استفسار في شراء هوندا اكورد 83 خليجي

السلام عليكم ورحمه الله وبركاتة

المبلغ المتاح / يفضل (25000) - اقصى حد (28000)
نوع العربية / مستعمل -
خبرتك فى السواقة وسكك الصيانة / متوسط
شكل العربية / - سيدان - مش فارقة
الموديل / مش فارقة ( بس اهم حاجه بلاش 128 ، 132 لانهم عقدوني )
إستخدام السيارة فى الاغلب / داخل المدينة
انتقالاتك بالعربية / في الغالب لوحدي بس في حالات بنخرج مع بعض 6 افراد
الكماليات المرجوة / مش فارقة
إستهلاك البنزين / يفضل قليل -
قطع الغيار / مش فارقة
اماكن الصيانة / - ممكن ميكانيكية -
التفرغ لأعمال الصيانة / - ممكن تتدبر -
الاستمرار بالعربية لفترة / هاتستمر بيها فترة طويلة -
سعر إعادة البيع / خسارة معقولة -
اهم حاجات بتدور فيها على العربية /
- قوة تحمل
- قلة اعطال
- الشكل الحلو
حاليا معروض عليا عربية هوندا اكورد موديل 1983 خليجي كاملة اتوماتيك ، تكييف ، فتحه سقف
هوا طالب فيها 22000 عشان الشغل الي فيها ولو هخلص الكلام هيبقي علي 21000
للصراحه انا لسه مشوفتهاش بس جايه عن طريق حد ثقة بيقول ان العربية مرفوعه 10 سنين فبريكة دواخل مفيهاش قلم بوهية ومحتاجه نضافة من بره يعني شوية بارومه حولين الزجاج وكام حته عاوزة سمكرة ودهان غير كدا مفيهاش حاجه
المشكلة اني اعرف ان الاكورد مانزلتش مصر كتير عشان كدا ملهاش قطع غيار
وكمان موضوع الفتيس الاتوماتيك في الموديل القديم دا قالقني بسبب الاعطال
فياريت تفيدوني اتوكل علي الله في العربيه دي ولا ايه رأي حضراتكم ....
واسف اني طولت علي حضراتكم