الموضوع: حل جذري لمعظم مشاكل الكربراتير

خرطوم العمه بيشفط الهواء الخارج من عمليه الاحتراق الداخلي والذي تسرب من الشنبر وذلك حتي لا يتولد ضغط اسفل المكابس بالموتور
- وايضا له فائدة بتقليل التلوث واشياء اخري
لكن اذا فضلت ازالته من العمه نصيحه اغلق الفتحه الداخلة للعمه حتي لا تتعب الكربراتير لانه يعمل علي الشفط وبالتالي اي تغيير في قوة الشفط والضغط سيؤثر علي سحب البنزين وقوة الفرامل وده موضوع يطول شرحه واتركه للمختصين في الجزئية دي

الكربراتير ملوش اي علاقة بقوة الفرملة ! اية اللى جاب القلعة جمب البحر ؟
ثانيا . غلق الراجع للكربراتير بيولد ضغط على الطرمبة والخراطيم بالاضافة للاستهلاك عالى في البنزين ! لانك بتلغي دور العوامة الداخلية بالكامل .. بالاضافة لشرقان العربية بكل سهولة ف اي وقت اثناء ادارة المحرك .. اكبر خطأ عملتة انك قفلت الراجع ... يرجي ضبط منظومة الراجع كما صممها المصنع لضبط استهلاكك .. وظبط العوامة والابرة الخاصة بها

المشاركة الأصلية كتبت بواسطة nicegypt

الكربراتير ملوش اي علاقة بقوة الفرملة ! اية اللى جاب القلعة جمب البحر ؟
ثانيا . غلق الراجع للكربراتير بيولد ضغط على الطرمبة والخراطيم بالاضافة للاستهلاك عالى في البنزين ! لانك بتلغي دور العوامة الداخلية بالكامل .. بالاضافة لشرقان العربية بكل سهولة ف اي وقت اثناء ادارة المحرك .. اكبر خطأ عملتة انك قفلت الراجع ... يرجي ضبط منظومة الراجع كما صممها المصنع لضبط استهلاكك .. وظبط العوامة والابرة الخاصة بها

شكرا للرد انا لم اغلق راجع الكربراتير اللي بيقوم بارسال فائض البنزين الي التانك مره اخري من الكربراتير اللي تم غلقة هو مدخل خرطوم الفايز اللي خارج من الماتور الي الكربراتير تركت الخرطوم بره العمه وقمت باغلاق مدخله في عمه الكربراتير بواسطة طبه عمياء-
-بالاضافة اني قمت باغلاق خرطوم الفاكيم الخارج من الكربراتير الي قاكيم الاسبراتير لان الاسبراتير غير ملحق بالفاكيم وبالتالي الخرطوم بيشفط هواء وبيقلل الضغط داخل الكربراتير
-ثالثا قوه الفرامل مستمده من السيرفو شغلتة انة يدى قوة مساعدة لرجلك و هى بتدوس على الفرامل السيرفو بيستخدم قوة الفراغ الموجود بمنافولد السحب عشان يخزن طاقة لاستخدامها عند الضغط على الدواسة
لاختبار السيرفو كارك فرامل و العربية مبطلة لحد ما دواسة الفرامل تبقى زى الحجر... و انت دايس فرامل دور العربية... لو دواسة الفرامل مشيت لتحت اول ما تدور يبقى السيرفو سليم
الفكرة انك تخلي دائرة الحرق والتغذية داخل الموتور معزولة قدر الامكان لضمان عمل 100%


وارجع واقول ان النتائج عندي اكثر من مرضية لم تتوقف السيارة في السرعه البطئة السلانسية بالاضافة لعدم توقفها عند السرعة العالية
واترك الموضوع لشرح اكبر للمختصين

المشاركة الأصلية كتبت بواسطة kaza

اية الكلام دة ...انت بوظت الدنيا ...لغيت تهوية الكارتير وايلات سيل الموتور هتضرب ....ولغيت تقديم الشرارة في الاسبراتير والعربية هتسقف وهتاكل بنزين وتسخن ....ولغيت السيرفو وعايز اربعة يدوسوا معاك فرامل وفي وقت مفاجئ مش هتفرمل .....كلام لا يمت لميكانيكا السيارات بصلة ويدمر السيارة ويؤذي اللي فيها ..ومش متخصص بالمرة وما ينفعش يكون نصيحة للناس ....ضبط الكاربراتير اسهل ما يكون وعمرة ما يكون بالطرق دي خالص وممكن حضرتك تراجع كتاباتي وتعرف تضبط كربرتتيرك ازاي

ارحب برايك واحييك علي المشاركة استاذ kaza
---لغيت تهوية الكارتير وايلات سيل الموتور هتضربـــ
طبعا حضرتك حصل تضارب لان الاويل سيل تضرب لو كنت سادد خرطوم الفايظ بتاع الموتور لاكن انا اغلقت خرطو الشفط بتاع الفايظ اللي في عمه الكربراتير والكربراتير باخذ هواء من مدخل هواء مستقل وبعدين بيعدي علي الفلتر وبعدين يدخل الي الكربرتير

---لغيت تقديم الشرارة في الاسبراتير والعربية هتسقف وهتاكل بنزين وتسخن
الاسبراتير عندي من غير فاكيم وبالتالي الخارج من الكربراتير بيشفط هواء ويقلل الضغط بدون اي داعي وبيدخل تراب وبغلقه اعيد التوازن للكربراتير


---ولغيت السيرفو وعايز اربعة يدوسوا معاك فرامل وفي وقت مفاجئ مش هتفرمل
انا لم الغي السرفو الي حصل ان خرطوم السرفو كان بينفس هواء وبالتالي بيسرب هواء من مجمع السحب وبالتالي الفرامل كانت ضعيفة وبتغييره بواحد سليم وتركيب افيز علي اطراف الخرطوم لعدم هروب الهواء اصبحت الفرامل اقوي حوالي 12 مرة


كلام لا يمت لميكانيكا السيارات بصلة ويدمر السيارة ويؤذي اللي فيها ..ومش متخصص بالمرة وما ينفعش يكون نصيحة للناس ....ضبط الكاربراتير اسهل ما يكون وعمرة ما يكون بالطرق دي خالص وممكن حضرتك تراجع كتاباتي وتعرف تضبط كربرتتيرك ازاي

اشكرك علي النصيحه كل ما فعلت هو تنفيذ ما قراءته ودرسته !!! والعربية بحالة فوق الممتازة بعد ما كان هناك شكوي من زيادة استهلال بنزين ورجه بالموتور واشياء عديدة يطول شرحها - واشكرك مرة ثانيه علي التعليق والمشاركة واتاحه تصحيح المعلومات لك وللاخرين

واذا اردت صور لما فعلت ممكن اصورها لك