انا جددت العفشة بالكامل ودلوقتي عايز اوطي العربية ؟
السلام عليكم ورحمه الله وبركاته
قررت اغير العفشة كلها لي انها كنت مدمرة
المهم اشتريت 4 مساعدينGm اصلي
و2 بطاحة Gmاصلي
وغيرت 2 بار ميزان و2 طرف جلبة دريكسيون ctr
وغيرت الجنوط الحديد وحطيط جنوط اسبور اندونيسي وغيرت الكوتش بمركة اسمها وندي اندونيس بس ممتازة جدآ وبنصح الناس تجربها كوتش طري جدآ متماسك جدآ في الفرامل
وجربتها ساعت المطر الله اكبر عليها المهم انا حطط المقاس مظبوط 15-195×55
بس في حاجة حاسس ان العربية معومة وفي الاول كنت شاكك ان الجنط خفيف وهو السبب وبعدين عرفت ان الجنط كل مايكون خفيف بيكون جيد للعفشة المهم الي لحظتة بعد تغير العفشة ان العربية عاليت وانا مكنتش حطط عاليات لي ان مابين الكوتش والداير تداخل 4 صوابع مفتوحين فا كدة حاسس انها عالية اوي ودة سبب خفافنها بعد تغير العفشة فا كنت عايز اعرف ايه السوست الي تنفع تركب علي الاوبترا وتكون اوطي من سوست الاوبترا بحدود عقلة او 2 وتكون سوست نشفة سيكة ؟
