مشكلة صوت الماتور عالى

**waeltealeb** · 23-02-2015 02:30 PM

السياره شيرى a11 .. السياره روعه بكل المقاييس بالمقارنه بفئتها طبعا .. السياره لا يوجد بها اى تعديل نهائى سواء فى الميكانيا او الكهرباء ،، والمشكله ان صوت الماتور ناعم بالفعل ولكنه عالى ،، عندما يصل الأر بى ام الى مستوى 3.5 يبدأ صوت الماتور فى اصدار طنين زى ما يكون فى خرم فى الشكمان ،، و كذلك عند الكبس على الماتور اثناء السحب صوته يبقى عالى بوجود طنين مختلف عن صوت الماتور الطبيعى .... و رحت اكشف على الشكمان لقيته تمام و على فكره الشكمان الأصلى بتاعها لحد دلوقتى بدون اى لحامات فيه نهائى و السياره موديل 2006 ، وبكتم الشكمان الاقى الماتور يبطل عادى و ما فيش تنفيس .. وكمان اسطوانة الدبرياج تمام و مافيش فيها مشكله علشان عارف ان بعض الناس تفكيرها هيروح على طول على تفويت الأسطوانه من الديسك ....

و كان معى سياره اخرى من نفس الموديل و لم يكن بها هذا الصوت ...
انا بفكر انه يكون فى سدد فى علبة البيئه ممكن يكون هوا اللى مسبب الصوت ده ..

اريد نصائح المتخصصين و ذوى الخبره ،، ولكم الشكر

**مصطفى-حسن** · 23-02-2015 08:23 PM

الشكان لو فية خرم هيعمل معاك صوت مزعج زى الديفل

مجرد اقتراح حاول تفتح الكبوت وانت واقف وممور ووصل العربيى لاربى ام 3.5 وشوف الصوت هيطلع ولا لا عشان نعرف دة من المكنة ولا من العجل

**waeltealeb** · 24-02-2015 01:25 PM

شكرا للأهتمام ... ولكن الصوت فعلا من الماتور و ليس من العجل ..

**مصطفى-حسن** · 24-02-2015 09:51 PM

ميل بودنك على العربية واتحرك فى كل الاجناب لحد ما تعرف الصوت منين تحديدا

**waeltealeb** · 25-02-2015 02:35 PM

المشاركة الأصلية كتبت بواسطة amr_naser

ممكن ميكنش الصوت من الماتور اساسا
وممكن يكون من الملحقات
يعنى
دينامو
بور
شداد
بلي خشن يعنى

بص يا باشا كلامك طبعا ممكن يكون صح فى حالة وجود الصوت مع زياده السرعه ،،، ولكن اللى بيحصل ان الصوت ده حتى ولو كنت ماشى على التانى او التالت و الصوت هادىء و كويس اول ما اكبس على البنزين جامد شويه بيحصل صوت زى ما يكون تنفيس من الشكمان .... ويأتى ايضا مع عدد لفات معين للأربى ام ( حوالى من 3.5 الى 4) وما بعد اربعه اربى ام يبدأ ينعم تانى الصوت ...

بجد انا احترت .... سألت الميكانيكى بتاعها ..قالى هيا طبيعتها كده ..... واكيد طبعا علشان يخلص نفسه .