إحتفالات نوبية في مصر بفوز أوباما

**OlaOsman** · 07-11-2008 08:09 PM

إحتفالات نوبية في مصر بفوز أوباما وأجهزة الأمن تعتبرها انزلاقا نحو العنصرية

11/7/2008 10:25:00 AM
القاهرة ـ محرر مصراوي- استقبل النوبيون في مصر خبر فوز أوباما بالأفراح، وتبادل عدد منهم الرسائل النصية على الهواتف المحمولة،وقام آخر بتوزيع الشيكولاتة، وعبر البعض عن فرحتهم بالرقص على نغمات الأغاني الأفريقية.
وقالت صحيفة المصري اليوم إن اجهزة الامن المصرية اعتبرت هذه الاحتفالات انزلاقًا إلى العنصرية في التعبير عن تعاطفهم مع الرئيس الامريكي الجديد، مشيرة الى انها استدعت عددا من المدونين النوبيين لتحذيرهم من الانزلاق الى العنصرية.
واضافت الصحيفة ان النوبيين اعربوا عن فرحتهم بطرق مختلفة ، واشارت الى ان محمود مختار، المحاسب بإحدى شركات النفط اعرب عن فرحته بتوزيع الشيكولاتة على زملائه بالعمل.

**Nile Heart** · 07-11-2008 08:31 PM

من حقهم

سبحان الله على ام اجهزة الأمن دى! حتى فى الفرحه مش سايبين الناس فى حالهم

اسم الله على عدم العنصريه بتاعة الحكومه! دى مضطهده الأخوان والأقباط والنوبيين والبدو
و
و
و

**Chicco** · 07-11-2008 09:23 PM

عنصرية إيه ؟ و ضد مين ؟
على كده الاحتفاليات في كينيا تبقى إيه ؟!!!
بلاش ديه طب الاحتفاليات بتاعة الناس في أوروبا ...فرنسا و أنجلترا و ألمانيا ....حتى تركيا.... و احتفاليات الناس في أمريكا الجنوبية تبقى إيه
طب أصحاب الفرح ..السود في أمريكا تبقى احتفالاتهم إيه ؟
لا أجهزة الأمن بتاعتنا تتحسد

**ibrahimsaad** · 08-11-2008 06:15 AM

هو ايه العبط ده

هو علشان الراجل افريقى واسود يبقى خلاص منهم

اوباما الان امريكى لاغير وسينفذ سياسه اليهود الامريكيين

وعمره ماهيكون احسن من غيره وبكره افكركم

**OlaOsman** · 08-11-2008 09:14 AM

المشاركة الأصلية كتبت بواسطة ibrahimsaad

هو ايه العبط ده

هو علشان الراجل افريقى واسود يبقى خلاص منهم

اوباما الان امريكى لاغير وسينفذ سياسه اليهود الامريكيين

وعمره ماهيكون احسن من غيره وبكره افكركم

ده فعلا اللي انا مستغربة له من موقف النوبيين.. يعني هو عشان داكن البشرة هايقوم يدور على كل داكني البشرة في العالم و خصوصا الأقليات و ينصفهم؟ التفكير ده دلالاته خطيرة و هو ان النوبيين في مصر حاسين بإنهم أقلية و مهمشين.

**MTAK** · 08-11-2008 09:36 AM

المشاركة الأصلية كتبت بواسطة OlaOsman

و هو ان النوبيين في مصر حاسين بإنهم أقلية و مهمشين.

النوبيين بس
و الله انت طيبة اوى يا علا

عموما ده ممكن يكون شعور من الاوعى للعقل الباطن
يعنى الفرح لنجاح فى ظروف مشابهة
يعنى مثلا لما شاهدنا افراح عرب اسيا بحصولنا على كأس افريقيا
و لم نراها من عرب افريقيا
نفسهم ينجحوا نجاح زيه و يتمحكوا فىمن نجح
يعنى علماؤنا الافذاذ اللى بقينا نسمع عنهم اخيرا بعد نجاحهم
ماهم ناجحين من زمان
و كمان الان فقط اكتشفنا انهم مصريين و شربوا من نيلها
دا فى منهم اللى بتكلم عربى مكسر .
برضه اهل النوبه شايفين ان فى حاجة بتربطهم باوباما
يعنى كلها مسأله رغبة فى النجاح و بتتشاف فى ناس تانية بهم حاجة مشتركة و ان كانت نانو حاجة

**shanodaa** · 08-11-2008 03:32 PM

اهل النوبه ناس طيبين وفي كل الافلام في مصر فيها عنصريه يعني خدام او سفرجي او بواب يبقي لونه اسود طب ليه كده

**Mohd_Adel_Amin** · 08-11-2008 03:40 PM

انا لحد دلوقتي حاسس ان فيه حاجة غلط .. الانتخابات اللي فاتت أغرب انتخابات حصلت في تاريخ العالم الحديث .. وسواء النوبيين او الكينيين او غيرهم فرحو أو زعلو كان لازم اوباما هو اللي ينتخب وكان لازم الديموقراطيين يكسبو سواء اوباما أو غيره لأن الجمهوريين شعبيتهم في الحضيض (الانجاز الوحيد لبوش في الولايات المتحدة انه سجل اعلى نسبة انخفاض شعبية في تاريخ الولايات المتحدة )

مش فاهم الناس فرحانة بإيه احنا لسه مشفناش حاجة , ولما ربنا يحيينا ونشوف اوباما هيعمل ايه نبقى نحكم عليه .