-
احساس مرعب فى النوم
الموقف ده حصل مع واحد صاحبى
صاحبى ده عايش فى شقه لواحده والشقه بقالها فتره محدش بيقعد فيها
المهم وهو نايم ومتغطى ساعات بيجيله احساس ان فى حد مكتفه فى السرير زى ما يكون قاعد عليه
وهو بيحاول يتحرك وبيحس انه مشلول ولما بيصحى من النوم من الخوف بيبص حواليه مش بيلاقى حاجه والموقف ده محصلش معاه ولا مره لما بيبقى فى البيت
حد عنده تفسير مقنع للى حصل او حد حصل معاه حاجه مشابهه ..؟؟
وشكرا
-
اعمل سيرش فى جوجل عن كلمه الجاثوم انا فاكر انى قريت غن سبب علمى للموضوع ده بس مش فاكرة بصراحة بس خلى بالك فى ناس مفسراه بالخرافات فمش كل اللى هتقراه فى الموضوع ده صح
-
خليه يواظب على الصلاة
يشغل قران وبخور بين العصر والمغرب
وساعة صلاة الجمعة
ويقرا قران فى اى وقت
-
خليه يتوضا قبل ما ينام
و يشغل قران جنبه
ويقرا المعوذتين
لو استمر الحال
يشوف له شقه تانيه احسن
-
آية الكرسى قبل ما ينام
و إن شاء الله مفيش شيطان يقرب منه
كلامى بناء على حديث شريف
وزى ما فى ناس بتخاف من الجن ----- فى جن بيخاف من الناس
مثال الحالة الاخيرة عمربن الخطاب رضى الله عنه
الموقف نفسه كان بيحصل مع خالى
كان دائم النوم فى البيت بمفرده و ساعات يشوف حد عينيه حمرا و حاجات من كدة
-
دى حاجه اسمها الجاثوم
بتحصل لى كثير جدا ......
عرفه بس لانه بيكون شبه صاحى لكن حاسس ان جسمه مشلول جدا وحد مكتفه وفاتح عينيه نصف فتحه والتنفس صعب جدا ... يحاول يحرك جسمه .. ده بيكون صعب جدا... او يحاول يحرك الفك مثلا
انا بخلص آيه الكرسى والمعوذات وانا فى الحاله دى ..على مابتفك........ وطبعا هو عايش لوحده مش هينفع حد يحركه من مكانه اى حركه بسيطه بتفك الجاثوم ده
ربنا معاه بتكون صعبه جدا
-
اللى جنبى هيعرف انى عندى جانوم ازاى اصلا علشان يحركنى
-
اقرا شويه عن الجاثوم و في فديوهات كتير في اليوتيوب عن الموضوع ده
-
معايا واحد صاحبى فى الشغل عنده نفس الحالة بالميللى و متعايش معاها عادى
-
انت فعلا بتبقي مشلول تماما و مش قادر تتحرك رغم انك داري بكل اللي حواليك و عارف انك نايم علي السرير لكن متكتف و مش عارف تتحرك، مع احترامي للجميع انت مش محتاج حد يحركك او حاجه هي مساله وقت و الشلل بيتفك لوحده
عقبال ما الجني اللي مفطسك يسيبك :cat34: و خد عندك الفيديو ده
https://m.youtube.com/watch?v=obk_SKARdDs
Content Relevant URLs by
vBSEO 3.6.0 PL2