تقرير عن صيانه 20000 في العبور
يوم الجمعه رحت مركز العبور علشان اعمل صيانه 20000 الف للعربيه ودي اخر صيانه ليا في ضمان العربيه علشان عديت3 سنين علي شراء العربيه اخدت رقم الحجز وقعدت مع موظف الاستقبال وتم الاتفاق علي الصيانه وكنت بشتكي من صوت تحت الزجاج الخلفي عند المرور علي مفارق الكباري زي مايكون صوت بلاستك بيخبط في بعضه وقالي انا هكتبه في الاوردر وتم الاتفاق علي اجراء الصيانه ببنود كالتالي 340 مصنعيه فلتر هواء 100 فلتر بنزين 220 البوجيهات مجانا مع فلتر الزيت زيت شل هليكس 5w30 بخاصيه بيور بلس 300 جنيه مع طبعا ضريبه المبيعات و 25 جنيه مش عارف تحت بند ايه 6 جنيه ورده يعني في الاخر انا دفعت 1090 جنيه بلتمام وكان عايز يخليني اغير سير مجموعه ب300 جنيه بس انا قلته بعدين علشان انا بصراحه مكنش معايا اي فلوس زياده االمهم العربيه دخلت مركز الصيانه وتم تغير الفلاتر والبوجيهات والزيت مخدتش وقت منهم الا فلتر البنزين مش عارفين يغيروه اتجمع حوالي 4 عمال وكل واحد بكلمه مش عارفين يشيلوا الفلتر القديم من مكانه علشان يحطوا الجديد لحد ماو احد عرف يفكه ويركب الجديد مكانه وبعد كدا غسلوا الموتور ورجلشوا فرامل اليد وتربيط عفشه وبعد كدا غسلوا العربيه من الخارج واستلمتها بعد حوالي ساعتين العربيه بعد الصيانه فعلا فرقت كتير السحب تمام والعربيه فعلا عايزه كل فتره تربط عفشه تحس العربيه مسكت نفسها بعد التربيط معدل الاستهلاك قل بصوره ملحوظه يعني انا جاي من العبور لبنها بمعدل استهلاك 5.4 ودا زي ما كنت شاري العربيه جديده كان معدلها كدا الانطباع حلو في التوكيل بس اسعار المصنعيه نار هي وضريبه المبيعات بس كل التوكيلات نار الحمد لله علي كدا وانشاء الله اشوف مركز كويس اتابع معاه الصيانات بعد كدا وشكرا
