هيونداي كوبيه - بريليانس Fsv - بي ام دبـانة 316

السـلام عليكم ورحمة الله وبركاتة .

لفيت و دورت كتـير فى الموضوع دة بس لسه محتـار .

انا عـربيتى بريليانس fsv موديل 2010 , ماشية 43 آلف , تعتبر كسر زيرو فبريكا برة وجوة و الحالة العامة جيدة جدا .

دلـوقتى انا عـايز ابيعهـا لآن الموتور عندى 1500 , عايز اجيب عربية 1600 وفى نفس الوقت بحب الجـري و شغل الشباب اللى كلنا عارفينة .

ايه رئيكم بـفكر فى هيونداي كوبيه موديل 2005 شكل ريـاضي , عربية سبور .

وفي نفس الوقت فى دمـاغى دبـانة من موديل 93 لـ 96 مثلا المهم فى حدود تمن عربيتى من 70 لـ 75 . بس اللى مخوفني الصيانات وقطع الغيـار ومش هستمتع بيها بمكنة 1600 .

تنصحونى بـ ايه ؟ و ايه رئيكم فى الموضوع !

الوآحد محـتار يا رجـالة :(

انا فى راى هيونداى كوبيه لان الدبانه محتاجه ماتور 2000 سى سى عشان تعرف تجرى و تشد لان جسم العربيه تقيل اوى على ماتور 1600 و غير كده موديل قديم اشويه و لازم تجبها حاله نظيفه اوى عشان مش تتعبك و هى ازواق وده راى الشخصى

رئيك يُحترم طبعـا , وانا فعـلا بفـكر فى هيونداي كوبيه , بس رئيك تستاهل آنى ابيع عربية جايبها من الزيرو ! وماشية 43 الف عشان اجيبها وهتبقى موديل 2005 و معدية 90 الف كيلو او 100 كمان !
, طيب ايه رئيك فى الجولف 4 لو لقيتها بمكنة 1600 ! وتعملها كام ؟

بصراحه انا شايف ان حرام انك تبيع frv عربيه معاك من الزيرو و عارف كل اللى فيها وانا شخصيا بفكر فيها و عايز اعرف ايه رايك فيها كعربيه و الكوبيه 2005 و غالبا هتبقى مع شب طلع عنيها هههه اما الجولف 4 دى عشقى لانها اول عربيه جبتها بس كانت 1400 الجولف عربيه ثابته و شيك و جميله و ماتور ال 1600 ممتاز بس قطع غيارها نااااااااااااااااار و ده سبب بيعى ليها و انصحك بموديل 2002 بس لازم لازم تكون حاله نظيفه جدا عشان الالمانى لو متهان هيهينك و عن تجربه بالنسبه للاسعار حسب الحاله ممكن من 65 لحد 75 حسب حالتها

اللى معايا Fsv السيدان الـ frv الهاتش , عربية مُحترمة جدا بس مشكلتها ان الموتور 1500 بالنسبالي عشان بجـري كويس لكن لو مركب حد او بطلع من عربية 1600 بيبقي صعب شوية ومع التكيف صعب حبتين :D , لو عايز frv نصيحة خليك فى frv 2009 , مانوال 1600 , موتور ميتسوبيشي ومُحترم جداا .
بس رئيك بقي لو لقيت كوبيه 2005 نضيفة تستاهل اني اببيع واجيبها ولا هندم ؟

الكوبيه جرايا و عربيه شد بس خلى بالك فرق الموديل كبير دى عربيه بقالها عشر سنين شغاله فممكن تحس بفرق انا راى ان لو قدامك حاجه نظيفه جربها و سوقها قبل ماتبيع عربيتيك لو حستها تستاهل اتوكل على الله و اشتريها محستش بفرق يبقى بلاش