اتنصب عليا في البنزينة

**teka_100** · 24-02-2015 03:49 PM

كنت بحط بنزين في موبيل اللي في السواح جنب القصر الجمهوري قلتله حط ب 49 جنيه وبعد ما خلص اديتله 100 جنيه علشان يرجعلي 50 ومتأكد انها 100 ومراتي كانت معايا وكنت واخدها منها ومتاكد اني اديتله 100 جنيه المهم لقيتة مرجعلي جنيه قلتله انا مديلك 100 قالي لا 50 بس قلتله انا متاكد مفيش فايدة نزلت للراجل اللي بياخد الفلوس (طبعا ماسك فلوس كتير جوا بعض) وقالي انا شفتها 50 فضلت أقوله 100 مفيش فايده جه واحد كمان اللي بيمسح الازاز ده قالي انا شفتها 50 .. بقيت انا بقول 100 و3 بيقولو 50 والفلوس اتسيحت في ثانية قلتله اعمل جرد قالي مش هينفع دلوقتي الصبح الساعه 9 .. اخدت نمرتة وكلمني فعلا وقالي انا عندي عجز في الفلوس 100 وحلفلي ) مكنتش عارف اعمل ايه اشتكي لمين الصراحه واليوم ده كنت مسافر ومعملتش حاجه الحمد لله انها جت بسيطة بس دمي اتحرق من الحركة نفسها وحسبي الله ونعم الوكيل انا حبيت بس اشارككم علشان الناس تاخد بالها و الموضوع ده ميحصلش مع أي حد

**mohamed ataa** · 24-02-2015 03:58 PM

الحمد الله هى بسيطة بس الموقف يضايق بس اول مرة اسمع موقف زى دة فى البنزيمة ديه انا ساكن قريب من هناك وبدخلها كتير ومفيش اى مشاكل بس انت متاكد والراجل متاكد هتعمل ايه ربنا يعوضك خير

**بحار** · 24-02-2015 04:15 PM

ولا يهمك فدا اولادك .. ان شاء الله هاتولع بيهم الخمسين جنيه والبنزينه .. لانه مبينفعش .

**Anaslbda** · 24-02-2015 04:28 PM

يتهيّألي انك كنت شاكك في نفسك برضه, لو متأكّد بنسبة 100% مكنتش هتسيب البنزينة وتمشي.
دايماً بُصّ في الورقة اللي في إيدك وبرّق فيها كويس قبل ما تدّيها للعامل. عشان يوم ما يجي يقولك يمين شمال تنزله بزعيق وتقلب البنزينة فوق دماغه.
لو الفلوس كذا ورقة تدّيهملو ورقه ورقة وانت بتعدّهم قدّامه (آدي عشرة آدي عشرين) وهكذا, متدّيش لحد فرصه ينصب عليك.
حصل خير.

**teka_100** · 24-02-2015 04:39 PM

المشاركة الأصلية كتبت بواسطة anaslbda

يتهيّألي انك كنت شاكك في نفسك برضه, لو متأكّد بنسبة 100% مكنتش هتسيب البنزينة وتمشي.
دايماً بُصّ في الورقة اللي في إيدك وبرّق فيها كويس قبل ما تدّيها للعامل. عشان يوم ما يجي يقولك يمين شمال تنزله بزعيق وتقلب البنزينة فوق دماغه.
لو الفلوس كذا ورقة تدّيهملو ورقه ورقة وانت بتعدّهم قدّامه (آدي عشرة آدي عشرين) وهكذا, متدّيش لحد فرصه ينصب عليك.
حصل خير.

انا متاكد وكان معايا كذا 100 وكذا 50 بس كنت عاوز 50 زيادة علشان حاجه معينه وده اللي هيجنني . عارف انا لو شاكك كنت سكت وقلت يمكن ومشيت بس صدقني متاكد

**طارق _عبد السلام** · 24-02-2015 07:00 PM

بتتعمل ... لما بيكون فيه عجز او عايزين يزودوا الايراد... وكلهك مظبطين مع بعض... طيب هو لو حط ب49 ... هيرجع جنيه ؟!!!! عوضك على الله
حاجه شبه كده حصلت معايا.. بس مختلفه..وعملت قلق جامد فى البنزينه والمشكله ان زايله اجمعوا ان زميلهم صح

ولما اتجننت عليهم طلع واحد منهم وقال لا مش هى دى العربيه اللى حاسبت غلط ههههههههه