تقرير صيانه 5000 نيسان صنى الشكل الجديد 2015
بالامس سلمت السياره لتوكيل السبع زهراء المعادى الساعه 10 صباحا
لصيانه ال 5000 كم
كنت بشتكى من ان فى صوت قدام شمال مش منتظم (طخبيط - طقطقه) والعربيه وقفه وبيروح اول مبزود بنزين
للاسف الصوت مظهرش وانا بسلم المهندس العربيه
كنت بشتكى من الباب الامامى شمال, فيه عضه وانا بقفل الباب فكنت لازم ارزعه عشان يقفل
المهندس قلى هتخلص كمان ساعتين
المهندس كلمنى الساعه 2 (يعنى بعد 4 ساعات) وقلى تعالى استلمها
الباب اتصلح, التخبيط معملوش حاجه عشان مظهرش معاهم الصوت دا
التكلفه 120 جنيه
كان معايا كوبون ب 50 جنيه خصم
المدفوع 70 جنيه
اليوم السبع كلمنى بيشوف مدا رضائى على الخدمه بالامس
بلغتهم بتاخر استلام العربيه عن الميعاد اللى اتقال
وان الصوت ظهر تانى وطلبت انهم يشيكو على الصوت فصيانه ال 1000 كم
هبلغكو بتقرير ال10000 قريبا انشاء الله