مشكلة في فتيس 406 - Automatic Gear Fault

**SYD** · 26-02-2015 09:42 AM

بسم الله الرحمن الرحيم

السلام عليكم ورحمة الله وبركاته

أخواني الأعزاء في قسم بيجو نايل موتورز
تحية طيبة،،

العربية بيجو 406 موديل 2002 المكنة السودا
بداية الحكاية ان كان في ترشيح بسيط في زيت المحرك وزيت الفتيس
وبعد الكشف تم التشخيص علي ان التسريب من اويلسيل الكرنك بالنسبة لزيت المحرك
واويلسيل الكوبلن لزيت الفتيس

والميكانيكي قال هنغير كمان فلتر زيت الفتيس وقاعدة الموتور وطبعاً هنغير بالكامل زيت المحرك وزيت الفتيس

تم شراء قطع الغيار من أحمد فهمي في المنيب
والأصلاح في ورشة ابراهيم بكر في المريوطية - هرم

أثناء الصيانة تم تغيير حساس الباور وحساس ضغط زيت الفتيس وحساس الكرنك

النتيجة:
السيارة بطيئة جداً جداً جداً في طلعتها وتقيلة اوي اوي اوي في مشيها لدرجة اني لما بحط الفتيس علي الغيار الـD العربية مش بتتحرك من مكانها وعشان احركها بضغط بنزين جامد لحد 2 rpm ومع ذلك بردو الطلعة تقيلة جداً وبطيئة جداً

الفتيس مشيه مش عاجبني
اولا روح الغيارات بقت طويلة جداً جداً ومش بتغير عند نفس عدد اللفات اللي انا كنت متعود عيها عند مقدار ضغطة بنزين معينة
يعني مثلا انا بالضغط الخفيف كانت العربية بتغير عند 2 او 2.25 بالكتير - ولما تغير للأعلي كانت عدد اللفات بينزل لحد 1.5 او 1.75 تقريباً
وطبعا تفضل تعلي لحد 2 او 2.25 وترجع تنقل للغيار الأعلي وهكذا لحد الغيار الرابع

وطبعاً التسارع كان ممتاز واقل ضغطة بنزين بحس بأثرها - اولاً في الـRPM ثانياً في السرعة والأستجابة كانت فورية سواء من الفتيس او من المحرك
دلوقتي للأسف مفيش اي حاجة من دي

كمان مع الفرامل كان الفتيس بيسقط نقلات وبيكلبش العربية
دلوقتي مفيش اي حاجة من دي بتحصل

بالنسبة للغيارات
بحس بنتشة في الثالث بالذات ملحوظة اوي
لكنها اخف شوية في الأول والثاني وماحستهاش في الرابع لأنه مش بيجي كتير معايا بسبب اني بوصل للـ90 وهي لسة علي الثالث والـrpm علي 3 ومع ذلك مش راضية تنقل للرابع
الغيار R العربية بتمشي كويس اوي ومش بحتاج ادوس بنزين اصلاً
كمان بلاحظ انها الصبح بدري بتكون مظبوطة شوية وطلعتها احسن لحد لما ابدأ ادخل في الأشارات بعدها بتتبرجل وبحسها تحت رجلي بتعمل دبة كأنها مورت وتبدأ في شغل التقل وعدم الأستجابة

كشفت عند ميكانيكي رينو علي المريوطية اسمه محمد صلاح لتشابه الفتيس بتاع البيجو مع فتيس الرينو
تعليقه ان العربية كويسة اوي والفتيس بيجيب الأربع نقلات بشكل جيد جداً وان الفتيس سليم 100%
بس هو كان بيسوق سواقة عنيفة جداً مختلفة تماماً عن سواقتي
وفي النهاية قالي محتمل تكون عايزة تتبرمج من اول وجديد ولازم اكشف عليها بالجهاز بتاع بيجو

النهاردة وانا رايح الشغل لاحظت ان لمبات الـS والـSnow بينورو ويطفو مع بعض ولما بطلت وفتحت كونتاكت كتبلي علي الشاشة Automatic Gear Fault

انا دلوقتي مش عارف اروح بيها فين او اعمل فيها ايه

ارجو الأفادة

تحياتي للجميع
والله المستعان
،
،

**SYD** · 26-02-2015 10:23 AM

دة واحد عنده نفس مشكلتي
406 Automatic gear fault

تفتكرو الحلول المكتوبة دي ممكن تجيب نتيجة ؟

**SYD** · 26-02-2015 10:36 AM

ملحوظة:
الميكانيكي حط 6 لتر زيت في الفتيس
والميكانيكي بتاع الرينو قالي كدة كتير اوي

تحياتي

**SYD** · 26-02-2015 10:39 AM

ايه رأيكو في الكلام دة؟؟

oil in the al4 will look horrible after a while and as long as it has no bits in it and does not smell burned, the 'box will live for a while longer.

The fault codes suggest your gear position switch needs a clean-up, the code 68 that the oil pressure is a little low and the third may be a red herring. How did he read these codes as i suspect they were not read using the pukka pug diag2000/ cit lexia diagnostic kit which will tell you far more in text and not by fault numbers.

Change the oil soonest but note there is a special procedure to do this and not all of it can be drained as the torque convertor holds a large quantity that cannot be drained.

The guide on how to do this is in a post in the citroen forum but here it is again:

al4 oil change guide

note very carefully that this operation must be carried out at 60 degrees c and even more importanly, you must only use esso lt71141 oil. Never use ordinary dexron atf as this will kill the 'box! Esso lt is golden in colour and looks like ordinary engine oil.

Esso lt71141 looks like liquid gold and costs roughly the same. It is expensive and best bought in a 20l drum, especially if you do a succession of partial changes.

As it's impossible to fully drain the 'box. I'd carry out at least three partial changes in reasonably quick succession.

It's not a bad idea to replace the oil filter but that's a gearbox off and strip apart job. Not trivial at all.

After the oil is changed, you must then have the oil wear indicator reset and this can only be done using a diag2000 or a lexia. If the oil wear indicator trips, the sport and snow lights will flash and the gearbox will enter "limp home" or "emergency 3rd" mode where the only gears available is third and reverse.

The al4 is verty similar to the zf 4hp20 and much the same applies. There is plenty written in this forum on the 4hp20, including how to strip one!

If you want to delve further into the wonderful world of autoboxes, i have a load of valuable information on the al4.

http://www.frenchcarforum.co.uk/foru...ic.php?t=26877

**ayman hamdy** · 26-02-2015 11:22 AM

المشكلة عند حضرتك ببساطة شديدة هو ان فى زيادة فى زيت الفتيس ودة اللى مكلبش العربية وممكن يضرب اويل سلات الفتيس
الحل نزل الزيت الزيادة بسرعة
فتيس ال 406 بياخد 4 لتر ونصف لو كود موتورك ( xu10j4r(rfv
اما لو كود موتورك( ew10j4(rfr يبقى 3 لتر فقط لاغير
تحياتى

**SYD** · 26-02-2015 02:51 PM

المشاركة الأصلية كتبت بواسطة ayman hamdy

المشكلة عند حضرتك ببساطة شديدة هو ان فى زيادة فى زيت الفتيس ودة اللى مكلبش العربية وممكن يضرب اويل سلات الفتيس
الحل نزل الزيت الزيادة بسرعة
فتيس ال 406 بياخد 4 لتر ونصف لو كود موتورك ( xu10j4r(rfv
اما لو كود موتورك( ew10j4(rfr يبقى 3 لتر فقط لاغير
تحياتى

انا شكي مش بس في الزيت الزيادة
لا كمان في نوعية الزيت نفسه
لأنه حاططلي الزيت ابو 120 جنيه

شكراً علي مشاركتك

المشاركة الأصلية كتبت بواسطة ahmed2y

هو طبعا اظاهر فى عك حصل فى العربية العربية عاوزة حد بيفهمها هو متخصص بيجو ؟‎ ‎

المشاركة الأصلية كتبت بواسطة ahmed2y

فى مكانيكى فى الزاوية اسمة محمد زكى وجنبة كهربائى اسمة زكاريا الاثنين كانو فى التوكيل وفهمين هما فى الزاوية لو حابب ابعتلك الارقام لانى بتكتب من الموبيل ابعتلى وارد عاليك باليل

ياريت يا باشا لو عنوان وارقام تليفونات
وايه رأيك في خالد بتاع صقر قريش ؟؟؟

شكراً علي مشاركتك

**SYD** · 26-02-2015 02:58 PM

[QUOTE=م أحمد;3875897129]6 لتر إزاى بس !!!

دا مش كتير اوى ....دا افترا

العربية بتاخد 4 لتر الا لو فك الفتيس بالكامل و محول العزم فضى من الزيت بتاخد 6 لتر لفتيس AL4 و 8 لتر لفتيس 4hp20 و نتيجة الضغط الكبير جدا الزائد درجة حرارة الفتيس بترتفع و لمبات ال s و ال * بينورو
[QUOTE]

معلش يا باشا انا للأسف علي قدي في البيجو ولسة ماحفظتش اكوادها
ياريت تقولي AL4 دة فتيس المكنة السودا ولا الكريستالة

بينورو فى حالة قلة الزيت او ارتفاع درجة الحرارة او انتهاء صلاحية الزيت او احتياج عداد تغيير زيت الفتيس للتصفير زى ما مكتوب فى المشاركة اللى انت كاتبها

بالظبط دة اللي انا شاكك فيه
درجة حرارة الزيت !!
لأني لاحظت بردو مع الجري علي الدائري لمسافات، الفتيس بيظبط
بالأضافة طبعاً لأنه بيكون مظبوط الصبح بدري واول لما ادخل في الأشارات يبدأ في البرجلة
وطبعاً بعد مشوار سخن من الهرم لمدينة نصر علي الثالث كانت لمبات الـSوالـSnow نورو

ممكن هو حط ال 2 لتر الزيادة علشان يعمل حساب الزيت اللى تسرب من كاوتشات الكوبلن

برضه فى حساسات الفتيس بتتغير و يتعمل سوفت وير ابديت

حضرتك تروح عند ميكانيكى بيجو يقلل لك الضغوط لان الفتيس كمان فى ضبط يدوى و يا حبذا لو عنده جهاز علشان بعد ما يقلل يرجع يقيس الضغوط عند مختلف الغيارات

عندك م/أحمد غلوش فى الحرفيين و عنده برنامج البيجو
عندك عم محمد زكى فى الزاوية و جنبه زكريا الله يسامحه عنده الجهاز و البرنامج

او لو تعرف فك طبة زيت الفتيس و قلل 3/4 لتر و جرب سواقة تانى شوف ايه الوضع

هو غير حساس ضغط الزيت للفتيس
بس اللي انا متأكد منه انه ماعملش سوفت ويير ابديت ولا حتي ريسيت

انا عموماً وانا مروح النهاردة من الشغل هعدي علي محل زيوت جمب الشغل عندي وهنزل الزيت الزيادة واعمل ريسيت

تحياتي لشخصكم الكريم وشكراً علي مشاركتك

تحياتي للجميع

الموضوع: مشكلة في فتيس 406 - Automatic Gear Fault

LinkBack

أدوات الموضوع

عرض

مشكلة في فتيس 406 - Automatic Gear Fault - انشر الموضوع فى :

-

-

-

-

-

-

المواضيع المتشابهه

رسالة Electronic fault و مشكلة فى التكييف

فتيس Nissan sunny 2008 Automatic

Automatic Gear Box Oil Change

مشكلة في Gear Box في ميجان 2

Proton WIRA automatic or Sirion automatic or AVEO automatic?????????

الكلمات الدلالية لهذا الموضوع

المفضلات

المفضلات

ضوابط المشاركة