■ليه تركب جيب؟ (للمناقشه)■

**احمد فهمى** · 27-02-2015 08:27 AM

المشاركة الأصلية كتبت بواسطة bluemail

موضوع رائع الحقيقه زي كل مواضيع حضرتك

هو الحقيقه انا نفسي اركب جيب "لبيرتي" تحديدا علشان .... احس اني مستوي أعلي من البشر :d
اللي متعقد من المطبات والطرق اللي زي النيله و اللي بيتكسرله فوانيس كتير واكصدامات زي حالاتي بيبقي نفسه يركب جيب ويحطلها دفيندر امامي وخلفي وخلي .... يقرب من العربيه , ساعات بفكر اركب نيفا واركبلها دفيندر امامي وخلفي
عربيات موديل 2002 لسه فابريقه بره بالكامل تخيلوا ؟!
بس برضه الفكره ان اللي يركب جيب لازم ما يفكرش في استهلاك بنزين ولا ضريبه ولا صيانه وقطع غيار
عربيه بتيدي بريستيج تاني خالص "الشكل الجديد من 2002 وانت طالع ليبرتي وباتريوت وكوماندور و kk "
العربيه دي مناسبه لمستوي معين مع احترامي للجميع يعني ماينفعش موظف مثلا يركب جيب

كلام صحيح وانا بفضل اللي يركب جيب ميشتريش مواسير نيكل من بتاعت التريوس ويركبها ورا ولا فى الجناب لا خليك اصلى يعنى كل الجيب له القاطره الصلب الخلفيه اصلي ودي رربنا يتولى اللى هيخبطك من ورا او الناس الظريفه اللي وهى بتركن ميقفش غير لما يخبطك بجد هتسيبلهم هديه تخليهم يحسنو طريقتهم فى السواقه

والعتب اشتري اصلى حتي لو خلع من عربيه استيراد واودام نفس الوضع بلاش تركب العك اللي بيوصل للفوانيس ﻷن مفيش عربيه بتوصل للفوانيس اصلآ اكصدامك فشنطة العربيات غير كده لو خبط حد ممكن الدفندر نفسو يكسرلك وش العربيه وانا افضل القطع الاصليه وركيبة العربيات بشكل عام مبيركبوش اي حاجه فعربياتهم والله الواحد بشوف بلاوي واظرف حاجه فى الجيب تحسسك ان الناس كلها مؤدبين

ده الجبن سيد الاخلاق

**Mecha** · 27-02-2015 11:03 AM

لتعلبه او trooper

**Mecha** · 27-02-2015 03:04 PM

المشاركة الأصلية كتبت بواسطة احمد فهمى

تجربتي ببساطه بسبب طبيعة حياتي عندي ارض زراعيه بعد كفر الشيخ والزراعي طريق ربنا يبعدكو عنو المطبات معموله للنقل الملاكي مش محسوب غير فى الشتا طبعآ اسطوره من الطين والطرق العايمه كل ما يخطر علي بالك من بلاوي ويا ما اتحبست فى اماكن بسبب عدم القدره علي مواتاة الوضع واضافه لده شخلى فى مكال البناء ومعاينة المواقع طبعآ أسوأ من اللى فات طرق صخريه ورتش مباني ورمل وتحميل خامات بالتالى فكرت فدفع رباعى وكنت هشتري رانجلر 2010 لكن صاحبى طلع ندل للأسف واتكسف يقول جالو سعر اعلي بعد ما اتفقنا وباعها بالتالى متوفقتش وطبعآ عرفت صاحبي وكانت فرصه كويسه ..

فكرت فكرت فشروكي 2001 بس لاقيتهم حالات ضايعه واتوفقت فى اكس تريل والحمد لله انجاز بجد بالنسبه لكل السيدان والكروس اوفر وعملت بيها كل ما فشل في السيدان وللأسف اكتشفت موضوع غريب ان المصريين شعب جبان بجد محدش بيزنق او يعمل عبيط مع ان الاكس تريل شكلها مش مخيف زى الجيب بس عامله شغل وطبعآ احساسك فى الزحمه وانت شايف من فوق سقف العربيات ملوش حل بس فعلآ شاسيه الجيب زى الشيروكي والرانجلر اسطوره يعني تركب قاطره صلب اصلي وتلاقي مكانها في الشاسيه مرعب صلب 5 ملي موضوع ملوش تمن عشان كده ربنا يوفق فى شيروكي 2000 فما فوق الموديل ده هو الوحيد والرانجلر اللى فدماغى بس الرانجلر اسعارها بقت عبط يعنى لو هدف الرقم ده اجيب تيوتا فورتشنر ودى على شاسيه نقل مرعب انا بفكر اجيب الشيروكي دى حاله سليمه وجنبها كرولا او اي حاجه صغيره بدل ما اجيب عربيه واحده برقم كبير خصوصآ انى هنزل برادو قريبآ من بره ان شاء الله وبالنسبه للمصاريف اكيد لو الاعتماديه الكامله على الجيب هتصرف قطع غيار والبنزين مش القصه انا مش موظف بضرب 4 ساعات فى الزحمه كل يوم وطبعآ اللى استخدامو تحت ال10 الاف كيلو فى السنه يشتري عربيه 12 سلندر عادى مش هيحس بكارثه ...

وبجد يا جماعه شعور الدفع الرباعى والطريق مقفول وتقوم سايبهم وداخل فى الرمل للطريق التانى او تدخل فى منطقه وانت عارف محدش هيعرف يخش وراك دي قصة تانيه انا فاكر كنت بعمل معاينه فى سوما باي ودخلت ورا الفندق وبتوع امن الفندق كان معاهم عربيه نيفا وعربيه تاويه اوبترا انا شايفهم بيحولو يدخلو ورايا ومش عارفين وبعد ما خدت العينات وكان معايا 3 فى العربيه وانا خارج طلعت بيهم تل كده عشان اعقد بتوع الامن عشان يقابلوني لازم يلفو لفه خياليه وبعد ما نزلت وقفت استنيتهم لقيتهم جايين بيضحكو طبعآ الدفع الرباعى عالم يا جماعه له ناسو

كدا حضرتك عاوز عربية شغل فعلا ,زي الهايلكس ,نافارا,لاند كروزر hzj

**mohbasyouni** · 27-02-2015 03:43 PM

انا مستنى الموضوع ده من زمان عايز اخد قرار جيب ولا سيدان كنت قلقان فقط من الاعتمادية و الاعطال فى الجيب

**احمد فهمى** · 27-02-2015 09:48 PM

المشاركة الأصلية كتبت بواسطة mecha

كدا حضرتك عاوز عربية شغل فعلا ,زي الهايلكس ,نافارا,لاند كروزر hzj

طبعآ انسب حاجه بس الاسعار خيال الهاي لوكس دبل كابينه دفع رباعى ومانيوال مستعمل فوق ال250 ال4 جنيه ورخصه نقل اذا الشيروكي تقوم بالواجب خصوصآ العفشه الخلفى ورق زي النقل

**م/أحمد عبد الفتاح** · 27-02-2015 10:10 PM

انا ليا رأى فى موضوع التويوتا الدبل كابينة :
لو انت ماشى بيها ومحمل حمولة تمام بتبقى كويسة - لكن لو لوحدك او معاك ركاب تانيين وخصوصاً على الكنبة الخلفية حتحس انك راكب مرجيحة بتبقى خفيفة جداً - كمان الناس اللى ورا حتكره عيشتها بسبب الخبط فى ضهرهم.

**م/أحمد عبد الفتاح** · 27-02-2015 10:38 PM

الموضوع بتاع العربيات بصراحة ومنطقية بيبقى حسب رغبة الواحد - كل واحد عارف استخدامه ايه واحتياجه للعربية فى إيه - بس نصيحة لكل واحد راكب عربية ومريحاه يسيب نفسه خالص بالوضع ده ومايلعبش فى حاجه لأن العربيات الجديدة بقت زى القديمة بالظبط يعنى انت وبختك ممكن اتنين يشتروا عربيتين عالزيرو نفس الماركة والموديل فى نفس اليوم وتلاقى واحدة ماشية تمام وواحدة تعبانة من اول يوم ( اصوات طقطقة - فرامل - دبه فى العفشة - موتور بيرعش - زوايا - إلخ ) ولما تروح التوكيل تشتكى يقولولك بس استنى عليها شوية لسه بتطبع وكلام هجايص من ده - وساعات يقولولك استنى شوية حاينزل سوفت وير جديد حايظبط كل حاجه !!!!!
والملحوظة الجديدة فى العربيات الحديثة اللى عالزيرو دلوقتى ان قطع غيارها بقت بتستهلك بسرعة - فيه ناس غيرت تيل فرامل فى ماركات كتير عالزيرو مرتين وتلاتة فى ١٠ الاف كم بس وده فى التوكيل اثناء الضمان ببلاش وفرحانين جداً !!!! طيب حاتعمل ايه بعد الضمان ؟؟؟؟؟
ده كمان بالإضافة للصنايعية اللى مش راضيين يسايروا التقدم العلمى السريع فى العربيات وبيستغلوا جهل المستخدم بانهم يقعدوا يغيروا فى حاجات كتير لغاية مايوصلوا للعطل الاصلى - كلهم كده حتى لو عامل نفسه مساير للتكنلوجيا وجايب سكانر ولا لاب توب فى الورشة بتاعته وشغال على ودنه وعمال يفتى وانت تكع دم قلبك فى تغيير سنسورات وبلاوى لمده اسابيع لغاية مالعربية تتصلح !!!! وهذا الكلام ينطبق على التوكيلات ومراكز الصيانة المعتمدة كمان ساعات بتسيب العربية بالتلات شهور علشان تتصلح ويقعدوا يشتغلوك ويقولولك القطعة الناقصة اتشحنت وجاية فى الطريق وهما اصلاً مش عارفين يوصلوا للعطل - والمستخدم الغلبان ماقدامهوش حل تانى وعامل زى الغرقان المتعلق بقشاية - الكلام ده مش بقصد بيه فئة معينة من العربيات انا باقصد بيه كل العربيات الجديدة مهما زاد او قل تمنها.
علشان كده التفكير المنطقى لأى حد عملى انه يشترى عربية مستعملة سيدان يقوم يلاقى العربيات السيدان المستعملة بقت غالية مثلاً عربية سيدان بـ ٧٥ الف جنيه وبعدين يلاقى شيروكى تسعينات بنفس التمن يقوم يطمع شوية ويقول حاتنفع فى المطبات وعربية عالية - والطمع هنا مش عيب ده طمع منطقى وحق لاى حد يفكر التفكير ده - بس البنزين !!! بس الضريبة !!!!!بس قطع الغيار غالية !!!!! بس العربية مش مريحه !!!! بس !!!!! بس !!!! ومليون بس !!!! ويقعد يفكر مليون مرة يعمل ايه ؟؟؟؟؟ كلنا هذا الرجل :)
الجيب مش بتاعة بس - لو عاجباك اشتريها واركبها ولو فيها حاجه صلحها - العربية الوحيدة اللى ممكن تعمل فيها اى اصلاحات او تعديلات وحتنجح - لو فكرت وقلت بس- ماتشتريش جيب
معلش طولت عليكم بس والله انا مانا عارف ايه اللى حصل فى العربيات ؟؟؟؟

**احمد فهمى** · 27-02-2015 11:56 PM

المشاركة الأصلية كتبت بواسطة م/أحمد عبد الفتاح

الموضوع بتاع العربيات بصراحة ومنطقية بيبقى حسب رغبة الواحد - كل واحد عارف استخدامه ايه واحتياجه للعربية فى إيه - بس نصيحة لكل واحد راكب عربية ومريحاه يسيب نفسه خالص بالوضع ده ومايلعبش فى حاجه :m_yes[1]: لأن العربيات الجديدة بقت زى القديمة بالظبط يعنى انت وبختك ممكن اتنين يشتروا عربيتين عالزيرو نفس الماركة والموديل فى نفس اليوم وتلاقى واحدة ماشية تمام وواحدة تعبانة من اول يوم ( اصوات طقطقة - فرامل - دبه فى العفشة - موتور بيرعش - زوايا - إلخ ) ولما تروح التوكيل تشتكى يقولولك بس استنى عليها شوية لسه بتطبع وكلام هجايص من ده - وساعات يقولولك استنى شوية حاينزل سوفت وير جديد حايظبط كل حاجه !!!!!
والملحوظة الجديدة فى العربيات الحديثة اللى عالزيرو دلوقتى ان قطع غيارها بقت بتستهلك بسرعة - فيه ناس غيرت تيل فرامل فى ماركات كتير عالزيرو مرتين وتلاتة فى ١٠ الاف كم بس وده فى التوكيل اثناء الضمان ببلاش وفرحانين جداً !!!! طيب حاتعمل ايه بعد الضمان ؟؟؟؟؟
ده كمان بالإضافة للصنايعية اللى مش راضيين يسايروا التقدم العلمى السريع فى العربيات وبيستغلوا جهل المستخدم بانهم يقعدوا يغيروا فى حاجات كتير لغاية مايوصلوا للعطل الاصلى - كلهم كده حتى لو عامل نفسه مساير للتكنلوجيا وجايب سكانر ولا لاب توب فى الورشة بتاعته وشغال على ودنه وعمال يفتى وانت تكع دم قلبك فى تغيير سنسورات وبلاوى لمده اسابيع لغاية مالعربية تتصلح !!!! وهذا الكلام ينطبق على التوكيلات ومراكز الصيانة المعتمدة كمان ساعات بتسيب العربية بالتلات شهور علشان تتصلح ويقعدوا يشتغلوك ويقولولك القطعة الناقصة اتشحنت وجاية فى الطريق وهما اصلاً مش عارفين يوصلوا للعطل - والمستخدم الغلبان ماقدامهوش حل تانى وعامل زى الغرقان المتعلق بقشاية - الكلام ده مش بقصد بيه فئة معينة من العربيات انا باقصد بيه كل العربيات الجديدة مهما زاد او قل تمنها.
علشان كده التفكير المنطقى لأى حد عملى انه يشترى عربية مستعملة سيدان يقوم يلاقى العربيات السيدان المستعملة بقت غالية مثلاً عربية سيدان بـ ٧٥ الف جنيه وبعدين يلاقى شيروكى تسعينات بنفس التمن يقوم يطمع شوية ويقول حاتنفع فى المطبات وعربية عالية - والطمع هنا مش عيب ده طمع منطقى وحق لاى حد يفكر التفكير ده - بس البنزين !!! بس الضريبة !!!!!بس قطع الغيار غالية !!!!! بس العربية مش مريحه !!!! بس !!!!! بس !!!! ومليون بس !!!! ويقعد يفكر مليون مرة يعمل ايه ؟؟؟؟؟ كلنا هذا الرجل :)
الجيب مش بتاعة بس - لو عاجباك اشتريها واركبها ولو فيها حاجه صلحها - العربية الوحيدة اللى ممكن تعمل فيها اى اصلاحات او تعديلات وحتنجح - لو فكرت وقلت بس- ماتشتريش جيب
معلش طولت عليكم بس والله انا مانا عارف ايه اللى حصل فى العربيات ؟؟؟؟

فكرتنى بموضوعين كنت عاملهم واحد مستقبل السيارات فمصر وموضوع وفاة اوبل فمصر وده بسبب كل ما سبق من كلامك ..
والجيب بالفعل موضوع ولازم الناس تفهم انها بالفعل لها ناسها اللى فاهمين دي ايه واستخدامها ايه وعترفين كل المشاكل ومتقبلنها بسبب عدم توافر بديل لهم بالقوه دى والسعر والاحتياج

-

الموضوع: ■ليه تركب جيب؟ (للمناقشه)■

LinkBack

أدوات الموضوع

عرض

-

-

-

-

-

-

-

المواضيع المتشابهه

دعوه للمناقشه

ممكن تركب تاكسى وممكن تركب فصل

تركب e36 موديل 2001 حتى 2003 ولا تركب e90 موديل 2006 ؟؟

موضوع للمناقشه

الكلمات الدلالية لهذا الموضوع

المفضلات

المفضلات

ضوابط المشاركة