الموضوع: عايز اعرف مكان وحده رفع الزجاج مع الريموت فيكترا 97

متابع

ع ماع اعتقد ياعنى جنب الباب اليمين والله اعلم
برضوها كنت واقف وشوفته مره عند الكهربائى قالى دة وحده الرفع

على فكره انا قدرت اشغل وحده الرفع ودى الطريقه للى مهتم يعملها

1 فى الدواسه اليمين من تحت هتلاقى جهاز السنتر لوك وداخل عليه فيشتين كبار

2 هتلاقى فى الفيشه العريضه سلك لونه (بنى x اسود) ده بتاع الزجاج الكهرباء للاربع ابواب وهتوصله بسلكه

زى الكوبرى بسلكه تانيه لونها (اسود x اصفر) ودى اللى بتقفل السنتر بتاع كل الابواب

3 كده كل حاجه اول ما هاتقفل السنتر بالريموت هتلاقى كل الزجاج اترفع مع بعض

****** بس انا قابلتنى مشكله صغيره بعد ما عملت الحوار ده كله اكتشفت ان لما اجى اقفل الزجاج من الزراير موضوع انه يرفع اوتوماتيك ده اتلغى وحاولت انى ابرمج الزراير تانى ( عن طريق انى اقفل الزجاج و افضل دايس على الزرار لمده) منفعتش


***** فياريت لو حد يقدر يفيدنى فى الخوار ده


غير كده كل حاجه شغاله تمام و بقى عندى وحده رفع من غير ما اشترى اى حاجه

والف شكر للردود كلها

المشاركة الأصلية كتبت بواسطة ayman hamdy

اولا الغى الكبرى اللى انت عامله مع السلك الاسود فى اصفر
ثانيا وصل السلك البنى فى اسود مع البنى فى احمر التخين لان فى اتنين عندك واحد رفيع وواحد تخين بس كدة
وشوف الفيدبو دا هيعرفك طريقة التوصيل
https://www.youtube.com/watch?v=8c6mzjyteoe
تحياتى

الف شكر ليك يا ايمن

الفيديو ده عندى ودى اول حاجه انا جربتها بس منفعش و اللى اكتشفته ان فى فيشه كبيره بتركب ناحيه موتور السنتر فى كل باب

تقريبا 8 او 10 ريشه وعلى فكره الفيشه دى شكلها زى فيشه الفوانيس الاماميه اللى ليها كلبس كبير.

المشكله ان الفيشه دى مقصوصه عندى فى الاربع ابواب و اعتقد ان بسببها موضوع السلك البنى x احمر مانفعش عندى وبصراحه انا مش عارف الفيشه دى بتاعه ايه ولو فكرت انى اجيبها هاضطر اشترى اربع ضفاير للاربع ابواب

وانا النهارده خرجت بالعربيه وجربت السنتر مع وحده الرفع كذا مره بصراحه شغال زى الفل بس موضوع الرفع الاوتوماتيك هو اللى مش شغال

والوضع اللى انا عليه ده لو سليم احتمال اسيبها كده

و اسف على الاطاله