دى اللي كانت 2800 ومنغير فتحة سقف ورفا فها فيها مسامير واطحه وفوانيس علي السقف بس قليل منها اوى
عرض للطباعة
متابع
طيب لو سمحت الشيروكي 2001 و2002 تعمل كام تقريبا وممكن فكرة عامة عنها من قطع غيار أستهلاك بنزين مشى جوة المدينة فى الزحمة طبعا وهكذا - انا بصراحة عيز عربية تستحمل المطبات الغريبة اللى بنشوفها وتستحمل سفر عادى وجرى طبعا لانى معايا هوندا سيفك ومتعود على الجرى واتعقدت منها بسبب وطيانها وتكون عائلية ومساحة تخزين كبيرة فى الشنطة يعنى عربية أعتمادية وأستخدامها عادى ومتبقاش عايزة مرتب تانى هههه اسف على الأطالة اة ومتقولش موديلات بأسعار عالية يعنى من 80 ل لأ كفاية 80 ههههه
بصو ياشباب انا حكى قصت عشقى للجيب وخصوصا اللرانجلر بوجه الخصوص
انا كان معايا الكورى والالمانى واخيرا ركبت الرنجلر
الرنجلر قصه عشق صعب حد يفهما لو هنحسبها من كتر من ناحيه
اول ناحيه الاقتصاديه البنزين هقول انا بحط ذياده عن اى عربيه كل اسبوع 100 حوالى 35 لتر
يعنى شهريا 100*4=400
سنويا 400*12=4800
معلش دول مش كانو هيقدو تمن تصليح خطبه فى المرغنى من كام شهر ماشى فى امان الله لقيت مينى باص كبير لبس فيا فى ظهر لدرجه العربيه اندفعت للامام ولبست فى جيتا قدامى ههههههههه
طبعا انا كان حامى ظهرى بعد ربنا الجنط الخلفى ومن قدام اكصدام كبير امتص الصدمه والله بدون مبالغه انا كنت نازل مش عارف الخبطه فين عشان اتخانق ههههههه
طبعا بتاع الجيتا جاب شنطه وفانوس
والمينى باص اتكسر لى فانوس
المهم يعنى ال5000 دول ماكنوش هيقضو تصليع خبطه لو معايا مثلا البى ام كنت دخلت فى لا يقل عن 10 الف
تانى حاجه من ناحيه القوه فى السواقه
انا دلوقتى تقريبا لا استخدام المريا الجانيه الناس هى الى بتوسع ليا اى رصيف فى البلد مستباح ليا اطلع انزل اركن انام فوق اى رصيف عادى
قطع الغيار رخيصه اكتر من اللنترا الى كانت معايا
الفانوس الامامى كان بيعدى ال2000 جينه
عندى بحوالى 600 جينه من التوكيل ا
الخلفى 400
واصلا عمرهم ما اتكسرو والحمد لله لا اعتقد انهم هيتكسر عشان بعيد عن اى خبطه
االموضوع كبير اكبر من بنزين وترخيص واى حاجه ودى صورة حببتى
http://www9.0zz0.com/2015/03/06/00/357719566.jpg
ربنا يباركلك فى عربيتك ...
متفق معاك فى ان العربيات العالية .. ليها طابع خاص .. و الى بيحبها ... ياخدها كدة على بعضها .. حلوها و مرها
فيه ناس كتير بتسأل عن الجيب و هى مقدمة رجل و مأخرة رجل ..... و تسأل عن استهلاك البنزين ... اسعار قطع الغيار ... طيب ممكن نركب غاز طبيعى ؟!! ... طيب ممكن نركب كربراتير اصغر ؟!! و الكثير من الاسئلة التى تبين قلق السائل و عدم اقتناعه التام بالجيب
و اختلف مع حضرتك فى باقى ما ذكرته ....
الناحية الاقتصادية ...
استهلاك البنزين ... اكتر من الى حضرتك ذكرته .... ( بالنسبة لتجربتى و مشوارى )
انا معايا لانسر 1300 .. و بليزر 5700 ... البليزر بتستهلك اد اللانسر 3 مرات فى الفلوس ... و كنت بحط للبليزر بنزين 80 و لللانسر 92 ... تقريبا البليزر كان بتستهلك فى الاسبوع 160 جنيه بنزين 80 .. و اللانسر 50 جنيه بنزين 92
فالفرق فى الاسبوع تقريبا زى ما حضرتك ذكرتك .... و لكن ... ساعات كتير مش بلاقى بنزين 80 ...فبجط 92 ... مش بحب احسب الفرق ساعتها علشان متعقدش
قطع الغيار ....
بغير 8 بوجيهات بدلا من 4 بوجيهات
الصيانة الدورية ....
بزود زيت كارونتين و فتيسين ... فى حين ان اللانسر زيت الفتيس فقط
بشحم العربية و فيها 6 صلايب + 2 بيض العجل +مشرشر كردان الغرز + دواسة الدبرياج
المصنعية بتكون تقريبا مرة و نصف اى عربية تانية ... و ده فى اقل الاحوال
اما عن ناحية القوة فى السواقة ....
ما ذكرته حضرتك كعنصر امان ضد اخطاء الغير صحيح تماما .... بس اخطاء حضرتك ضد الغير اخبارها ايه ؟؟!!!!!
غلطت مرة و انحرفت قليلا و لم انظر فى المراية و انا بلف يمين ..... خبطت فى باب عربية شاهين ... كسرت الاكرة و الزجاج و المراية ده غير سمكرة الباب ... و الموضوع كلفنى 400 جنيه تقريبا من حوالى 4 سنوات
العربية اتحركت بعد ما ركنتها بساعتين تقريبا ( و هى راكنة تحت البيت ) ... علشان نسيت اشد فرامل اليد او اعشقها و مشيت لوحدها فى الشارع حوالى 30 متر .. و الحمد لله انى كنت كاسر الدركسيون شوية يمين ... طلعت فوق رصيف جراننا ... و وقفت قبل سور منزلهم ب 20 سم ... الحمد لله ان مفيش عيل صغير كان بيلعب فى الشارع ساعتها ... كان زمانى فى السجن
واحد بيعدى الشارع و لما وصل لنصفه .. قرر انه يرجع الشارع تانى بضهره و هو مغمض عينيه ... علشان شوية هواء بتراب دخلوا فى عينيه ... طب ده تقلوا ايه ؟؟!!!!! فرملت و حدفت شمال ... و ربنا كرمنى انا ... و يادوب فاديته
و حاجات من دى كتير و ربك هو الحافظ ... انا عاوز اقول لحضرتك ان الحجم الكبير ساعات بيكون نقمة كبيرة ... مش نعمة
الطلوع على الرصيف ....
فى اغلب الاحوال اجد ان دى حاجة مش كويسة ....
لو عربية نيسان خبطت فى عربية تانية ... او الكاوتش انفجر و حدفت جامد على الرصيف .... الرصيف معمول علشان يوقف اندفاع العربية ( المفروض انه يوقفها )
فى العربيات العالية ... ممكن تعدى الرصيف ده بسهولة و تكون فى مواجهة العربيات الى فى الاتجاه الاخر ... و انت و نصيبك
فى اكثر من حالة ... اجد بعض سيارات الرانجلر تحديدا .... بيعدوا الجزيرة الى فى منتصف الطريق لتغير الاتجاه .. و بالطبع عطلة و وقفة للسيارات فى الاتجاهين
عدم النظر فى المراية .....
جرب حضرتك ان تريلا ترمى عليك و هو مش باصص فى مرايته ...و يكسر لك المراية.... حتعرف شعور اى واحد بيسوق عربيته و حد تانى يرمى عليه ... انا مش بحب حد يدعى عليا او يحسبن ربنا فيا
من المناظر الى مش حنساها حادثة على الدائرى ... عربية رانجلر داخلة فى صندوق عربية جامبو من الخلف
الوش و الكشافات و الردياتير و غطاء الكبوت بايظين ... و الله اعلم بالى حصل جوة الموتور
متزعلش من كلامى ... ربنا يباركلك فى عربيتك و يسترها معانا جميعا
كلامك يحترم وتجربتك مع الجيب واضحه بس ينفع نقارن استهلاك عربيه 1300 بعربيه 5700؟؟ يعنى تقريبأ بتساوي 5 مواتير لانسر وبعيدآ موضوع الرصفان وخلافو دي سلوكيات كلنا ضدها وقصة السير عكس الطريق يعنى المطلوب انك تعمل اللى عليك كأنك راكب عربيه عاديه وتخلى بالك على الجميع لكن المستهتر طبيعى يدفع التمن لو خبطك وكصيانه طبعآ كل عربيه لها مصاريفها مع انى عارف ان الامريكى والالمانى اكثرهم يعنى لو راكب باترول برادو مثلاً او باجيرو ولا هتصرف اي حاجه وعن تجربه واستهلاك البنزين مش الخيالى زي الامريكي