فك وتركيب مخرج aux لكاسيت افيو
السلام عليكم
من فترة كنت بدور علي موديولر عشان اتكلم في الموبايل واسمع الصوت في سماعات العربية والصراحة لقيت الانواع النضيفة غالية جدا.
المهم لاقيت واحد صاحبي عامل وصلة AUX في الكاسيت بتاعه، هو فك الكاسيت ولقي مخرج aux جاهز في ضهر الكاسيت. هو بس جاب الوصلة وركبها، يكاد يكون بدون تكلفة وتؤدي نفس الغرض والصوت تحفة.
انا حبيت افك الكاسيت عشان اشوف فيه مخرج aux في ضهره ولا لأ بس المشكلة اللي بتواجهني ان كاسيت الافيو صعب الفك. وخايف افكه بحاجة حادة لابوظ شكله.
فا لو حد جرب انه يفك كاسيت الافيو او يعرف معلومة ياريت يفدنا.
شكرا
