اخوتي الكرام
عايز اعرف هو فيه فرق بين الشيروكي ٢٠١١ و ٢٠١٢
لو الاتنين lx
عشان سمعت ان ال ٢٠١٢ نازله بموتور جديد
و لو الفرق بينهم حوالي ٣٠٠٠٠ جنيه
هل الموتور الجديد يستاهل الفرق ده ولا مش فارقه ؟
عرض للطباعة
اخوتي الكرام
عايز اعرف هو فيه فرق بين الشيروكي ٢٠١١ و ٢٠١٢
لو الاتنين lx
عشان سمعت ان ال ٢٠١٢ نازله بموتور جديد
و لو الفرق بينهم حوالي ٣٠٠٠٠ جنيه
هل الموتور الجديد يستاهل الفرق ده ولا مش فارقه ؟
الاتنين زى بعض والموتور هو هو - الموتور اللى اتغير فى ٢٠١٢ هو موتور الرانجلر
هو نفسو كما وضحلك المهندس احمد
معلش و الله
انا عارف اني حيرتكوا معايا. و سألت عن عربيات كتير. بس عايز اقرر و اخلص. سؤال ربنا يسهل و يكون الاخير
واحد بيحذرني ان لما اسعار البنزين حتزيد تاني. بيقولوا ممكن في شهر ٧. ان العربيات دي اللي مواتيرها كبيره و ٦ سلندر حتخسر كل فلوسها.
تفتكروا منطقي الكلام ده ولا اتجاهله ؟؟
من العجيب ان العربيات ال6 وال8 سلندر سعرها رفع بعد غلاء البنزين مش فاهم العلاقه وكل وقصة عربيات تخسر سعرها فمصر مش هيحصل ونوعية مشتري الجيب والبي ام والمرسيدس لا علاقه لهم بالقصه دى الكلام ده من وجهة نظر محدودي الدخل ودول مبيشتروش فوق اا1600 من البدايه
معلش يا جماعه استحملوني.
اخر سؤال بمشيئه ربنا
لو لقيت واحده كويسه جدا ٢٠١١ و عداد قليل جدا ٣٠٠٠٠
فابريكه فابريكه
بس limited مش lx
ممكن اعرف ايه الفروق بين الاتنين. و ممكن اركب الحاجات دي بره ولا لأ
شكرا مقدما
اسمحلى اختلف مع حضرتك فى هذه النقطة ....
العربيات كلها غليت ... زى ما كل حاجة غليت ... بما فيهم العربيات ال 6 سلندر و ال 8 سلندر .... و لكن
ارتفاع سعر البنزين اول من يتأثر بيه اصحاب المحركات الكبيرة .... و لاحظ حضرتك .. هنا فى المنتدى ... كام واحد كان بيسأل على عربيات دفع رباعى و تكون موفرة فى البنزين !!!!! و لا يفكر اطلاقا فى المحركات الكبيرة
و اتفق مع حضرتك ... ان ملاك السيارات ذات المحركات الكبيرة الحديثة .. مش هيهمهم اوى زيادة سعر البنزين فى الوقت الحالى و طالما العربيات لا تزال حديثة ... و لكن بعد فترة مش طويلة .. اسعار العربيات دى بينزل بسرعة نتيجة ان مصاريف تشغيلها مرتفعة
والله ياهندسة كلامك منطقى جداً بس مصر هى اللى مش منطقية :36_1_31:
المفروض لما البنزين غلى قلت العربيات دى حاترخص جامد - اللى حصل فى مصر ان اسعارها زادت زيادة غريبة !!!! لأ والمصيبة بتتباع غالية برضه ومطلوبة - فيه ناس بتبقى عاوزين يشتروا مثلاً بى ام جديدة وبعدين يقروا شوية ويسمعوا شوية عنها يلاقوا مصايب ساعات بتحصل علشان البنزين الجميل بتاعنا فيقولوا الزيادة فى البنزين الـ ٩٢ مع استهلاك الجيب اوفر كتير من البنزين الـ ٩٥ فى البى ام -لأ وكمان عامل مشاكل - واحد اعرفه كان رايح خلاص بيخلص فى مرسيديدس او بى ام مش فاكر لقاهم محضرين اقرار على المشترى بخصوص البنزين من ضمن اوراق العربية وبيحتفظوا بالإقرار ده معاهم علشان مايشتكيش لو حصل مشكلة - والأحلى من كده انهم محللين عينة فى معامل دولية لبنزين ٩٥ بيثبتوا بيه انه مش ٩٥ تقريبا طلع ٩٢ فرجع فى البيعه ومرضاش يمضى واشترى الجراند الجديدة !!!!
انا مش مستغرب موضوع البنزين ال 95 ده .... الغش وصل لكل حاجة ...
و قصة المرسيدس كانت صادمة للجميع ... و خاصة ان البنزين ال 95 ب 5 جنيه و قالوا انهم بكدة شالوا الدعم من عليه .. يعنى منتج مش مدعم .... امال البنزين المدعم ... عاملين فيه ايه ؟!!!
لنا الله
طب اللي نفسه في جر رباعي اقتصادي ليه ميشتريش نيسان اكستريل ولا تيوتا راف فور ولا هوندا سي ار في او حتي تكسون او جريت وول
مصر يا بلد العجايب
كلام حضرتك مظبوط .... و لكن للأسف ... الناس الى بتركب عربيات اقتصادية مش بيهمها الدفع الرباعى او كبر حجم العربية ... فعند زيادة سعر البنزين .... الناس حتبيع عربياتها ال 2000 سى سى و تدور على عربيات 1000 سى سى ... و نبدأ نبص على العربيات ال 1600 على انها عربيات مش اقتصادية !!!!!!!!
الغاوى دفع رباعى و معاه فلوس .. جزء كبير منهم مش حيهمهم زيادة اسعار البنزين
و فعلا ... مصر بلد العجايب
والله تحس الدنيا ماشيه بالشقلوب يا باشمهندس ,الناس هتجنن ع الجيب بس قلقاننين من 6,8 سللندر واسستهلاك البنزين , مالها الفيتارا عليها كرونة مرتين قد الجيب وبتمشي في البحر ورباعي, خلاص يجيب ياباني كروس اوفر ويلزق كام لوجو جيب وكلو ينبسط ,,يا شركة كريزلر تحنن قلبها وتنزل جيب اقتصادي لمصر هههههههه ,الهرتلة الحل الوحيد للعجايب
كلام حضرتك مظبوط
الفكر الامريكى يعتمد على البساطة و عدم التعقيد ... بس البساطة بتاعتهم غير البساطة بتاعتنا
و نظرا لكبر المساحات و الشوارع فى امريكا ... الطبيعى جدا انهم يعملوا عربيات كبيرة الحجم ... و لما تعمل عربية حجمها كبير ... لازم تحط عليها محرك كبير ... علشان يقدر يقوم العربية و يحركها
الجيب ليها تاريخ طويل و انتشارها من الحرب العالمية الثانية .. و كانت و لا تزال رمز لعربيات الدفع الرباعى
اليابانى رائع فى العربيات ... و ليهم طابعهم المميز فى عربيات الدفع الرباعى .... و تعتبر التيريوس و الفيتارا اكبر مثال على هذا الطابع ... و انا انصح بيهم اى حد بيدور على عربية دفع رباعى متوسطة الحجم
خلاص. لسه راجع دلوقتي
اتفقت علي عربيه بس موديل ٢٠١٠
لقيت حالتها احسن بكتير من ٢٠١١ و ٢٠١٢ اللي شفتهم
و ارتاحت ليها نفسيا
بكره حقوم بدري اكشف عليها في عز العرب ابو رواش
دعواتكم
ربنا يوفقك للى فيه الخير .. مبروك مقدما
الحمد لله.
سلمت العربيه الصبح و رايح عز العرب ابو رواش اشوف التقرير
بس كلمت التوكيل في التليفون قالولي العربيه تمام و فابريكه
يا ريت حد يرد عليا بسرعه ايه الاحسن
اسيب اغلب المبلغ مع صاحب المعرض و اخد العربيه
ولا احتياطي استني و هو بيسجلهالي الاسبوع الجاي استلمها و ادفعله
انا عندي وجهة نظر بما ان معايا اكس تريل طبعآ هي اقتصاديه بالنسبه للحجم والامكانيات يعنى بتعمل 170 فى الصفيحه وفى الطوالى بتعدى ال200 وعاليه وعفشه ممتازه ودفع رباعى كامل اوتو ولوك بتحكم منفصل واعتمادية اليابانى لا سخونه ولا غيرو ورمل عادي مستحيل تغرز بس بالفعل كل حاجه ولها حدود يعني تحميل اوزان فوق الطن واراضى صخريه الخ الجيب تكسب بس الجيب مش بنفس قدر الاعتماديه واستهلاكها بالفعل عالى بنزين وقطع غيار مقارنه بالنيسان بس النظريه عشان الاقى اعتمادية الجيب اليابانى وقوة الامريكانى هتتكلب من برادو وانت طالع يعنى من 800 الف جنيه لفوق المليون فوفر فلوسك واشتري اكس تريل وشيروكي موديل 2000 او اواخر تسعينات واطحن الشروكي فى الشغل والنيسان للركوب العادي ولو انت مش بتاع صحرا ولا عمل يستدعي متشتريش جيب ولو انت اخرك مشاوير بسيطه وبتعمل كيلو متر قليل اشتري جيب عارف معادله صعبه:M_yes[1]:
الف مبروك وربنا يباركلك فيها ويكفيك شرها وشر الحسد
لو دفعت الفلوس يبقى لازم يسجللك او يعملك توكيل بالبيع لنفسك علشان تسجل لنفسك - واحتياطى تخليك عارف رقم العربية علشان ميبدلهاش طالما من معرض - المعارض دى مشكلة اوعى تمضيلهم على اى ورقة ولا عقد ابتدائى ولاعفريت - ادفع واستلم عقد مسجل او توكيل بالبيع مع شهادة مخالفات جديدة
انا خلصت الكشف و العربيه تمام. بس طبعا ماكنش فيه وقت نخلص اجراءات
اتفقنا يوم السبت ان شاء الله نخلص.
هي العربيه معمولها توكيل من صاحبتها لصاحب المعرض و رخصتها تخلص يوم ٨ مارس
عشان كده اتفقت معاه نتقابل السبت في المرور و نعمل شهاده المخالفات و الشهر العقاري هناك نعمل عقد بيع علي طول.
هو كان عايزني افوت عليه الصبح في المعرض اسلمه الفلوس هناك و نطلع علي مرور الدراسه نخلص الاجراءات.
بس بصراحه و خاصه اني اتسرقت قريب في مبلغ كبير بقيت شاكك في نفسي
فحكلمه السبت اقوله نتقابل هناك علي طول في المرور و الفلوس معايا و نخلص و يستلم فلوسه هناك
متهيألي لو عملنا شهاده المخالفات و عقد البيع قدامي يبقي كده اطمنت ان كل الورق سليم. صح ؟؟
و العربيه موديل ٢٠١٠ فيراني فابريكه بالكامل. عملت كشف كامل في عز العرب. الحمد لله سليمه تماما.
عامله ٦٦٠٠٠ كم. خلصت علي ٢٤٧٠٠٠
ةان شاء الله اكتب عنها لما اجربها
تمام كده وألف مبروك بس إعمل حسابك فى حوالى من ٧٢٥٠ الى ٨٠٠٠ جنية رسوم تسجيل (لأنى ليه معرفش الرسوم السنة دى كام) وكمان حوالى من ٢٥٠٠ الى ٣٠٠٠ جنيه رسوم الرخصة فى السنة وحوالى ٢٦٠ جنية تأمين .
ان شاء الله
تسلم يا باشا
الحمد لله.
رخصت و نقلت المرور
دفعت عقد بيع ٧٦٠٠
و ضريبة سنه مرور ٣٣٠٠ تقريبا غير التأمين.
سؤال مهم.
عايز النهارده اروح اركب اكصدام و عتبتين.
ممكن عنوان حد كويس اروحله بليل. و هل تركيب الحاجات دي بيخرم في شاسيه او بيعمل اي حاجه تأثر علي اساس العربيه ؟
ربنا يباركلك فيها و يديك خيرها ....
فيه ناس فى شارع شمبليون عندهم اكصدامات و عتب نيكل و شكله حلو ...
و شفت ناس مركبة اكصدامات و عتب جديد ... بس ده بيتعملعمولة عند جدادين متخصصين فى شغل الحديد
و انا رايى زى راى الباشمهندس احمد .... ال شيروكى شكلها حلو من غير اكصدامات و بروز ... الرانجلر الى ينفع معاها اى اضافات .. و شكلها فى الاخر بيطلع حلو
الف مبروك
الف مبروك وانا لي تحفظ علي الكلام اللي بيركب كلو قلة قيمه للعربيه وبيركبو فى اماكن تضر العربيه وتكسرها فى الخبطات يعنى يا ما شفت دعامات اماميه بوظت وش العربيه مع ان الحادث مش مستاهل فنصيحه ركب ورا القاطره الاصليه بتاعت الجيب فقد ودي لها اماكنها وبتحمى العربيه من ورا من الترييح بتاع الناس وفي عتب اصلى برضو لها غير كده منظر مش اللي هوه غير لو دعامه اماميه اصلي وهيقرفوك مخالفات اصلهم يايبيين الالترامكو والنص نقل يكس لنا فعربيتنا وبيستسهلو يلمو فلوس مننا فى الخيابه دى
انا كنت ناوى على العربيه دى بس بعد كلامكم على البنزين و كده رجعت تانى و اتحيرت
انا مش بدخل صحره ولا كلام من ده
بس انا مستخسر ادفع المبلغ ده فى سبورتاج او ix35
لانى لقيت ان اسعار قطع غيارها ارخص من السبورتاج و كمان بتعيش
و لقيت ان متوسط استهلاك البنزين 13 لتر لكل ١٠٠كم و حسيت انه مش يامه لان الاوبترا متوسط استهلاكها 9لتر لكل ١٠٠كيلو فحسيت ان الفرق مش كبير
و بعدين لقيت ان استهلاك البنزين مش خساره فيها و فى موتورها .
انتو رايكم ايه اشوف حاجه 1600 سى سى و لا ايه
بالنسبه للقاشقاى فهى عايزه بنزين 95
و هيتبقى السبورتاج و الهيونداى هما ليهم سوق عالى جدا و قطع غيار متوفره بس فى ناس قالولى فراملهم فى الكنافه و كمان الخامات مش حلوه اوى و الصراحه مش لاقى حد يشجعنى ليهم
و طبعا اكتر عربيه الناس شجعتنى ليها كانت السوبارو xv لكن بيقولو ان حجم الشنطه صغير و طبعا قطع الغيار و اعادة البيع ضعيفه
و بالنسبه للجيب انا مش عارف لسه العربيه دى اكبر من احتياجاتى و ممكن اضحى بالبنزين و قطع الغيار و الضرايب و لا لا
متضحيش عشان عربيه جيب احتياجك