معلومات عن قطع غيار البريليانس ومعلومات هامة عن v5
انا بس حبيت افيدكم ببعض المعلومات وانا من اصحاب ال v5واول حد ركبها فى مصر و80000كيلو والحمدللة بالنسبة لبعض الناس بتسال عن قطع الغيار ,كل قطع الغيار متوفرة خارج التوكيل عند بشمهندس شريف صاحب محل ماستر لقطع غيار البريليانس كلها هوة مستورد وكمان بيورد للشركة الصينية(التوكيل) ولا الحوجة للتوكيل الا طبعا الناس الى فى الضمان العنوان 30شارع حافظ بدوى اخر شارع الطيران بجوار محكمة مدينة نصر الحى السابع والتليفونات 01019653845/01006328332/26712552 ,ولية صفحة على الفيسبوك باسم شركة ماستر وهوة كان شغال زمان فى التوكيل كمان وعندة خبرة كويسة وكمان فى ورشة قريبة منة مرسى وسامى وكانوا شغالين فى التوكيل وفاتحين ورشة وكهرباء وكمان عندهم جهاز كشف الاعطال قريبين من بشمهندس شريف اخر الطيران بعد مطعم ابورامى يمين فى اول ممر يمين وهما شغالين فى البريليانس بس / اما بقى بالنسبة لظبط الزوايا فالبرنامج موجود عند عمرو بدوى لظبط الزوايا فى شارع الطيران برضة نسخة2014 وكمان موجود عند اشرفكو / بالنسبة للتيل امامى وخلفى انا بركب من اول صيانة برة التوكيل تيل فرامل امامى وخلفى اوكتافيا / وبالنسبة للناس الى حابة تعمل فرش جلد وارضية انا عملتها عند جينز كار عند الحاج احمد مشعل فى مدينة نصر/ وكمان قزاز العربية كلة موجود عند ايمن الثلاثى فى مدينة نصر فى شارع الطيران برضة /اما بعض الناس بتقول العفشة ناشفة دة فى الاول بس لحد 5000كيلو بالكتير بتبقى ناشفة فى الاول وكل ماتمشى بيها بتطبع وتنعم معاك/ بالنسبة للابواب والشنطة بتبقى تقيلة وانت مع اول صيانة بتقولهم عليها يظبطوها او عند اى حد بتاع ابواب برة التوكيل وكمان لما بيحكمهم كويس فى القفلة صوت الهواء الى بيبقى من الابواب بعد سرعة ال100 بيمنع/ وكمان بالنسبة للسحب العربية بعد اول 1000كيلو لازم تفتح الموتور وتقرص على الغيار لحد لما اربى ام ينقل لوحدة عشان تفتح الموتور وسحبها جيد جدا وكمان بجيب بيها 175 وساعات180 على حسب الطريق والهواء اما العربية ثابتة جدا على الملفات والسرعات والغرز بجد وفرامل ممتازة /اما العيب الظاهر فى اغلب الشتغيلات علبة الدركسيون وبتتغير فى الضمان وفى ناس بتنتظر كتير لان العربية انتشرت جدا وعلى حد اخر تقرير من التوكيل ال v5 بايعة تقريبا 6000عربية وموجودة برضة عند استاذ شريف وارخص من التوكيل وفى منها معدل عندة برضة بمعنى عيب بيتصلح فيها/ كمان عجبنى عندة قوى عامل جلب للعربية فى مصنع هنا بخبرتة عشان تستحمل وزن العربية والطرق ودى احسن من الى نازلة فيها/اما العيب الاخر فى بعض العربيات ودة اقل من علبة الدركسيون وهوة التابلوة وبيتغير فى الضمان/اما اخر عيب سمعتة عند بعض الناس هوة لمبة الايرباج منورة وبيعملوها فى الصيانة/دول 3 حاجات الى ظهروا عند بعض الناس وفى ناس عيب واحد وفى ناس ولا عيب /لكن بصفة عامة صاج العربية القوى ووسعها وثباتها ورفاهيتها صفقة رابحة بكل المقاييس مقارنة باسعار عربيات اخرى اسف انى طولت ولكن حبيت افيدكم وياريت الموضوع لو يتثبت للافادة وتحت امركم وشكرا