الموضوع: ■ليه تركب جيب؟ (للمناقشه)■

طيب مانا ياحمد بيه بحس بخوف شويه بعد ال120
بحس ان العربيه مش ماسكه نفسها بس الموضوع مش فارق معايا عشان انا اصلا مش من هواه السرعه ومبسوط من الحكايه دى عشان الشيطان شاطر عشان الطريق ميغرنيش واجرى
انا اصلا لما اجيب سرعه الميه بس ان انا بقيت شومخر هههههههههههه وصايع

اولا اشكركم علي الموضوع الرائع جالي في وقته انا طول عمري بركب سيدان اخر عربيتين 320 2009 و بعدين سي 180 2012 و كنت هعمل غلطه و انقل علي الانسجنيا بس كنصيحه استاذ احمد فهمي ربنا يباركله تراجعت و حاليا قررت اركب جر اند شيروكي 2009 و دا لان سعرها انسب شيئ بالنسبالي و انا بجد تعبت من الشوارع و تصرفات الناس في السواقه (الصراحه انا منبهر من ان لسه في ناس بتعمل حسابها ان في ناس ماشيه معاها في الشارع زي ما بعض الاخوه كانوا بيقولوا) مشكلتي انا لا افقه شئ في الميكانيكا و عمري ما ركبت مستعمل و علاقتي بالميكانيكا اني اسوق لحد التوكيل او مركز الصيانه و ارجع اخد العربيه فهل دا معناه هتقابلني مشكله مع الجراند و كمان العربيه الي انا لاقيها (و هي معروض منها قليل قوي مش عارف ليه) راشه كبوت و اكصدامين و بابين نضافه زي ما صاحبها بيقول و الي كشف عليها قال انها مفيش حوادث خالص العربيه عداد الي حد ما مش كبير و باين انها استخدام نضيف جدا فلو ممكن اعرف اراء الاخوه الخبراء في الجيب و هل الرش دا مشكله ولا عادي؟ و لكم جزيل الشكر

المشاركة الأصلية كتبت بواسطة م/أحمد عبد الفتاح

مانا باقولك ياحاج حسين جمد قلبك ودوووووس علشان تسلك العربية
انا عموماً رديت فى اللينك اللى Off-roader كاتب فيه السؤال وقلتله ان الرانجلر بعد الـ ١٣٠ بيبان فيها الموضوع ده بس مش للدرجه اللى تقلق .

شوفتو ياابشا هاحول ابئا خطير شوية

المشاركة الأصلية كتبت بواسطة هانى البعثى

اولا اشكركم علي الموضوع الرائع جالي في وقته انا طول عمري بركب سيدان اخر عربيتين 320 2009 و بعدين سي 180 2012 و كنت هعمل غلطه و انقل علي الانسجنيا بس كنصيحه استاذ احمد فهمي ربنا يباركله تراجعت و حاليا قررت اركب جر اند شيروكي 2009 و دا لان سعرها انسب شيئ بالنسبالي و انا بجد تعبت من الشوارع و تصرفات الناس في السواقه (الصراحه انا منبهر من ان لسه في ناس بتعمل حسابها ان في ناس ماشيه معاها في الشارع زي ما بعض الاخوه كانوا بيقولوا) مشكلتي انا لا افقه شئ في الميكانيكا و عمري ما ركبت مستعمل و علاقتي بالميكانيكا اني اسوق لحد التوكيل او مركز الصيانه و ارجع اخد العربيه فهل دا معناه هتقابلني مشكله مع الجراند و كمان العربيه الي انا لاقيها (و هي معروض منها قليل قوي مش عارف ليه) راشه كبوت و اكصدامين و بابين نضافه زي ما صاحبها بيقول و الي كشف عليها قال انها مفيش حوادث خالص العربيه عداد الي حد ما مش كبير و باين انها استخدام نضيف جدا فلو ممكن اعرف اراء الاخوه الخبراء في الجيب و هل الرش دا مشكله ولا عادي؟ و لكم جزيل الشكر

بص يافندم طبعا م. احمد هيجلب الزتونه
لكن رائى المتواضع انا زايك بظبط 2009 متعتبرش قديمه او هيظهر ليها مشاكل بس رائى متخوش فى شيروكى حديثه شويه 2012 او 13
وسيبك من الجرند

المشاركة الأصلية كتبت بواسطة م/أحمد عبد الفتاح

بص ياباشا راشه كبوت واكصدامات نضافة عادى مافيش مشاكل لأن الكبوت طويل والشمس بتخلى لونه يبهت وده فى كل الجيب وكمان الاكصدامات دايماً بتتحك من عربيات تانية - لكن راشه بابين دى صعبه شوية لأن الابواب عمرمالونها بيبهت من الشمس لأنها عمودية على اتجاه الشمس مش افقية زى الكبوت والسقف - عموماً لازم تكشف عليها فى التوكيل ويطلعولك تقرير بيها ويكشفوا كويس على الأبواب وعلى العربية بصفة عامة خصوصاً العفشة الأمامية علشان العفشة الامامية فيها لو ملعوب فيها عمرها ماحتتظبط معاك وكمان لما تجربها إجرى بيها شوية على طريق كويس وشوفها بتعمل ايه فى السرعات العالية لأنها أثبت عربية جيب فى الجرى بالسرعات العالية يعنى مايكونش فيه هزة فى الدركسيون ولا صوت ونه من تحت العربية ولا بتحدف يمين او شمال ولابتعوم .
كمان جرب فتيس الغرز بتاعها هى عموماً دفع رباعى دائم 4high وفيها موديل ليه 4low وموديل مافيهوش 4low - الموديل اللى فيه 4low حتلاقى على يمين الفتيس الاوتوماتيك حرف تى نيكل وعلشان تجرب فتيس الغرز حتجيب الفتيس الاوتوماتيك العادى على الـ n والعربية يادوب بتتحرك وبعدين ترفع التى النيكل لفوق لغاية ماتنور كلمة 4low قدامك فى التابلوة وبعدين تسيب التى النيكل وتجيب الفتيس الاوتوماتيك على الـ d وتمشى بسرعة بسيطة لاتزيد عن ٣٥ الى ٤٠ كم/ساعة المفروض كمان تنور معاك لمبة الـ esp المرسوم عليها عربية وطريق معووج علشان نظام الاتزان بيتلغى اوتوماتيك فى الـ 4low وبعدين ترجع تانى بعكس الخطوات علشان تلغى الـ 4low ولو علق ده عادى بتجيب مارشدير مسافة متر بترجع العربية تانى عادى على الـ 4high - وتجرب كمان مثبت السرعة وكل حاجه فيها .

احمد بيه الف شكر على الشرح الوافي ربنا يسهل هجرب الكلام دا كله و اروح التوكيل و ربنا يعمل الخير