلاشة 16 جيجا عليها 20 فايل mp3 . مرة على الرووت و مرة في فولدر. الملفات كلها انجليزي و الخصائص بتاعتها انجليزي.

جربت فورمات مرة fat32 و مرة ntfs

و النتيجة واحدة usb error

انا زعلان

تعديل على ردي السابق. جربت اغاني من موقع تاني و حطيتها في فولدرات الفلاشة اشتغلت تمام. الموقع اللي اغانية ماكانتش شغالة هو سمعنا رغم اني حاولت اغير في اسامي الاغاني و ااخصائص لكن اصرت انها ما تشتغلش. . و لما نزلت نفس الاغاني من نجومي اشتغلت بدون اي تعديل.

ملاحظة عن فورمات الفلاشة. الكاسيت قرا الفلاشة و هو على نظامي fat و fat32 اما نظام ntfs اداني رسالة usb error اول مادخلت الفلاشة.

اخر حاجة انا استخدمت في تجاربي فلاشتين واحدة 2 جيجا و التانية 16 جيجا و شغالين حاليا تمام

حد له شوق نجرب حاجة مع بعض؟؟