مشكلة بطارية ولا دينامو؟؟

**M.Rashad** · 24-02-2015 12:03 PM

السلام عليكم ،،

مبدئيا بقالى فترة كنت بشم ريحة شياط خفيف جوة التابلوه ولحد دلوقتى مش محدد بتيجى منين الريحة دى ، المهم العربية بقالها فترة بتعمل حركة غريبة انزل ادور وامشى بيها بدون مشاكل وفى نص المشوار الاقى الانوار بدأت تختفى تدريجيا والكلكس صوته يوطى على الاخر بس الموتور شغال عادى الحمد لله ربنا بيكرمنى وارجع بيها واول ما ابطلها خلاص ماتدورش تانى الا اذا جبت وصله بطارية

اللى مجننى بقى ان العربية ساعات تشتغل زى الفل وساعات تعمل المشكلة دى
يعنى لو افترضنا دينامو فاصل مش بيشحن ، طيب ليه يشحن مرة أه ومرة لأ؟؟!!!
ولو افترضنا بطارية خربانة ،، طيب ازاى برضه تشتغل مرة اه ومرة لأ؟ وازاى تقبل شحن من الاساس؟؟

،، اخر مرة عملتها معايا كان من يومين روحت للكهربائى حط البطارية على التونجر وبعد كدة حطها فى العربية ودور وقاس شحن الدينامو قالى الدينامو مابيشحنش بس طبعا انا مقلق من حورات الصنايعية عشان قرفت منهم على الاخر ، فيا ريت لو حد يعرف تشخيص الموضوع ده ايه يفيدنى ضرورى

**mohamed_selim** · 24-02-2015 12:18 PM

شوف الضفيره من الدينامو للبطاريه تكون مهربه
مره حصلتلى و كان و العربيه بارده الدينامو يشحن كويس و لما تسخن الشيكارتون اللى على الضفيره بيسيح و ميوصلش شحن الدينامو للبطاريه و حلها كان بكرتين شيكارتون و شيلنا القديم ولفينا جديد و كله كان تمام

**M.Rashad** · 24-02-2015 01:07 PM

المشاركة الأصلية كتبت بواسطة mohamed_selim

شوف الضفيره من الدينامو للبطاريه تكون مهربه
مره حصلتلى و كان و العربيه بارده الدينامو يشحن كويس و لما تسخن الشيكارتون اللى على الضفيره بيسيح و ميوصلش شحن الدينامو للبطاريه و حلها كان بكرتين شيكارتون و شيلنا القديم ولفينا جديد و كله كان تمام

طيب مش ممكن الشيكارتون الجديد يعمل نفس المشكلة تانى؟؟ وقصدك بالضفيرة ايه؟؟ ضفيرة الكهربا اللى جوة التابلوه ولا السلوك اللى طالعة من الدينامو؟؟

**mohamed_selim** · 24-02-2015 01:19 PM

لا الشيكارتون اللى عمل المشكله كان بقاله 10 سنين ! ممكن الجديد يعمل كده بعد 10 سنين :)
قصدى السلك اللى طالع من الدينامو و داخل على البطاريه

**Mecha** · 24-02-2015 01:23 PM

لازم تقيس بالافو وقت المشكله لازم الفولت 13.5-15
انزل ربط الكابلات كلها ونضف القواطيش وميمنعش تغير ريليه الشحن وتشد سير الدينمو.لو كل دا اتعمل وقست اقل من الرانج بالاعلي وهي ديره ومشغل انوار يبا دينامو . لو يتغيب في الدواره وتفتح العيون تلاقيها بتفور او معرقه يبا بطاريه

**M.Rashad** · 24-02-2015 01:24 PM

تسلم يا باشا على الافادة وكلامك ممكن يكون هو حل اللغز لأنها بتعمل المشكلة فعلا لما اقرص على العربية فى مشوار طويل ، هجرب وأقولك النتيجة بإذن الله وجزاك الله خير

**M.Rashad** · 24-02-2015 01:37 PM

المشاركة الأصلية كتبت بواسطة mecha

لازم تقيس بالافو وقت المشكله لازم الفولت 13.5-15
انزل ربط الكابلات كلها ونضف القواطيش وميمنعش تغير ريليه الشحن وتشد سير الدينمو.لو كل دا اتعمل وقست اقل من الرانج بالاعلي وهي ديره ومشغل انوار يبا دينامو . لو يتغيب في الدواره وتفتح العيون تلاقيها بتفور او معرقه يبا بطاريه

معلش بس ايه ريليه الشحن دى؟؟
ومن ناحية غياب الدوارة مبيحصلش الا لما البطارية تنام فقط مابتدورش خالص ولكن فى الطبيعى بتدور زى الفل

**Mecha** · 24-02-2015 01:59 PM

ريليه يعني كتاوت الشحن هتشيلة وتبدله بواحد سليم او ريلية الكلاكس لو نفس النظام
الوقتي محاجاش طبيعي ,فيه عطل متقطع يروح وييجي لو اطمنت الدينمو تمام يبا بطاريه بعد كل التشكات تتعمل

**M.Rashad** · 24-02-2015 03:38 PM

المشاركة الأصلية كتبت بواسطة mecha

ريليه يعني كتاوت الشحن هتشيلة وتبدله بواحد سليم او ريلية الكلاكس لو نفس النظام
الوقتي محاجاش طبيعي ,فيه عطل متقطع يروح وييجي لو اطمنت الدينمو تمام يبا بطاريه بعد كل التشكات تتعمل

معلش يا ريس سؤال كمان ،، لو فرضنا طلعت مشكلة كتاوت اغيرها ولا اجيب دينامو استيراد احسن؟؟

**abo hosen** · 28-02-2015 06:32 PM

دينامو استيراد فيه كتاوت شحن داخلى افضل

الموضوع: مشكلة بطارية ولا دينامو؟؟

LinkBack

أدوات الموضوع

عرض

-

-

-

-

المواضيع المتشابهه

بطارية ولا دينامو

مشكلة فى دينامو أسترا 2005 ( مشكلة + حل )

مشكله ف بطارية أو دينامو الاكسنت موديل 2000

ياترى مشكلة بطارية ولا دينامو ولا ايه؟؟؟

عاجل :: عطل محتار فيه ده دينامو ولا بطارية ولا ايه بالظبط

الكلمات الدلالية لهذا الموضوع

المفضلات

المفضلات

ضوابط المشاركة