عرض للطباعة
السلام عليكم..كنت عايز استفسر عن الحرارة في كورلا ،،،أنا معايا كورلا ٢٠٠٦ منوال ١٣٠٠،العداد بكون على الربع طول مالعربية ماشية و لو وئفت في زحمة جامد ذي ميدان لبنان كدة و فضلت في زحمة فترة العداد يطلع على النص و يفضل كدة لحد مروحة تشتخل و بعدين ينزل شوية مثلاً و لسة الدنيا زحمة يعلى تاني للنص متبردش غير لم أبدأ أمشي بسرعة ، يعني العداد على الربع طول منا ماشي و يطلع على النص أول مايبأ في زحمة ،،هل د كدة طبيعي ولا في حاجة مش صح في التبريد..،،،و ألف شكر
شوف يا باشا
انا معايا كورولا 2007 مانيوال 1300 سى سى وعندى نفس ظروفك تماما بامشى برضه فى ميدان لبنان والزحمة اللى انت عارفها وده بيحصل معايا بالضبط زى ما قولت وده طبيعى جدا.
بس عندى ملحوظة عاوز اقولها ليك وهى انك تتاكد كل اسبوع على الاقل من مياه الردياتير لاننى مرة بصيت لاقيتها قلت شويه (مقدار كوب ماء تقريبا) وبعد ما زودت الميه لقيت سرعة التبريد اسرع شويه وفرق ولو حاجة بسيطة عن الاول للاحسن طبعا.
............على فكرة انا موسوس من موضوع الحرارة جدا .............
بس اللى بتقول عليه طبيعى جدا.
وتحت امرك
ألف شكر ليك ،،،،بجد الموضوع دا كان شاغلني أوي ،،،،،أنا بردو موسوس من موضوع الحرارة دة،،هي فعلاً نأسى شوية و أنا كنت فعلاً ناوي اشتري المية بتاعها ازودها ،،على العموم ألف شكر ليك على رسالتك و نفسي يجي اليوم إلي ممكن أجيب فيه الخامس في ميدان لبنانhttp://www.nilemotors.net/Nile/images/icons/icon10.gif
موضوع مؤشر الحرارة ده فعلا ده الطبيعي بتاعه كده
فمتخفشي منه
انت تخاف لما يبدأ يطلع عن النص بفارق كبير يعني
وطبيعي اي عربيه لما بتقف بتسخن اكتر عن ما بتمشي
لأن في فرق في التهوية
ده غير طبيعىاقتباس:
المشاركة الأصلية كتبت بواسطة lord_n
انت اكيد عندك مشكله فى غطاء الرادياتير أو القربه وده بيسبب بخر المياه
انا العربيه عندى نادرآ ما تحتاج زياده مياه ودى موديل 2003
يعنى كل تغيير زيت مثلآ كل 1 0 الأف كيلو ازود الكبايه دى
بس مش كل اسبوع
اشكرك يا استاذ نايل هارت على الاهتمام ولكن احب ان اوضح شىء
انا كنت اقصد انى اول مرة اشوف فيها مستوى الماء فى السيارة كان بعد ما عملت حوالى 10000 كم تقريبا ولما لقيتها ناقصة عملت العملية اللى بقول لك عليها ومن ساعتها ان بعمل فحص شامل سريع على الزيت والماء كل اسبوع (موش هايكلف حاجةان تبص كل اسبوع على الموتور والمايه وتضرب خرطوم هوا للتنظيف)
انا لم اقصد ان الميه بتنقص كل اسبوع انا بقول كنوع من الاطمئنان ان الواحد يطمن مرة واحدة كل اسبوع ...للامان موش اكتر
وشكرا
ألف شكر على تعليقاتكم ،،،،،،،،،
انا معايا 2007 1300 اوتو
متقلقشى ده الطبيعى بتاع مؤشر الحرارة
متبقاش تمشى فى ميدان لبنان والمؤشر حيبقى زى الفلاقتباس:
المشاركة الأصلية كتبت بواسطة DEBEDROO