الموضوع: @@~~ ميـــجا بــودي شوب ( جديد من تويوتا ايجيبت ) ~~@@

اعتقد ان سعر هذه الاحهزة يعتبر عالى التكلفة مما يودى الى ارتفاع ثمن التصليح فى التوكيلات عن الخارج ولكن ارجع واقول ان دائما الغالى يعتبر رخيص اذا كان الامر يتعلق بمهارة او صنعه معينة وشكرا اخى الكريم على هذه المعلومات .

المشاركة الأصلية كتبت بواسطة أبو عبدالله

السلام عليكم ورحمة الله وبركاته

وانا بصلح مره الكورولا وخصوصا التصليح بتاع السمكرة
أخدت بالي ان الصنايعيه لما بيفكوا جزء من العربيه كبير
يعني نص مثلا او كده
بيفكوا من أماكن البراشيم بتاعت اللحام بتاعت العربيه الأصلية
ولما بيركبوا حاجه تاني بيركبوها من الأماكن نفسها علشان الحاجه تطلع مظبوطة بالظبط
ولكن

البراشيم او بنط اللحام بتاعت المصنع الأصلي مش بتبقى لحام
وانما نظام دك بنطة تخلي طبقتين الحديد يمسكو بعض

يعني بمعنى انهم بيدكوا نقط معينة بحيث طبقتين الحديد تعشق في بعض

ولكن ده له جهاز اكيد
واكيد موجود في المصنع بس

وللأسف لما ياتي اي صنايعي بيركب جزء في العربيه
وهو ليس لديه هذه الامكانيات بتاعت المصنع
فبيلحمها لحام حديد وليس بنفس نظام الدك بتاع المصنع الأصلي

ومن هنا فكرت هو ليه الأجهزة دي محدش بيجبها هنا في مصر
وهيكسب دهب خصوصا العربيه بتاعت الحوادث اللي بتركب نص
وبكده العربيه ترجع زا ما كانت بالظبط ومتخليش حد يقلق من حاجه

لحد النهارده وانا بقرأ اخبار السيارات بتاعت جريدة الأهرام
لقيت لقاء مع مصطفى شاهين من تويوتا ايجبت

وقال انهم بصدد تشغيل نظام جديد يسمة بميجا بودي شوب
وهونظام تصليح للسيارات بنفس طريقة التصنيع في خط الأنتاج الأصلي للعربيه

يعني اكيد الدهان والسمكرة والحاجات دي كلها هتبقى اكن العربيه بتتصنع من جديد بالظبط

وبصراحه الكلام ده لو اتنفذ فعلا هنا في مصر

هيبقى ضربة جامده جدا في السوق المصري
لأن زي ما انتم عارفين ان الموضوع ده هيأثر على مسألة البيع قوي

لأن لما تشتري عربيه وانت عارف انها لو عملت حادثة هتروح ترجعها زي ما كانت بالظبط
بدون بقه اخطاء في السمكرة او في الدهان وخصوصا الدهان

بصراحه يا جماعه مهما كان الصنايعية اللي بره عمرهم ما بيظبطوا لون العربية ابدا زي التوكيل

انا جربت توكيل دايهاتسو بصراحه اللون والبوية طالعه زي بتاعت العربيه بالظبط مفيش الهوا فيها

في النهاية انا شايف ان النظام ده هيريح ناس كتير وهيظبط حاجات كتير في السوق
لأن عربيات الحوادث في مصر بصراحه مشكلة كبيرة جدا في سوق المستعمل
وناس كتير بتضر من الموضوع ده

وانا شايف من قبل ان ده حل خطير وجامد لحل مشكلة عربيات الحوادث في مصر

شكرا على المجهود الاكثر من رائع بس انا كنت عايز استفسر منك عن حاجة تانية بما انك معاك سيريون
هل توكيل دايهاتسو جيد فى قطع الغيار والاسعلؤ ولا زى مفى ناس كتير بتقول علية انة قطع الغيار مش موجودة

تانى حاجة اية رايك فى عربيات دايهاتسو هل هى جيدة ولا اية
دة لان اخويا ناوى يشترى ماتيريا قريب وكنت عايز اخد راى واحد مجرب
وشـــــــــــــــــــــــ ــــــــــــــــــــــكــ را

طيب و ده حايبقى بالنسبة لكل انواع العربيات و لا تويوتا بس ؟