نيسان صنى 2016 الشكل الجديد رايكم اية ؟
بسم الله الرحمن الرحيم
وكيل نيسان مصر هل علينا اول امس بخبر لم يلاقى بنفس الاهتمام السابق عن النيسان صنى face lift وقبل معرض اتوماك باسبوعين ولم ينتظر ليفاجأ المصريين بالسيارة خلال فترة المعرض، الملاحظ ان العديد من المواقع الاخبارية كان ليها رايها المسبق فى السيارة( http://www.nilemotors.net/Nile/45357...-faceleft.html ) بما انها توفرت من فترة خاصة دول الخليج قبلنا .. وكان المتوقع مع نزول الصنى ان يكون فى اهتمام اكبر من الحالى نفس الحدث فى 2012 عند ظهور السيارة بتصميم جديد .. السؤال هنا رايكم فى نيسان صنى الاتغير فيها بعض من المواصفات وهل تستاهل الاقتناء بالسعر الجديد علماً ان السيارة هى نفسها القديمة فى كل شىء ماعدا صالون اوسع شكل داخلى وخارجى مختلف وهل لديكم الثقة فى شراء الشكل الجديد بعد المشاكل التى ظهرت ولازال يعانى منها البعض من المالكين ؟ .
http://nileup.com/up/uploads/nilemotors_14246387321.jpg
تجربتي مع نيسان صنى فيس ليفت 2015
انا عن تجربتي مع نيسان صني 2015 فيس ليفت ..
وبكل أمانة سيارة فوق الممتازة ولم اعاني من أي مشاكل فيها لحد الآن وبالنسبة للثبات فهي مثل باقى جميع السيارات الجديدة كلها خفيفة بعد 140 وانا سافرت بيها أكثر من مرة طرق سفر طويلة وتمام ..
بالنسبة للتجميع والعزم مناسب جدا مع قوة الموتور وتشغيل التكييف ومعاك الأسرة .. انا حصل معايا موقف مفاجئ على الدائرى واحد كسر عليا فجأة والحمد لله ربنا ستر وكان رد فعل السيارة بفضل الله فوق الممتاز فى المراوغة والثبات مع الفرامل ( كان اختبار مفاجئ لنظامي abs &ebd ) .. بالنسبة لاستهلاك للبنزين ..ممتاز بتشم بنزين ! بتعمل تقريبا 20 كيلو / اللتر
بس تنكها صغير نسبيا 41 لتر ..
بالنسبة للصاج خفيف شوية وكل الجديد كده لأن ده اتجاه شركات التصنيع علشان موضوع مقاومة الهواء وتوفير البنزين وعزم المحركات يتحول لتسارع ( بقت كلها الومونيوم هيا كمان) .. قطع الغيار متوفرة وأسعارها معقولة وغير مبالغ فيها ..
بالنسبة للجودة ..تكفي انا تحمل اسم الصانع الياباني العريق نيسان ..وهو يحترم بخصوص موقف عيب تيل وطنابير الفرامل اللى بتاكل بسرعة فى موديل 2012 و2013 وتحسب له جرأته فى التعديل وتغيير مجموعة الفرامل بالكامل بدون مقابل ( بعكس مثلا وكيل هيونداى غبور ولا شيفروليه منصور اللى بيلزق الحاجة حتى لو كانت محتاجة فعلا تتغير ! )
تجربتي مع التوكيل فى الصيانة _ السبع اوتو سيرفس المعادي القاهرة .. أشهد انهم ناس محترمين ومهنين للغاية .. عندهم زحمة بس الحل انك تحجز قبل الزيارة عن طريق التليفون أو موقعهم اون لاين .. أول ما رحت تم تخصيص مهندس ليا وسمع مني كل حاجة بالتفصيل واخد المفتاح وطلع معايا وشاف العربية بنفسه واخد المفاتيح وانتظرت تقريبا ساعة ونص لساعتين فى الاستراحة المحترمة جدا وفيها وأي فأي مجاني وكافيه وشاشة بتعرض دور عربيتك وصل لحد فين ..كمان بيوفروا باص مجانا لو عايز تعمل شوبنج فى كارفور