الموضوع: استلام شيفروليه لانوس 2015

هو محدش جه انهارده ولا ايه فينكم يا لانساويه

تاخد بالك من الصاج بوجه عام هل فيه خرابيش من اثار النقل والتخزين وخلافه وراجع علي اوكر الباب ودرج التابلوه بيفتح ويقفل عادي ولا فيه تعليقه وخاصة الدرج واوكرة الباب الخارجيه اللي جنب السواق علشان كان فيهم مشاكل عندي وراجع علي دراعات الاشارات والمساحات والكراسي بترجع وتيجي ضهر وحركة كرسي ودرج الطفايه اللي ف الكنسوله وزراير الازار الكهربا وزراير المرايا الكهربا

اللي بييجي مع العربيه الكتالوج وضمان الكاسيت وشنطة عده "حاجه عره اوي" عباره عن مفتاح عجل حرف l ومفك ومفتاح 10 - 12 تقريبا ً بس مالهومش اي لزمه وكوريك مسمار وطبعا الجنط الاستبن والكاسيت بدون ريموت للعلم بس دابل وبيشغل فلاشه وميموري وaux وسي دي
والمعرض المفروض يديلك هديه غطا وشماسه وفواحه

الورق بتاخد من المعرض جواب المرور والمفتاحين طبعا ً ولو قسط وهتأمن عليها بتاخد وثيقة التأمين الشامل بعد يومين كده والضمان بتاخده بعد اسبوع من المعرض

تكلفة الترخيص هو التأمين الاجباري 120 في السنه والضريبه 250 والنمر 120
وطفايه حريق 150 وشنطه الاسعافات والمثلث جيبهم من بره علشان هتلاقيهم ف المرور ب 80ج وهم ميدخلوش زمتي ب 10 جنيه مع بعض

المشاركة الأصلية كتبت بواسطة geo_yacoub

تاخد بالك من الصاج بوجه عام هل فيه خرابيش من اثار النقل والتخزين وخلافه وراجع علي اوكر الباب ودرج التابلوه بيفتح ويقفل عادي ولا فيه تعليقه وخاصة الدرج واوكرة الباب الخارجيه اللي جنب السواق علشان كان فيهم مشاكل عندي وراجع علي دراعات الاشارات والمساحات والكراسي بترجع وتيجي ضهر وحركة كرسي ودرج الطفايه اللي ف الكنسوله وزراير الازار الكهربا وزراير المرايا الكهربا

اللي بييجي مع العربيه الكتالوج وضمان الكاسيت وشنطة عده "حاجه عره اوي" عباره عن مفتاح عجل حرف l ومفك ومفتاح 10 - 12 تقريبا ً بس مالهومش اي لزمه وكوريك مسمار وطبعا الجنط الاستبن والكاسيت بدون ريموت للعلم بس دابل وبيشغل فلاشه وميموري وaux وسي دي
والمعرض المفروض يديلك هديه غطا وشماسه وفواحه

الورق بتاخد من المعرض جواب المرور والمفتاحين طبعا ً ولو قسط وهتأمن عليها بتاخد وثيقة التأمين الشامل بعد يومين كده والضمان بتاخده بعد اسبوع من المعرض

تكلفة الترخيص هو التأمين الاجباري 120 في السنه والضريبه 250 والنمر 120
وطفايه حريق 150 وشنطه الاسعافات والمثلث جيبهم من بره علشان هتلاقيهم ف المرور ب 80ج وهم ميدخلوش زمتي ب 10 جنيه مع بعض

متشكر جدا ياباشا علي المعلومات الجميله ديه
فعلا موضوع الاكر ده انا كنت في معرض ببص علي عربيه ولاقيت المقبض بيعلق

المشاركة الأصلية كتبت بواسطة basem tawfik

ألف شكر على الرد...بس ليه الضمان بعد أسبوع ؟؟

الله يكرمك ...
الضمان بعد اسبوع علشان عقبال ماترخص والمعرض يبلغ التوكيل ان العربيه اترخصت بياخدولهم في حدود 7 ايام عمل لحد مايطلعوا الضمان

واضح ان مشكلة الاوكرة بتاعت الباب الى جنب السواق دى في كل العربيات اللانوس مش مشكلة خالص ياباشا وانت مروح هات شحم رش (اسبري) تمام وارفع الاوكرة ورش في المفصلة الى تحت الاوكرة انا كان عندى نفس المشكلة وعملت كده . والف مبروك مقدما واختيار موفق عربية جميل وتوكيلها ناس محترم بصراحة