استفسار ضروري بخصوص رشاشات m40

**A.Elmosallamy** · 26-02-2015 07:53 AM

السلام عليكم ورحمة الله و بركاته
طبعا بعد ماسمعت في المنتدي المحترم عن اداء العربية برشاشات bmw m40 قلت لازم اشتريهم خصوصا اني من بورسعيد و البضاعة الاستيراد كتير و بالمناسبة لو حد عايز يسأل علی حاجة او يطلب حاجة فانا تحت امركم
لما رحت اشتريهم الراجل قالي فيه رشاشات لموتور 4 سلندر و فيه 6 سلندر و فيه لموتور كامة و فيه ل 2 كامة و بيبدأوا من 200ج لحد 350ج طبعا عملي البحر طحينة ومعرفش كلامه صح ولا غلط فبعد اذنكم محتاج تفاصيل اكتر عن الرشاشات سواء صور او كود عشان اتأكد من اللي بشتريه
الف شكر لرد حضراتكم

**wael elsayed** · 26-02-2015 10:29 AM

متابع

**alassaby5** · 26-02-2015 02:05 PM

بص يا سيدى الرشاشات لل ام 40 كلها واحد بس احنا بنركب 4 سلنر لاكن 2 كامه او 1 كامه متفرقش انا جبتهم من الحرفيين وماشاء الله روعه وانا فكيتهم من على الماتو وهو كان اربعه سلندر ومتقولش للبياع انك هتركبهم للنوبيرا لانه هيشتغلك والماتور ده 1600 ومع ذلك حتى لو 1800 اللى بيتحكم فى كميه البنزين الكمبيوتر بتاع العربيه يعنى برضه مفيش خوف اهم حاجه انك تتفق معاه ان لو فى واحد او اكثر فيه حاجه يرجعولو وهم بيتراوح سعرهم من 200 الى 250 حسب طمع البياع وحسب نضفتهم انا صورتهم بس مش عارف انزل ليك الصوره اخل على جوجل واكتب رشاشات بى ام دبيو و هتظهر ومعلش انا ليا سؤال عندك لو ممكن تسالى عن وجهتين طنابير خلفى سكينه نوبيرا 2 بالويرات بتاعه فرامل اليد بدون مسعدين او سوست بكام عندك

**alassaby5** · 26-02-2015 02:27 PM

وادى يا باشا الصوره http://www.google.com.eg/imgres?imgu...d=0CB4QMygCMAI
بس اهم حاجه خلى بالك من لونهم لان اختلاف اللون معناها اختلاف الس سى ولاكن هم دول اللى انا مركبهم وكل اللى بيعدل مركبهم

**alassaby5** · 01-03-2015 03:27 AM

يعنى مفيش اى تعليق على الاجابه مفيش دى يعنى تخلى الواحد ميردش على حد بعد كده فطبعا ميصحش الكلام لصاحب السؤال وشكرا جذيلا

**A.Elmosallamy** · 27-03-2015 09:13 AM

المشاركة الأصلية كتبت بواسطة alassaby5

يعنى مفيش اى تعليق على الاجابه مفيش دى يعنى تخلى الواحد ميردش على حد بعد كده فطبعا ميصحش الكلام لصاحب السؤال وشكرا جذيلا

انا اسف جدا جدا جدا اني اتأخرت في الرد عليك بس انا فعلا من يوم ماكتبت الموضوع مدخلتش عالمنتدی بسبب ظروف شغلي ولا كمان عرفت اروح ادور عالرشاشات انا بقدملك اعتذاري مرة تانية و بشكرك علی المعلومات اللي انت قلتهالي

**alassaby5** · 01-04-2015 01:36 AM

المشاركة الأصلية كتبت بواسطة a.elmosallamy

انا اسف جدا جدا جدا اني اتأخرت في الرد عليك بس انا فعلا من يوم ماكتبت الموضوع مدخلتش عالمنتدی بسبب ظروف شغلي ولا كمان عرفت اروح ادور عالرشاشات انا بقدملك اعتذاري مرة تانية و بشكرك علی المعلومات اللي انت قلتهالي

لا اسف ولا حاجه احنا هنا اخوه واصدقاء واللى بيجرب حاجه بيحكيها ويقول عيوبها ومميزتها حبا فى الصداقه وانت اخ كريم

**A.Elmosallamy** · 01-04-2015 03:22 AM

المشاركة الأصلية كتبت بواسطة alassaby5

لا اسف ولا حاجه احنا هنا اخوه واصدقاء واللى بيجرب حاجه بيحكيها ويقول عيوبها ومميزتها حبا فى الصداقه وانت اخ كريم

الف شكر انا بتأسف خوفا على زعلك لأني محبش اكون مزعل حد مني وانا فعلا مشفتش أعضاء محترمين زي
اخواتنا اللي في المنتدى و أكيد حضرتك منهم
اما بخصوص الرشاشات فأنا مكنتش فاضي اروح ادور عليهم المهم خليت واحد حبيبي يقوم بالمهمة دي و اتصلت كمان بأكبر واحد عنده كل قطع غيار bmw الراجل قالي متدورش مش موجودين لو لقيتهم في القاهرة هاتهم والراجل اللي خليته يدور لقى طقم عند واحد وراح كشف عليه طلعوا مينفعوش " خردة "
انا بجد نفسي اجيب الرشاشات دي من اللي انا سمعته عنهم هنا عشان انا كده كده عايز اغير حضرتك تعرف اي حد ممكن اجيبهم من عنده ؟؟؟

**alassaby5** · 02-04-2015 08:32 PM

المشاركة الأصلية كتبت بواسطة a.elmosallamy

الف شكر انا بتأسف خوفا على زعلك لأني محبش اكون مزعل حد مني وانا فعلا مشفتش أعضاء محترمين زي
اخواتنا اللي في المنتدى و أكيد حضرتك منهم
اما بخصوص الرشاشات فأنا مكنتش فاضي اروح ادور عليهم المهم خليت واحد حبيبي يقوم بالمهمة دي و اتصلت كمان بأكبر واحد عنده كل قطع غيار bmw الراجل قالي متدورش مش موجودين لو لقيتهم في القاهرة هاتهم والراجل اللي خليته يدور لقى طقم عند واحد وراح كشف عليه طلعوا مينفعوش " خردة "
انا بجد نفسي اجيب الرشاشات دي من اللي انا سمعته عنهم هنا عشان انا كده كده عايز اغير حضرتك تعرف اي حد ممكن اجيبهم من عنده ؟؟؟

فى موجود فى الحرفيين كتير واللى انا اشتريت منه رقمه 01222639618 اسمه محمد ده شاب محترم بس فاصل معاه