مش عارف هى بشرى ولا لأ سيتم تجميع الألنترا الشكل القديم _2007-2011 فى مصانع غبور وأول انتاج حينزل فى شهر يوليو القادم والسعر تقريبا من 100 -110 ألف جنيه.
عرض للطباعة
مش عارف هى بشرى ولا لأ سيتم تجميع الألنترا الشكل القديم _2007-2011 فى مصانع غبور وأول انتاج حينزل فى شهر يوليو القادم والسعر تقريبا من 100 -110 ألف جنيه.
لو نزلت بالسعر ده وفيها عوامل الامان من absو airbag وكونسول جديد محترم اعتقد انها هاتنافس بقوة وهاتكون حصان اسود جديد لهيونداى
اعتقد انها مش بشرى خير انها هتتقفل هنا
التقفيل المصري سيئ جدا
مثال الهيونداي فيرنا و الجيلي ايميجراند تقفيل غبور هنا
انعدام ضمير وعدم وجود ما يسمي بمراقب جودة المنتج
لكن لو السعر ما بين 100 و 110 الف ممكن تبقي ميزه كويسه لكن اعتقد انها هتكون بدون abs او air bags
الكلام ده صحيح و اكيد ولا لا الالنترا محتاج شغل كتير مش زى الفيرنا فى التقفيل
مش بشرى ساره دى بشرى سيأه؟
يعنى هتبقى فيرنا تانيه
فين مصدر الكلام ده علشان بصراحة عربية كان نفسى جدا اشتريها حتى لو مفيهاش abs ولا ايرباج مش مشكلة ما هى كان في منها فئات كتير بتنزل من غير وسائل أمان وعربية تحفة بصراحة والسيراتو 2015 والشارك الفئات الاولى مفيهاش وسائل الامان دى بس عايزين نعرف او نتأكد من مدى صحة الخبر ده
الكلام صحيح 100% وخط الأنتاج ركب فى المصنع خلاص والشكل الجديد حيفضل استيراد مع غبور
معني كده ان العربيات الالنترا المستعمله سعرها هاينزل جامد :(
nice car
اكيد.هاتكون صيني مش كوري
انا فعلا اعرف واحد شغال فى جى بى غبور اوتو وقالى نفس الكلام
لما سألت طب ايه الحكمه من تجميع شكل قديم وليه ما أجمعش الشكل الجديد؟
كان الرد ان الشركة الأم فى كوريا لم توافق على تجميع الشكل الجديد.لأن شركة هيونداى تعتز جدا بألألنترا والأكسنت لأنهما تعتبران من سبب نجاح الشركة منذ البدايات.
الخبر صحيح غبور أوتو تعتزم طرح هيونداى الانترا الشكل القديم مجددا فى مصر - ايجى فور موتورز - egy4motors و شكلها أن الفيرنا حتوقف
الفيرنا سيقف انتاجها
يعنى الالنترا الشكل القديم هتكون قيرنا تو في مصر اصول يخلوا اسمها verna II ههههههههه
بس ع فكرة :) الخبر ده مصلحة للا ر بى لان حاجاتها نفس النترا الشكل القديم وبالتالى اسعار قطع غيارها هتبقى ببلاش البلاش مع الميزة النسبية للا ربى في الشكل الحديث
بس حاجة غريبة يعنى العربية فى ايام عزها كانت 96 ألف ولما انتهت وقدمت واعاد تجديدها بقت 110 - 115 الف هههههههههههههههههههه
صحيح متقولش ادتنا اه لمصر :)
هل الخبر صحيح ولو صح هيبتدى الانتاج امتى والسعر فى حدود كام
ده اسمه نصب والناس فرحانة وهتروح تشتري عادي ... اعتقد هو ملهوش حق انه يعمل كدة غير بعد موافقة الشركة الام والشركة الام طبعاً استحالة توافق علي حاجة زي ده عشان ده هيأثر علي مبيعات الالنترا الشكل الجديد
يعنى الخبر كذب ولا صحيح مش فاهمين حاجة وانا واحد من الناس بحب العربية دى جدا ومكنتش لاقي منها حاجة نضيفة واللى معاه واحدة بيتكلم فى اسعار تقريبا بعد ال100 الف فحرام بصراحة لو هتنزل منها جديد انا عن نفسي هشتريها لانه 2011 منها لو حالتها نضيفه قوى وعدداها 50 الف مثلا الناس بتطلب 115 الف فخليهم يشربوها بقى
و يا ترى هينزلها اتوماتيك
ولا مانوال بس
وهل هتنزل زى القديمة 100%
ولا هيغير حاجات فيها علشان التوفير
لو نفس القديمة وسعر غير مغالى فيه هتكون صفقة رابحة
الخبر صحيح وخطوط الأنتاج ركبت وحتنزل عادة واوتوماتيك على شهر يوليو انشاء الله لما يخلص ستوك الفيرنا. وعايز تتأكد روح أى معرض لغبور وأسأل.
فعلا الخبر لو صحيح هتبقى جامده جدا .
وهيخلى سعر المستعمل ينزل كتير جدا لانه بصراحه بقى اهبل قوى يعنى ال 2010 الاوتو كانت ب 100 الف دلوقتى بتتاع اغلى من ال100 الف .
بس هى بصراحه عربيه محترمه جدا
الخبر صحيح يا جماعة انها هتتجمع فى غبور وان الفيرنا هيقف انتاجها بس حتى الان لسة السعر متحددش