السلام عليكم
يا جماعه لو سمحتم محتاج عربيه اوتوماتيك في حدود ال ٦٠ او ٦٥ كحد أقصى كنت حابب اخد رأيكم .اكيد في أعضاء كتير عندها آراء مختلفه يا ريت لو سمحتم اسمع رأيكم تنصحوني بايه ؟
في انتظار حضراتكم وشكرا
عرض للطباعة
السلام عليكم
يا جماعه لو سمحتم محتاج عربيه اوتوماتيك في حدود ال ٦٠ او ٦٥ كحد أقصى كنت حابب اخد رأيكم .اكيد في أعضاء كتير عندها آراء مختلفه يا ريت لو سمحتم اسمع رأيكم تنصحوني بايه ؟
في انتظار حضراتكم وشكرا
يا جماعه ٨٦ مشاهده ومفيش رد واحد !!؟؟
للاسف الرقم ده معدش بيجيب حاجه كويسه ادفعهم مقدم وقسط
بيتهيألي تجيب نيسان 2006 او اقل
مش عارف فيه افيو اوتوماتيك موديل اقل من 2009
وشوف لانسر 2002 او 2003 احتمال
انا بفكر في اللانسر. يا ترى من السهل الاقي لانسر 2002 اوتوماتيك وبحاله كويسه بالسعر ده ؟
ممكن تلاقي ميجان موديل ٢٠٠٦ او ٢٠٠٧ بس مش بالساهل عشان تلاقي حالة كويسة
مش سهل تلاقي لانسر بسعر معقول له عايز اثر من تمن العربية خصوصا اليومين دول بس هي الافضل بالتاكيد
في كل بلاد العالم العربيات سعرها بينزل وخصوصا لما يعدي على ألعربيه ٥ سنين والشكل الجديد ينزل مش عارف ليه في مصر العربيات بتتركب وتستهللك وفي الاخر سعرها يعلا حاجه تجن يعني ال ٦٥ الف دول في اي بلد المفروض يجيبو عربيه معقوله جدا اي نعم مش عربيه فخمه بس عربيه تكفي احتياجاتك،،،،، اللي بيجنني كمان كلمة فابريكا خصوصا ان ألعربيه بيكون عمرها الافتراضي انتهى وفي الاخر نقول فابريكا حاجه اخر الاجه :d
عليكم السلام
حضرتك ممكن تجيب فيرنا 2009 بالمبلغ ده اعتقد انها الاختار الافضل
وربنا ييسرلك الخير
شكرًا بلو ميل .... تعتقد المبلغ ده يجيب فيرنا ٢٠٠٩ اوتوماتيك عداد كويس وحاله كويسه ؟؟
ايوه هتلاقي ان شاء الله
انزل السوق خد فكره يوم الجمعه ان شاء الله هتلاقي حاجات كويسه
ونصيحه لا تستعجل
ان شاء الله مشكور على النصيحه
انت ممكن تشتري لانسر كريستالة اوتو
وممكن تجيب اوبل فيكترا b1 او b2 من 50000ج الى 70000ج موديلات من 97 الى 2003
انا كان نفسي في اوتوماتيك كريستاله بس للأسف صعب اوي تلاقيها بحاله كويسه وده لان مر على تاريخ صنعها وقت طويل تقريبا ١٥ سنه او اكتر فمعظم الكريستاله الأوتوماتيك اللي شوفتهم يا اما ماشيه كتير اوووووي وحالتها مش ولابد يا اما مغيره محرك او فيها مشاكل من النادر تلاقي حد بيبيع كريستاله بحاله معقوله او مش محتاجه مصاريف كتير انا عارف ان ٦٥ الف مش كتير على عربيه اوتوماتيك بس المبلغ ده المفروض يجيب حاجه معقوله ،،،،،، انا مش حتبب فكرة الاوروبي ولا الصيني انا شايف ان معظم العربيات اللي ليها سوق في مصر هي التويوتا والميتسوبيشي والهيونداي والكيا واللانووس انا بفكر في فيرنا او كريستاله بحاله كويسه بس العملية محتاجه أني اشوف اكتر واكتر مش هتبقى حاجه سهله عموما أتمنى التوفيق للجميع وبجد متشكر على اهتمامكم جميعا والله المستعان