نيسان صني 2015 الشكل القديم ولا لوجان 2015 ؟؟

بعد اذنكم انا مندوب ادوية وهشتري عربية قريبا جدا و عايز اعرف ايه الافضل نيسان صني 2015 الشكل القديم ولا الوجان 2015
وسؤال ثاني هل النيسان صني 2015 الشكل القديم فيها abs ؟؟؟

نيسان صني طبعا وبالنسبة لوجود abs علي حد علمي موجود في الشكل الجديد

الصنى افضل بس مفيش abs

أما أنا فرأيي أن اللوجان أفضل وخصوصا الأوتوماتيك، الشكل القديم من صني كفاية عليه أوي كده.. والله أعلم.

بمنتهي الأمانة بأعتباري مالك للوجان أوتو 2013 أقول الأتي
مزايا الصني الشكل القديم : موتور ياباني - فتيس ياباني - عفشة جيدة لحد بعيد- قطع الغيار أسعارها معقولة و أن كان في بعض الأحيان تدوخ عليها - تكييف و خامات جيدة
عيوب الصني الشكل القديم : العيوب التقليدية للتقفيل المصري في اللمسة النهائية - كهربية العربية بها مشاكل - أستهلاكها للنزين عالي حبيتن
اللوجان الشكل الجديد
مزايا : أرتفاع عن الأرض بمسافة - عفشة و موتور فرنسي الصنع ( أقل في السحب من الصني و لكن أوفر في البنزين )- تكييف جيد - أوبشنز عالية - تفقيل مغربي لكن بمواصفات أروربية عالية - وسائل أمان عالية
عيوب : المحرك من جيل قديم (2004) - عدم وضوح الرؤية الخليفية بسبب أرتفاع العربية - قطع الغيار غالية حبتبن تحتاح لصيانة التوكيل أو ميكانيكى نتخصص ( لكن أنتشار العربية سيؤدى إلي حل تلك المشكلة )
في النهاية أركب الأثنين و شوف إللي ترتاح فيها و أن كنت شايف أن اللوجان أحسن في السفر

نفس الحيره ..ياريت تقولي عملت ايه

أكيد الصنى الشكل القديم أفضل بمراحل وال abs ممكن تركيبه على حسابك داخل التوكيل علشان الضمان ومش محتاجه تفكير وبالتوفيق

عن تجربة إمتلاك للصني 2014 شكل قديم و لوجان شكل قديم أوتوماتيك بالإضافة إلى 2 لوجان شكل جديد مع أصدقائي....أقولك و بكل ثقة....لوجان 2015 بدون تفكير كثير