عرض للطباعة
أنا مش من القاهرة واشتغلت ف مدينة نصر وسكنت هناك برضه !
المشكلة اني معرفش أي حاجة ترفيهية ف مدينة نصر وبخلص شغل الساعة ٥ وبعدها بروح وطبعا الواحد بينام بدري ومبيعملش حاجة عدلة بعد الشغل !
ياريت أي حد يعرف حاجة ترفيهية ممكن أروحها بعد الشغل ومتكونش مكلفة أوي يقولنا عليها
أعتقد هلاقي ناس تفيدني كتير ف الموضوع ده ؟
وهل سيتي ستارز فيه حاجة ؟؟
أنا شغلي جنبه !!
أنا بجد نفسي أعرف أكتب إي ف البوست علشان يترد عليه !!
أغلب المواضيع زي ما بكون بسأل فيها نفسي مفيش أي تفاعل من أي حد كده !!
مفيش غير قهاوي… .
ترفيه ازاي يعني ?
فيه ناس غاوية تلف في المولات تتفرج علي المحلات مثلا…
انت غاوي ترفيه تعمل ايه ?
يابني قولتلك استنى لما تروح بلاد العم سام الاول
وبعدين ابقى اتفسح براحتك:36_1_1[1]:
مدينة نصر يعني مطاعم كافيهات مولات الخ
في وسائل ترفيه تانية زي مثلا لو عاوز تلعب بولينغ في السنتر بتاع القوات المسلحة ورا بانوراما أكتوبر
ممكن تلعب كرة أو تنس أو أي حاجة في كذا حتة
ممكن تدرب فروسية في النادي بتاع القوات المسلحة برضو جنب سيتي ستارز
ممكن تروح الجيم
ممكن تلعب بلاي ستاشن إلخ
في حاجات كتير
أيوة أماكن البولينج والبلاي ستيشن والبلياردو والحاجات دي فين بقى ف مدينة نصر ؟؟؟؟؟؟؟؟؟؟؟
الدور الارضي
السراج مول
البولينغ والبلياردو في مركز البولينغ ورا بانوراما أكتوبر في صلاح سالماقتباس:
المشاركة الأصلية كتبت بواسطة mahmoud naguib
البلياردو في السراج مول وفي أماكن تانية برضو
البلاي ستاشن في كل شارع ممكن تلاقي كذا واحد :)
في حاجات كده زي اللي بتطلع ف الأفلام زي فيلم أحلام الفتى الطايش مثلا أو الناظر بيكون فيها كذا حاجة مع بعض زي كافيه وبلياردو وبلايستيشن وألعاب تانية !
حاجة زي كده فين بقى ؟!!
هو انت معندكش اصحاب فى الشغل ؟ كده كده لو هتروح اى مكان لوحدك هتزهق !
مهو المشكلة ان هما بيوتهم موجوده وساكنين أساسا ف القاهرة من زمان فغالبا ميولنا مش هتتأفلم وعلى ما اعمل صحاب هآخد وقت طويل !