ليه مفيش اقبال علي السيراتو بفتحه سقف هل فيها مشاكل ولا الناس مستخسره ال5الاف جنيه ؟!

ليه مفيش حد معاه ال E X بفتحه سقف اصل انا بحب فتحه السقف اوي هل هي فيها مشاكل في العربيه دي بالذات؟ يعني بلاش اشتريها ولا فكره ال5 الاف جنيه؟ ولا هي مش محببه عامة في اي عربيه؟

لا اكيد هى هى العربيه هيبقى فيها مشاكل ازاى
اعتقد انها فكره ال 5000 جنيه
لان اللى بيزيد فتحة السقف بس
فتلاقى كتير يقولك 5000 فرق عشان فتحة سقف بس
وكمان 107 دى قربت من حاجات تانيه يابانى وفيها عوامل امان abs , air bag
وطبعا السيراتو مفهاش الحاجات دى
بس لوجينا قارننا بحاجه زى الالنترا وسعرها هنلاقى ان مش كتير 107 عالسيراتو
لان الالنترا الاوتوماتيك بتبدأ من 110 وطبعا ولافيها فتحة سقف ولا تكييف تاتش ولا air bags , abs

هي مش فكرة ال5000جنيه الفرق
لأ ..
دي فكرة ال10000 جنيه الفرق بينها و بين اول فئة في الاوتوماتيك (97000)..
و فرق الكماليات بين الفئتين مش ضخم ..طالما انه لا يتضمن اي عوامل امان ..
غير كده حيبقي كله حاجات يمكن التنازل عنها .. مثل المرايات الكهرباء .. او الكنبة القابلة للطي .. او طقم الكروم و اللا النيكل اللي حطوه في العربية ..
----------
من ناحية تانية ..
بالضبط زي ما الاخ حنبولي قال .. 107000 حتقربك جدا من اختيارات تانية .. اقربها اللانسر ال 1600 ..
و بكده تكون دخلت في الياباني .

كيا سيراتو اعلي اوبشن(بفتحه سقف)

اقتباس:

---

لا اكيد هى هى العربيه هيبقى فيها مشاكل ازاى

---

لا انا مقصدش مشاكل في العربيه ككل انا اقصد في مشاكل في فتحه السقف فيها؟يعني فتحه سقفها وحشه بتبوظ كده يعني

اقتباس:

---

المشاركة الأصلية كتبت بواسطة anamina_minaana

لا انا مقصدش مشاكل في العربيه ككل انا اقصد في مشاكل في فتحه السقف فيها؟يعني فتحه سقفها وحشه بتبوظ كده يعني

---

لاا لاا خااااااالص

انا لسه راكبة عربية قريبي لسه جايبها بفتحة يقف و مفهاش اى حاجة و بنته طالعة من السقف عمالة تسقف :k49:و فضحانا فى الشارع و مفيش اى مشاكل :7bteen:

فتحة السقف دى اختراع ... تحفة بجد

ولوكان معايا تمنها يوم الشراء كنت جبتها فورا وبدون تردد رغم نصائح البعض بعد شراء سيارة بفتحة سقف

لان مش عارف الموتور بيبوظ والعزل بيبوظ وبتخلى مياه الامطار تسبب الصداء والباروما للسقف ...و.... و... مش عارف ايه...!!!! من اجمالى الفتاوى المصرية العريقة ...:ANSmile23:

يا سلام يا اخت نهي انت والاخ احمد اكتر اتنين بيحبوا الناس ويعرفوهم قيمه السيراتو انا بجد بجد متشكر

بس في سؤال لو حد فاهم فكرتها يا ريت يقوللي لاني مش فاهمها هي فوقيها زجاج ولا لا؟ لما بتتفتح بتفتح لتحت؟ ولا منها للهوا مش فاهمها يا ريت حد يفهمني فكرتها بالضبط

اقتباس:

---

المشاركة الأصلية كتبت بواسطة anamina_minaana

بس في سؤال لو حد فاهم فكرتها يا ريت يقوللي لاني مش فاهمها هي فوقيها زجاج ولا لا؟ لما بتتفتح بتفتح لتحت؟ ولا منها للهوا مش فاهمها يا ريت حد يفهمني فكرتها بالضبط

---

فتحة السقف عبارة عن طبقتين طبقة من الزجاج الفامية ودي الطبقة الخارجية
وطبقة داخل العربية جزء شبه سقف العربية ولكن متحرك.. ممكن تفتحه لوحده وتسيب الزجاج مقفول
وفي 3 أزرار بجوار اضاءة الصالون
زر بيفتح السقف خالص وزر بيرفعها فقط وزر للغلق
وزر الفتح بيفتح الزجاج الفامية والغطاء الداخلي مع بعض
مع ملاحظة ان الفتح او الرفع ممكن يكون اتوماتيك بمجرد ضغطة واحدة
والحاجات دي لما بتتفتح بتنزلق داخل سقف العربية
وبالنسبة للعزل ماشاء الله مفيهوش اي مشكلة

حاجة زي كدا

http://www.postimage.org/PqA71ZS.jpg