عايز اروح حمام سباحة فى منطات عالية

عرض للطباعة

23-02-2015, 10:36 AM
yassin_samir

عايز اروح حمام سباحة فى منطات عالية

الموضوع مش اللى فى دماغكوا
انا نفسى اروح حمام سباحة فى منطات عالية و انط
من الدرجات بالتدريج من الاوطى للاعلى المشكلة هنا انى مش عضو غير فى النادى الترسانة و مفيهوش لو حد من الاعضاء الكرام يعرف مكان يسمح لغير اعضاءة بالسباحة فى حممات السباحبة بتاعة بس يكون فى منطات متدرجة يقول علية قين فى القاهرة مهما كان تمن التذكرة
الموضوع دا فى نفسى من زمان اوى و نفسى اعملة لانى بحب السباحه جدا جدا و حتى فى المصايف كونت بجيب الكراسى و ترابيزات الكافيتريا اللى عند حمام السباحة و احطهم فوق بعض و اطلع انط من فوقهم و الناس بتوع المكان و الامن يجروا ورايا منتهى الكوميديا حتى من كتر الموضوع كل سنة الايقهم مستنينى على الباب و خلوا الترابيزات بعيد عن حمام السباحة بسببى هههههههههههه

تم تعديل العنوان ليتناسب مع المحتوى
م ب 3
23-02-2015, 10:45 AM
أحمد كمال

اقتباس:

المشاركة الأصلية كتبت بواسطة yassin_samir

الموضوع مش اللى فى دماغكوا

و الله هي مرارة واحدة و مش ناقصين
23-02-2015, 10:54 AM
yassin_samir

مترديش على الموضوع و مش مطلوب منك اى اهتمام
23-02-2015, 11:25 AM
أحمد كمال

تقرير مشاركة سيئة عشان العنوان ......
23-02-2015, 11:32 AM
مصطفى-حسن

طيب الاول لازم تكون عارف ان القفز من ارتفاعات عالية للمية بيتطلب مهارات معينة عشان متأذيش نفسك ومن ضمنها انك تكون بتعرف تعادل الضغط لانك لو نزلت عمودى تماما راسك هتوصل لاول مستوى لمعادلة الضغط اللى هو 2.5 متر تقريبا

دا غير انك لو معرفتش تظبط جمسك وانت نازل ونزلت على ضهرك او وشك هتقعد يوم كامل او اكتر تشتكى من كرباج المية اللى هيحصلك

انت بتتكلم فى ارتفاع يقارب 7 او 8 متر تقريبا
23-02-2015, 12:34 PM
yassin_samir

[QUOTE=ZARIF;3875895269][size=5]طيب الاول لازم تكون عارف ان القفز من ارتفاعات عالية للمية بيتطلب مهارات معينة عشان متأذيش نفسك ومن ضمنها انك تكون بتعرف تعادل الضغط لانك لو نزلت عمودى تماما راسك هتوصل لاول مستوى لمعادلة الضغط اللى هو 2.5 متر تقريبا

دا غير انك لو معرفتش تظبط جمسك وانت نازل ونزلت على ضهرك او وشك هتقعد يوم كامل او اكتر تشتكى من كرباج المية اللى هيحصلك

انت بتتكلم فى ارتفاع يقارب 7 او 8 متر تقريبا
[/sizeحبيبى يا استاذ مصطفى
على فكرة انا متابع مواضيعك كلها من اول ابتكارك لطريقة تنظيف الكويل و رحلاتك البحرية و الاقصر و اسوان
ربنا يباركلك و اخر موضوع لاالحارة العمياء
طيب ممكن توضيح للقفز عمودى تماما تقصد بيها اية و مش هاوصل للارتفعات دى اخرى 5 متر مثلا بس انا اقدر و يجلى قلب اعملها لو تعرف مركز تدريب فى القاهرة اكون شاكر جدا
23-02-2015, 01:23 PM
مصطفى-حسن

اولا شكرا على اطراءك الجميل على شغلى وعلى متابتعك لمواضيعى

ثانيا القفز من ارتفاعات فى الماء مش واقف على القلب الميت بس
ومش واقف على انك تلاقى مكان تقفز منة

شوية حاجت صغيرة لازم تبقى فاهمها
1 - لو انت قفزت من المكان المرتفع عمودى تماما ودماغك لتحت يبقى لازم ايديك تكون قدام دماغك مفرودة كسهم عشان تخترق الماء ومتخليش دماغك هيا الللى تصطدم بالمية عشان من ارتفاع عالى هتؤلمك

2 - احتمال توصل لاول مستوى للضغط فلازم تكون عارف تعادل الضغط ازاى او تكون غطست اكتر من مرة ف ودانك متعودة على الضغط

3 - لو قفزت من ارتفاع فى وضع الواقف يبقى لازم تاخد بالك ان المية هتندفع فى انفك غصب عنك واحتمال تدخل الحلق

الموضوع ملوش علاقة بالقلب الميت طالما هتقفز من ارتفاعات
الموضوع لة علاقة بفهم انت هتعمل اية عشان تستمع بية ومبيقاش فية اذى ليك من اى نوع

وللاسف معرفش مراكز تدريب فى القاهرة بس لو بحثت هتلاقى
23-02-2015, 01:32 PM
yassin_samir

شكرا يا ا مصطفي بس تعادل الضغط مش فاهمها
23-02-2015, 01:58 PM
مصطفى-حسن

اقتباس:

المشاركة الأصلية كتبت بواسطة yassin_samir

شكرا يا ا مصطفي بس تعادل الضغط مش فاهمها

لما دماغك توصل عمق 2.5 متر تقريبا تحت المية هتلاقى ودانك بتصفر وتوجعك بسبب اختلاف الضغط الجوى فاللى بيغطس بيعادل الضغط عن طريق اكتر من حيلة واشهرها

1 -تقفل الانف بالضغط عليها بالابهام والسبابة ويتضغط فيها هوا من الداخل فطبلة الاذن ترتد للخارج لمعادلة الضغط وبعد كدة يبلع ريقة عشان طبلة الاذن ترجع لمكانها الطبيعى

2 - عن طريق تحريك الفك السفلى يمين ويسار

غير كدة هتحس بالم شديد كل ما حاولت تنزل لعمق اكبر بدون معادلة الضغط
25-02-2015, 04:41 AM
Trondo

الله ينور استاذ مصطفي
وشوفت ناس بسبب عدم معادله الضغط داخت و ناس نزلت دم من مناخيرها

بس على اعماق اعلى شويه في السكوبا دايفينج
25-02-2015, 10:05 AM
حسام الغرباوي

معادلة الضغط دا مهم جدا وانا جربته وانا بغطس ..فعلا لازم تكون عارفه كويس جدا

وافضل حاجة زي ما الكابتن مصطفي واضحها

تقفل الانف وتنفخ هو وبعدين تبلع ريقك

الغطس متعة صراحه

وإن شاء الله استاذ مسطفي انا شفت مواضيعك علي النت ( زي ترايدنت ) وقريبا سيتم التعامل بعد العودة من العمل الي مصر في الاجازة
25-02-2015, 05:50 PM
مصطفى-حسن

اقتباس:

المشاركة الأصلية كتبت بواسطة trondo

الله ينور استاذ مصطفي
وشوفت ناس بسبب عدم معادله الضغط داخت و ناس نزلت دم من مناخيرها

بس على اعماق اعلى شويه في السكوبا دايفينج

عدم معادلة الضغط يعمل اكتر من كدة ويعمل مشاكل فى الاذن الوسطى

ولو حصلت معاك مشاكل فى الاذن الوسطى وانت على اى عمق يبقى ربنا يسترها عليك

اقتباس:

المشاركة الأصلية كتبت بواسطة حسام الغرباوي

معادلة الضغط دا مهم جدا وانا جربته وانا بغطس ..فعلا لازم تكون عارفه كويس جدا

وافضل حاجة زي ما الكابتن مصطفي واضحها

تقفل الانف وتنفخ هو وبعدين تبلع ريقك

الغطس متعة صراحه

وإن شاء الله استاذ مسطفي انا شفت مواضيعك علي النت ( زي ترايدنت ) وقريبا سيتم التعامل بعد العودة من العمل الي مصر في الاجازة

تشرف مصر فى اى وقت
وبصفة عامة فية هوايات تندرج تحت بند الهوايات الخطرة زى القفز بالمظلات والغطس الحر والغطس الاسكوبا والاسبير فيش

لو اللى بيمارسهم مش فاهم هو بيعمل اية هيأذى نفسة فعلا
26-02-2015, 12:00 AM
FAR!D

اقتباس:

المشاركة الأصلية كتبت بواسطة zarif

لما دماغك توصل عمق 2.5 متر تقريبا تحت المية هتلاقى ودانك بتصفر وتوجعك بسبب اختلاف الضغط الجوى فاللى بيغطس بيعادل الضغط عن طريق اكتر من حيلة واشهرها

1 -تقفل الانف بالضغط عليها بالابهام والسبابة ويتضغط فيها هوا من الداخل فطبلة الاذن ترتد للخارج لمعادلة الضغط وبعد كدة يبلع ريقة عشان طبلة الاذن ترجع لمكانها الطبيعى

2 - عن طريق تحريك الفك السفلى يمين ويسار

غير كدة هتحس بالم شديد كل ما حاولت تنزل لعمق اكبر بدون معادلة الضغط

وحياتك يا مصطفى بنط من ال10 م الوضع واقفا عمودي و هوبا هيييييه و لا بيحصل حاجه ههههههه
ربك بيستر و بتعدي
26-02-2015, 12:26 AM
مصطفى-حسن

اقتباس:

المشاركة الأصلية كتبت بواسطة far!d

وحياتك يا مصطفى بنط من ال10 م الوضع واقفا عمودي و هوبا هيييييه و لا بيحصل حاجه ههههههه
ربك بيستر و بتعدي

عشان بتكتم انفك ولما بتنزل عمودى فى وضع الواقف دماغك عمرها ما هتوصل لعمق 2.5 او حتى 3 لان المية بتعمل فرامل لجسمك لكن رجليك(مشط رجلك تحديدا) بيوصل لعمق 2.5 او 3 متر

لكن عايزك متكتمش انفك وتنزل عمودى واقف من ارتفاع 10 متر وتبقى تقولى اية الاخبار

يعنى تنزل فى المية وايديك جنب منك فى وضع انتباة
26-02-2015, 12:55 AM
FAR!D

اقتباس:

المشاركة الأصلية كتبت بواسطة zarif

لكن عايزك متكتمش انفك وتنزل عمودى واقف من ارتفاع 10 متر وتبقى تقولى اية الاخبار

يعنى تنزل فى المية وايديك جنب منك فى وضع انتباة

ايوه ماهو ده اللي بيحصل في قفزات الثقه
26-02-2015, 01:30 AM
مصطفى-حسن

اقتباس:

المشاركة الأصلية كتبت بواسطة far!d

ايوه ماهو ده اللي بيحصل في قفزات الثقه

وبدون اى اجراء استثنائى مفيش مية بتندفع فى انفك ؟؟؟
26-02-2015, 01:33 AM
FAR!D

اقتباس:

المشاركة الأصلية كتبت بواسطة zarif

وبدون اى اجراء استثنائى مفيش مية بتندفع فى انفك ؟؟؟

بتدخل بس مبحسش بالم لا في الانف ولا الاذن
26-02-2015, 02:04 AM
مصطفى-حسن

اقتباس:

المشاركة الأصلية كتبت بواسطة FAR!D

بتدخل بس مبحسش بالم لا في الانف ولا الاذن

كدة يا معلم انت سهران ومش مركز ولازمك ضرورى واحد نسكافية او قهوة هههههههههه

انا بقول للراجل لو انت هتقفز عمودى ودماغك للاسفل دماغك لو وصل 2.5 متر هتقابل اول مستوى للضغط وودانك هتؤلمك

لكن لو هتقفز فى وضع الواقف المية هتندفع فى انفك واحتمال توصل للحلق

راجع المشاركة رقم 7 وبعدين اطلب واحد نسكافية عشان تركز:7_9_6v[2]:
ـــــــــــــــــــــ
المفروض من ضمن تدريبات قفزة الثقة دى انك بتكتم نفسك فى لحظة دخولك المية عشان تمنع الهوا اللى فى انفك انة ينضغط والمية انها تندفع لانفك وتوصل للحلق طالما هتنزل عمودى فى وضع الواقف واحيانا بعض الناس بتاخد نفس عميق ويبقى صدرة مليان هوا فيمنع غوص جسمة لمسافة كبيرة واحيانا ناس بتاخد النفس العميق دة وتزفر نصة من الانف فى لحظة الارتطام بالماء لمنع اندفاع المياة للانف وفية ناس بتلف وشها لاقصى اليمين او لاقصى اليسار بحيث يبقى الانف فوق الكتف عشان بردو موضوع اندفاع المياة فى الانف ..........كل واحد وطريقتة