السلام عليكم
العربيه عندي جيلي ck بقالها فتره مخنوقه وكل واحد يقولي علي ميكانيكي معين ويقول ده اللى هيجيب الديب من ودانه , والحقيقه ان كل واحد تكلمه يعمل فيها دكتور ميكانيكي ويفضل يفتي وانا زهقت
فالنهارده قلت اتعامل انا , فكيت علبة الفلتر الستوك "3 مسامير" والخرطوم ونضفت البوابه وجبت فلتر هواء سبور ب 90 جنيه وجيبت خرطوم بتاع تويوتا ب 35 جنيه وركبت عليه الفلتر
غيرت طقم بوجيهات ياباني ب 60 جنيه
بعدها روحت لبتاع الزيت غيرت زيت موبيل 3000 كم ب 130 جنيه وفلتر زيت بتاع تويوتا ب 25 جنيه
الحمد لله العربيه فاقت شويه بس لسه عاوز اجربها في مشوار طويل وربنا يستر من استهلاك البنزين