اجيب ايه احسن ؟؟....كيا ريو هاتشباك ولا اكسنت هاتشباك ولا بيجو301؟؟؟؟؟؟
ويا ريت اللى يختار يقولى اسباب اختياره
عرض للطباعة
اجيب ايه احسن ؟؟....كيا ريو هاتشباك ولا اكسنت هاتشباك ولا بيجو301؟؟؟؟؟؟
ويا ريت اللى يختار يقولى اسباب اختياره
ريو
انا اقدر احكملك على ال301 لانى ركبتها سنة تقريبا ... العربية ماشاء الله حلوة قوى رغم ان فيه ناس اشتكت منها بس بصراحة انا ما قابلتش فيها غير مشكلة واحدة واتحلت مع تغير البويجهات وعمل ابديت للوسفت وير بتاعها .. غير كده العربية مرضيه جدا .. سحب لا غبار عليه علما بانى كنت راكب قبلها سيفيك 96 خليجى وما ادرام ما السيفيك ..ثبات ممتاز صراحة وعلى السرعات اعالية .. العربية فيها كماليات كتير وممتازة بلوتوث . تكيف تتش . جنوط .. فوجات امامية وخلفية .. وغيرها كثير .. الصاج محمل ماشاء الله والدهان بتاعها ممتاز مش بيتخربش بسهولة ويبدو ان طبقة الورنيش سميكة لان الخربوش فى معظم الاحيان لا يصل للدوكو وبمجرد دعكه بالكمبوند بيرجه تمام .. العربية عالية مش بتحك فى المطبات ... صالون واسع ومريح .. انا شايفها صفقة فى السعر ده لاحتوائها على مواصفات امان اكتر من ميثلاتها فى الفئة السعرية
شوف الفيات بونتو او سيات ابيزا مادام بتفكر في هاتشباك انضف من الريو والاكسنت
الحقيقة ان المشكلة كانت غريبة قوى ..عند الدوارة بعد ركن العربية يومين تلاتة او فى البرد الشديد العربية تفضا تهبد وبعدين اشارة تشك انجين تنور والمروحة تشتغل ديركت دون فصل وبتبقى زى ماتكون متلتة ... غيرت البوجيهات ونزلت ابديت للوفت وير والموضوع اتحل .. غير كده بصراحة العربية تستاهل تمنها ولا مقارنة بينها وبين الكورى ابدا علما بان كان معايا ماتريكس 2007 زيرو وفيرنا 2010 زيرو وكارينز 2011 زيرو .. بصراحة البيجو عرفتنى يعنى ايه مذاق الاوربى ... مختلف تماما
الكوري مبقاش زى زمان بمعني ان الواحد كان بيجيب كوري عشان قطع الغيار الرخيصة و اعادة البيع الممتازه و ان اي ميكانيكي بيشتغل فيه مع العلم ان التقفيل و الخامات و الاداء مش اد كده , دلوقتي بقت قطع غياره غاليه و اعادة البيع تعبانه مع نفس الخامات و التقفيل و الاداء الغير مشرف فبالتالي مبقاش صفقه رابحه زي الاول , الكوري دلوقتي شكل و شوية ابشنز رفاهيه مع غياب عوامل الامان الاساسيه, مع العلم ان ده مناسب لبعض الناس بس انا هيفدني ايه لما عربيه تبقي نازله بفتحت سقف و وقت الجد ملاقيش فرامل ولا ايرباجز, انا راكب اكسنت 2013 و مطلعه عيني خليك في ال 301 او شوف الشارك برضوا عربيه مكسره الدنبا اليومين دول و قيمه مقابل سعر ممتازه و خليك فاكر ان مفيش عربيه في الفئه دي فيها كل حاجه شوف انتا محتاج ايه و ممكن تستغني عن ايه و الله الموفق
ابعد عن ال301
مشكله فراملها تخليك تبعد التفكير فيها
الشارك فعلا مبيعاتها حاليه مرتفعه
اسف للاطاله بس في حاجه كمان جديره بالزكر لازم تحدد في الموضوع انت عايز ايه من العربيه عشان ردود الناس متبقاش متفاوته اوي و تشكك في اختيارك, لو محتاج عربيه تسافر بيها كتير غير عربيه للاستخدام داخل المدينه او عربيه موفره في البنزين الي اخره