مطلوب سمكرى صح (خبره - سعر - أمانه)

السلام عليكم
محتاج نصيحة من الإخوة المحترمين.
العربية محتاجة شوية سمكرة , يعنى شوية خبطات و حكات لزوم الزحمة.
بس حالياً محتاج سمكرى صح الصح
يعنى ميقولش غير رفرف و طبله و قفا و الكلام العبيط اللى بيقولوه ده علشان ده استسهال و عدم إحتراف.
عاوز واحد يضبط العربية بالسوك بتاعتها الفابريكا, مش هأعمل أى تعديلات. هوديها لجارنا شغال فى توكيل كيا علشان يعمل لى الدوكو و الراجل ده بخيل أوى فى المعجون, لذلك محتاج أضبط سمكرة صح بالأبعاد و السوك و البروزات و كل حاجة.

الأهم يكون حد جربه فى الشغل و المواعيد و التعامل و الأسعار فى الحنين أو عالأقل فى المعقول ,لأن السمكريه اللى سألتهم كل واحد بيقول سعر أعجب من اللى قبله و عامل فيها بروفيسور السمكرة فى جامعة بوسطن.

يا ريت يكون قريب من المعادى و حلوان

شاكر ليكم

باشا طبعا العربية لادا تعالى اوديك لسمكرى بتاعى هو فى البساتين ونشوف هيقول اية عجبك الكلام كان بها ما عجبك خد عربيتك وروح لغيرة