الموضوع: إستطلاع:- بتشعر بإيه و إنت داخل على لجنة فى الطريق؟؟

مما سبق اتضح لى ان الغلاسه ومهماه الكمين بطريقه انا اللى فوق بتجيب نتيجه كويسه
والله فكره

1- نفش شعور المواطن الفلسطينى و هو داخل عند معبر إسرائيلي فى فلسطين المحتله؟؟
2- نفس شعور المواطن العراقى عند إقترابه من حاجز تفتيش أمريكى؟؟


هموت من الضحك بجد

المشاركة الأصلية كتبت بواسطة Noha.M

تصدق بلدنا دى غريبة اوى

انا لما بدخل لجنة و اقوم مهدية و قافلة النور اللى فى وشه و اكلمه باحترام الاقيهم بيتفرعنوا اكتر و يقرفنى بقا رخص ,طفاية ,حزام اللى جنبك ( لان انا ببقي رابطاه على طول) لو دخلت بقا رازعة فى وشه و النور و مش بصاله اساسا و مكشرة و داخلة على انى هعدى على طول من غير ما اطلع رخص ولا بتاع الاقي معاملة بكل احترام
فبصراحة بدخل اجدعها لجنة و مش بيهمني

والله العظيم نفس اللي بيحصل معايا

ملاكى القاهرة 206 ......شكرا .

المشاركة الأصلية كتبت بواسطة mostafabakry

+1111111111111111

انا معاك في كل كلامك
فعلا والله احيانا كتير بتلككوا عشان ياخد منك اي حاجة و الظابط عارف و تقريبا له نسبه و قاعد علي كرسي من بعيد
انا في مرة وقفوني في كمين وكان امين شرطة فضل يسال علي الرخص لقيها تمام و قالي شغل المساحات لقيها تمام و طبعا انا رابط الحزام و مشغل الإنتظار بتاعي و ما فيش غلطة قام مدخل راسه في العربية ناحيتي و قاللي يا باشا عاوزين نشرب شاي من الناس الحلوة دي
انا طبعا عرفت انه كان بيحاول يلاقي حاجة عشان يضغط عليا بيها و يستغلنيما لقيش فراح طالبها ببقه
طبعا ما اكدبش عليكم انا عطيته اللي فيه النصيب و ريحت دماغي لأني حسيت ان الكمين كله متظبط و ما ينفعش اعمل فيها عنتر لأنهم طابخينها سوا

و ساعتها انا قلت في نفسي يبقي انت اكيييييييييييد في مصر

شغل تسول

المشاركة الأصلية كتبت بواسطة MoToRiZeR

أرجوك لا تكرر ذلك .. فهذا ما يشرع وجود مثل هذه الكائنات في الشارع و التي تتغذي علي البلطجة المشرعة و القانونية .. إنت لو كنت شخطت فيه و عملت مهم و الله كان سابك ، و حتي لو مسابكش .. انا عندي الرخص تروح ولا أحط رقبتي تحت إيد حيوان زي ده .

متفق معاك طبعا في هذا القول ... الناس هية اللى عودت الأشكال دي على كده

المشاركة الأصلية كتبت بواسطة hamedo0

انا احساسي نفسي اجبهم تحت الاربع عجلات ياريت حضرتك تضيف ده في التصنيف

ببقى حاسس اني عايز استفزهم بأي حاجة وببقى مش طايقهم نهائي وحاسس انهم شوية حرامية واقفين أو بلطجية واقفين

طبعا بغض النظر عن ان فيهم ناس فعلا كويسة وبتبقى ممشية الكمين بمنتهى الإحترام والأخلاق .. وإن الكمين فعلا بيكون كتير وكتير جدا سبب لتحقيق جزء كبير من عامل الأمان في الشارع المصري لأن في ناس تخاف متختشيش