يحصل ايه لو الزيت الزيت بقاله 12000كم

ارجو الافادة منكم لانكم خبراء
معايا لادا 1200 موتورها 2105 موديل 1994 حطيت فيه زيت ايكسون موبيل اماراتى 20-50 و غيرت فلتر من سنة و شهرين و معايا جركن زيه بزود منه الزيت و كده عديت 12 الف كم بيه - السؤال ده يضر الموتور و لا يعمل ايه مع العلم ان صوت الموتور طبيعى و العربيه شغالة زى الفل و لون الزيت زى لون الشاى و لزوجته كويسه زى ما جبته و ان 95% من سواقتى بالليل على الزراعى دمنهور اسكندريه صيف و شتا و الجركن التانى قرب يخلص اغير زيت ولا افضل ازود و مش بخل و الله ده كسل و قلة فضا لان بعد الشغل ببقى خلصان و شكرا ليكم

غيرو في اقرب فرصه ,كتير عليه

شوف يا اخى مبدأيا
شكل العربية على الطريق باردة بمعنى ان مؤشر الحرارة بيكون اقل منه في البلد ودا معناة انك مش مركب تورمستات الحرارة ودا غلط كبير جدا واجهاد للماتور وصرف بنزين كتير
ثانيا عربيتك يفضل تخليك فى الزيوت سريعة التغير يعنى كل الف كل 3 مش اكتر من كدة
ثالثا فى كل الاحوال الزيت لازم يتغير كل سنة كحد اقصى حتى لو مع ممشى قليل جدا
رابعا الزيت مع طول فترة التشغيل لزوجتة بتزيد وبيتقل وبالتالى بيجهد الماتور كتير ويبقى فية فرصة لترسبات كتير سواء للماتور او للفلتر
خامسا الزيت متعدد الدرجات له لزوجة وهو بارد وله لزوجة تانية وهو سخن انت قدرت تعرف منين انه لسة كويس
سادسا الزيت بينقص لية
خليك فاكر الزيت روح الماتور

الترموستات شغالة و العداد شغال و الحرارة بتزيد و تنقص عادى يعنى لو فى زحمة بيوصل للنص
العربية بتعمل 300 كم فى الصفيحة و ده من يوم ما اشترتها من سنتين لحد النهارده و الكل بيقولى استهلاك معقول
الزيت لزوجته و هو بارد و تقريبا نفس اللزوجة و هو سخن
العربية بتجيب سرعة 90 فى اول دواسة البنزين على النقلة الرابعة و ده العادى بتاعها و بيكون معايا ابنى و المدام اقصد ان مفيش اجهاد للموتور و الا كانت نعرت و صوتها اختلف و حرقت بنزين كتير فى كل مشوار
الزيت اكيد كمية بتتبخر و الباقى بشوف نقط زيت مسربة من عند البوجيهات بس اعربية ماشية فل
شرا على ردك

حطيت شيل الاصفر hx5 15-50 النهاردة ب 135 جنيه و بيقول انه ممكن يفضل 5000كم و غيرت الفلتر و الراجل قالى انت منزله بدرى و اتصدم لما قلتله ده شغال 12000 كم و تعب ف حل الفلتر و طبعا غسلت المكنة و العفشة و اتربطت و اتشحمت
ا عمرو نصر انا رحت للمبكانيكى و قالى ان عندى ترموستات كوعة و ان هو اللى كان مركبها قبل ما اشترى العربية من سنتين من صاحبى بس ممكن تكون عطلانة ع المفتوح