عايز أشتري تويوتا كورولا فتيش مانيوال حالة محترمة .. سعرها في حدود كام تقريبا عشان أعمل حسابي
شكرا يا رجالة
عرض للطباعة
عايز أشتري تويوتا كورولا فتيش مانيوال حالة محترمة .. سعرها في حدود كام تقريبا عشان أعمل حسابي
شكرا يا رجالة
بص هو الموضوع محير شوية موديلات الوكيل من الكورولا 2008 2009 فيه شوية خلافات . اولا العربية صناعة جنوب افريقي بالكامل . الفتيس الاتوماتيك بتاعها استيبترونيك (اوتو و مانيول) mmt وده فتيس فيه مشاكل بس هو مش بيبوظ خالص مشكلة كلها في الاداء و بينتش دايما وبينقل في اوقات غريبة احيانا وتم تعديلة عدة مرات في التوكيل واصبح معقول جدا وعليه ضمان مدي الحياة . العربية سعرها قل كتيير جدا عن موديلات التويوتا لو حالة ممتازة سعرها مش بيزيد عن90 بالكتير اوي اوي 95 . انا عمري مشوفت الموديل ده مانيول بس في الغالب مش هيزيد عن 85 لان اداء الموديل ده قليل شوية
موديل تويوتا كورولا من 2000 لحد 2007 المانيوال بتبقي في حدود 80 و لو حالة ممتازة ممكن 85 او اكتر حاجة بسيطة اهم حاجة حالة العربية تكون ممتازة . هو الصراحة صعب شوية انك تلاقي حد بيبيع تويوتا الا لما العربية تكون خلصانة بس ربنا يوففك
سيدى الفاضل
الاسعار ديه بعيد قوى عن الحقيقة وواللى يقولك اداء وبتاع يبقى فاهم طبعا ويمكن يكون ركبها كمان (بهزر طبعا)
انا أملك سيارة كورولا مانيوال هاى لاين موديل 2009 والحمد لله أداء واعتمادية واوبشنز
بكل امانه جالى فيها 121 الف جنيه ورفضت اواخر العام الماضى وهى واقفه فى الجراج بتاع الشغل ومن تاجر
على فكرة مش ناوى اغير او اجدد لانى مش حلاقى احسن من كده اداء ولا اعتمادية ولا اوبشنز
حضرتك انا ركبت وامتلكت جميع انواع الكورولا من اول 84 لحد 2013 . انا كلامي كله علي الmmt لاني مشوفتش ومركبتش ومسوقتش المانيوال الجنوب افريقي اللي مع حضرتك . انا اشتريت تويوتا 2008 فابريكة بالكامل مشيت 90 الف من سنة تقريبا لاحد اقاربي ب90 الف اقل فئة اوتوماتيك (تكيف بكر ومن غير مثبت) . انا سوقت العربية دي اثناء الشراء وبعديها وعملت مقارنة بيها وبين 2011 اللي هيا الشكل المعدل والفتيس الاوتوماتيك العادي وطبعا الموديل ده ياباني 100% فرق اكتر من شاسع في الاداء وفي العزم وفي التسارع وفي النقلات فتيس mmt كان مخلي اداء العربية سيئ جدا فالعربية بتنتش جامد وعشان احس بالعزم لازم اقلب مانيول واسيب الrpm لحد4 عكس الموديل الاحدث تماما .... حضرتك انا مش بقول معلومات لحد الا اذا كنت متاكد مما اقول ... تحياتي لك :M_yes[1]: