مشكله في فتيس Octavia A7 2015 1.6MPI

**Beeso** · 23-02-2015 01:14 PM

سلام عليكو,

اولا احب امسي علي شباب سكودا عشان ده تقريبا اول بوست ليا في سكودا واحب اخد رأيكم في حاجهز

انا اشتريت اوكتاقيا A7 2015 ambition من حوالي 6 شهور و كان عندي شويه تعليقات بسيطه كده علي العربيه بس مش ده المهم دلوقتي, انا مبسوط بالعربيه الحمد لله ولكن من كم شهر كده بقي في زي نتشه بسيطه قوي بحسها في النقل بين 1-2 في اول الطلعه لو دايس بنزين براحه (gradually stepping ) النتشه دي بدأت تزيد مع الوقت لحد مبقت ملحوظه قوي من شهر فروحت التوكيل واتخنقت معاهم وقلولي حيبتوها وتاني يوم لما روحت قلولي عملنا ريستت للسفوتوير بتاع الفتيس واتظبط. المهم معجنيش الكلام بس زهقت من الجدال وروحت استلم العربيه لقيت النتشه لسا باينه روحت راجع وجابلي فني ركب معايا العربيه وحس بيها بس قالي عشان العربيه بارده (الكلام ده كانت العربيه عامله 14,200كم) وفعلا النتشه قلت لما سخنت العربيه و قالي لو في حاجه تعالا في صيانه 15000 نشوفها.

انا قلت اسأل لو حد حس بنفس المشكله؟

شكرا و اسف اني طولت عليكو

**memo_p910** · 23-02-2015 02:17 PM

متابع معاك واضح ان فتيس فولكس فاجن ال dsg لا يزال يعاني من مشاكل

**Beeso** · 23-02-2015 02:23 PM

المشاركة الأصلية كتبت بواسطة memo_p910

متابع معاك واضح ان فتيس فولكس فاجن ال dsg لا يزال يعاني من مشاكل

شكرا علي ردك بس هو مش dsg ده استبترونيك

**memo_p910** · 23-02-2015 02:58 PM

المشاركة الأصلية كتبت بواسطة Beeso

شكرا علي ردك بس هو مش dsg ده استبترونيك

معلش انا كنت فاكر سكودا رجعت نزلت الفتيس المعقد جدا dsg تاني

**m07mad** · 23-02-2015 03:31 PM

فعلا الفتيس دا لما بتكون العربيه بارده بتبقى النقله من ١--٢ و ممكن كمان من ٢--٣ بتحس بيها و بتبقى ملحوظه لكن اول ما العربيه تاخد غيراتها كلها و زيت الفتيس يسخن بتختفي نهائي و دا طبيعي جدا و انا عندي كده و لاحظتها في اكتر من عربيه

**دكتور خالد** · 23-02-2015 03:40 PM

عندى صديق بيشتكى من نفس المشكلة و بلا حل حتى الان

**ENG.MaRk** · 23-02-2015 04:27 PM

ديه مش مشكلة كبيرة ماتقلقش منها و فعلاً بتختفي لما العربية تسخن :)

**h_e_e** · 23-02-2015 05:23 PM

سخن العربيه الصبح علي ال n

**m07mad** · 23-02-2015 05:42 PM

المشاركة الأصلية كتبت بواسطة h_e_e

سخن العربيه الصبح علي ال n

ايه الفكره ان العربيه تتسخن على الـ n ؟؟!!

**abdullahsamir** · 23-02-2015 09:28 PM

المشاركة الأصلية كتبت بواسطة beeso

سلام عليكم,

اولا احب امسي علي شباب سكودا عشان ده تقريبا اول بوست ليا في سكودا واحب اخد رأيكم في حاجهز

انا اشتريت اوكتاقيا a7 2015 ambition من حوالي 6 شهور و كان عندي شويه تعليقات بسيطه كده علي العربيه بس مش ده المهم دلوقتي, انا مبسوط بالعربيه الحمد لله ولكن من كم شهر كده بقي في زي نتشه بسيطه قوي بحسها في النقل بين 1-2 في اول الطلعه لو دايس بنزين براحه (gradually stepping ) النتشه دي بدأت تزيد مع الوقت لحد مبقت ملحوظه قوي من شهر فروحت التوكيل واتخنقت معاهم وقلولي حيبتوها وتاني يوم لما روحت قلولي عملنا ريستت للسفوتوير بتاع الفتيس واتظبط. المهم معجنيش الكلام بس زهقت من الجدال وروحت استلم العربيه لقيت النتشه لسا باينه روحت راجع وجابلي فني ركب معايا العربيه وحس بيها بس قالي عشان العربيه بارده (الكلام ده كانت العربيه عامله 14,200كم) وفعلا النتشه قلت لما سخنت العربيه و قالي لو في حاجه تعالا في صيانه 15000 نشوفها.

انا قلت اسأل لو حد حس بنفس المشكله؟

شكرا و اسف اني طولت عليكم

الناس كانت بتشتكي من نفس النتشة ده في سيات ليون الجديدة و لما حطو 95 راحت, أنا عن نفسي دايما بحط 95.

جرب حط تفويلة بنزين 95 وحاول تاني, التفويلة هتعمل في حدود 300-350 جنيه حسب التانك. وياريت لو تكون لمبة البنزين منورة عشان تضمن نسبة بنزين 95 أكتر, وانا برضو أرجح إن حضرتك ترجع للكتالوج عشان على حد علمي إن ال a7 لازم بنزين 95.

الموضوع: مشكله في فتيس Octavia A7 2015 1.6MPI

LinkBack

أدوات الموضوع

عرض

مشكله في فتيس Octavia A7 2015 1.6MPI - انشر الموضوع فى :

-

-

-

-

-

المواضيع المتشابهه

مشكله في فتيس a7 1600 2015

Octavia A7 1.6 2015 GPS installation

Octavia A7 2015

مشكله فى الزيت skoda octavia 1998

مطلوب تسعير فليشيا glx 1.6mpi

الكلمات الدلالية لهذا الموضوع

المفضلات

المفضلات

ضوابط المشاركة