الجنب اليمين اعلى من الجنب الشمال في الفيرنا

**aelassal** · 22-02-2015 12:32 PM

ارجو الافادة . معايا فيرنا 2013 طلعت ع رصيف على سرعة عالة كسرتلى عفشة الجنب الشمال كله غيرت كل حاجة بس جبت حاجات استعمال الخارج المهم العفشة كويسة ومفيش حدف والمطبات معقولة بس مكانتش بتحك فاى مطب دلوقت بقت بتحك من الجنب اللى اتغير بعد الخبطة المهم لاحظت ان الجنب اللى اتغير اوطى من الجنب السليم شوية /
انا عايز اعرف اية السبب هل قطع الغيار اللى هي استعمال الخارج مقاساتها اقل من اللى كان راكب فالعربية ولا المشكلة فين؟؟؟
واية الحل فرايكم

**ahmedfouad** · 22-02-2015 01:42 PM

انت كدة محتاج تكشف على الشاسيه ..
فى متخصصين شاسيهات بيكشفت على الشاسيه بالكمبيوتر (مراجعة الابعاد)
ممكن يكون الشاسيه اتفدغ من الخبطة
والجنب اللى اتخبط رفع لفوق شوية مع طلعة الرصيف .. فوطى العربية معاك
لما فردة الشاسيه تترفع لفوق عن التانية العربية هتزل من الجنب اللى اترفع

**Mecha** · 22-02-2015 02:43 PM

او الميزان معووج

**eng.m7md.ali** · 22-02-2015 03:45 PM

ممكن يكون الجنب السليم فيه علاية او ان العربية بتنزل بعلايات وعشان كدة لما ركبت الاستيراد مكانش فيها علاية والجنب التاني فيه ... راجع عالموضوع ده وان شاء الله يطلع كدة

**aelassal** · 22-02-2015 04:36 PM

طب انا قريت في موضوع ان سوست العربيات لحد2009 5 حلقات واللى بعد كدة 6 حلقات ممكن يكون دة السبب؟؟؟
في سؤال تاني هي كل المساعدين لكل الموديلات بتاعة الفيرنا نفس الشكل والطول يعني هية هية؟؟؟
وموضوع الشاسية دة حضرتك قلقتنى كدة ؟ وكنت عايز اقول لحضرتك ان العربية متخدشتش من موضوع الرصيف كصاج يعني هو كل الموضوع جة فالمقصات والمساعدين ممكن بردة يوصل للشاسية ؟